Eksodus 15:9 - An Bibel Kernewek 20234 (Kernewek Kemmyn)

⁹ ‘An eskar a leveris, “My a wra siwya, my a wra tremena, my a rann an preydh, ow hwans a vydh lenwys gansa. My a denn ow kledha, ow dorn a wra aga distrui.”

Eksodus 15:9 Iomraidhean Croise

Jenesis 49:27

‘Benyamin yw bleydh ow skwardya; Myttin ev a dheber y breydh, ha gorthugher ev a rann an pyth re beu pyllys.’

2 Samuel 22:38

My a helgh ow eskerens ha'ga hachya; ha ny dhehwelav bys pan vons distruys.

1 Myghternedh 19:2

Ena Yezebel a dhannvonas kannas dhe Elias, ow leverel, ‘Yndellma re wrello an duwow dhymm, ha moy keffrys, mar ny wrav dha vewnans avel bewnans onan anedha erbynn an termyn ma a-vorow.’

1 Myghternedh 20:10

Ben-hadad a dhannvonas dhodho ha leverel, ‘Re wrello an duwow yndellma dhymm, ha moy keffrys, mars eus doust lowr gesys yn Samaria dhe ri dornas dhe bubonan a'n bobel a'm siw.’

Eksodus 14:5

Pan veu derivys dhe vyghtern Ejyp bos fiys an bobel, brys Faro ha'y servysi a veu treylys a-dro dhe'n bobel, hag yn-medhons, ‘Pyth yw hemma a wrussyn, ow livra mebyon Ysrael a'gan servya?’

Lavarow Koth 16:19

Gwell yw bos uvel an spyrys gans an voghosogyon ages kevrenna an preydh gans an re woethus.

Ysay 36:20

Piw eus a oll duwow a'n tiryow ma neb a dhelivras aga thiryow yn-mes a'm leuv? Ytho fatell yll an Arloedh delivra Yerusalem yn-mes a'm leuv?” ’

Ysay 53:12

Rakhenna my a re dhodho rann gans an tus vras, ha gans an tus alloesek ev a rann an preydh; rag ev a dhinewis y vewnans bys ankow, ha reknys veu yn mysk an dhrogoberoryon. Ev a dhug peghes tus pals, hag a bledyas a-barth an dhrogoberoryon.

Yeremia 46:17

Gelwewgh hanow Faro myghtern Ejyp, ‘Braggyer neb a gollas y jons.’

Habakkuk 3:14

Gans y shaftys y honan ty a wanas pennow y gasoryon; i a dheuth avel korwyns dh'agan skattra; I a lowenhas kepar hag ow lenki an den truan yn-dann gel.

Luk 11:22

mes pan dheffo warnodho den kreffa agesso, ev a gemmer dhiworto y leun-arvwisk may trestyas ynni, ha ranna y breydh.

Breusysi 5:30

“A nyns esons i ow kavoes hag ow kevrenna an preydh? – mowes po diw dhe bub gour; preydh a gwethow liwek dhe Sisera, preydh a gwethow liwek brosys, dew dharn a ober liwek brosys rag ow honna yn preydh?”

1 Samuel 30:8

Ha Davydh a wovynnas orth an Arloedh, ha leverel, ‘A wrav vy helghya an bagas ma? A wrav vy aga hachya?’ Ev a worthybis dhodho, ‘Helgh, rag ty a wra yn sur aga hachya ha heb falladow sawya an brisnoryon.’