Eksodus 15:25 - An Bibel Kernewek 20234 (Kernewek Kemmyn)

²⁵ Hag ev a grias war an Arloedh; ha'n Arloedh a dhiskwedhas dhodho gwydhenn hag ev a's tewlis y'n dowr, ha'n dowr eth ha bos hweg. Ena an Arloedh a wrug dhedha ordenans ha lagha hag ena ev a's provas,

Eksodus 15:25 Iomraidhean Croise

2 Myghternedh 2:21

Ev eth yn-mes dhe fenten an dowr ha tewlel hoelan ynni ha leverel, ‘Yndellma y lever an Arloedh, “My re burhas an dowr ma; ny vydh a-dhiworta mernans na difroethter na fella.” ’

2 Myghternedh 4:41

Ena ev a leveris, ‘Drewgh bleus.’ Hag ev a'n tewlis y'n galter ha leverel, ‘Diver e rag an bobel may hallens dybri.’ Ha nyns esa dregynn y'n galter.

2 Myghternedh 6:6

Gour Duw a leveris, ‘Ple koedhas?’ Hag ev a dhiskwedhas dhodho an tyller. Ev a droghas gwelenn, ha'y thewlel di, ha henna a wrug dhe'n horn neuvella.

Salmow 50:15

Ha galw warnav yn dydh anken; my a'th telirv, ha ty a wra ow gordhya.

Salmow 66:10

Rag ty, A Dhuw, re'gan provas; ty re'gan assayas, dell yw arghans assayys.

Salmow 81:7

Ty a elwis yn anken ha my a'th telivras; my a worthybis dhis yn keladow an daran; my a'th provas orth dowrow Meriba. Sela.

Salmow 91:15

Ev a elow warnav ha my a worthyp dhodho; yth esov ganso yn anken, my a'n delirv ha'y enora.

Salmow 99:6

Moyses hag Aron yn mysk y oferysi, ha Samuel yn mysk an re a elow war y hanow. I a elwis war an Arloedh hag ev a worthybis dhedha.

Eksodus 14:10

Pan dheuth Faro nes, mebyon Ysrael a dhrehevis aga dewlagas, hag otta, yth esa an Ejyptianys ow tos war aga lergh; hag own bras a's teva. Mebyon Ysrael a grias war an Arloedh;

Eksodus 16:4

Ena an Arloedh a leveris dhe Moyses, ‘Otta, my a wra dhe vara koedha a nev ragowgh avel glaw; ha'n bobel a wra mos yn-mes ha kuntell pub dydh an rann rag unn jydh, ma's preffiv mar kerdhons yn ow lagha po na.

Eksodus 17:4

Ytho Moyses a grias war an Arloedh, ‘Pandr'a wrav gans an bobel ma? Ogas parys yns dhe'm labydha.’

Eksodus 20:20

Ha Moyses a leveris dhe'n bobel, ‘Na berthewgh own; rag Duw yw devedhys dh'agas previ, ha may fo an own anodho a-rag agas dewlagas, ha ma na begghowgh.’

Lavarow Koth 17:3

An teudhlester yw rag arghans, ha'n forn yw rag owr, mes an Arloedh a brev kolonnow.

Yeremia 15:1

Ena an Arloedh a leveris dhymm: Mar saffa Moyses ha Samuel a-ragov, hwath ny allsa ow holonn treylya war-tu an bobel ma; gwra aga dannvon mes a'm golok, ha'ga gasa dhe vones.

Yeremia 9:7

Yndella ytho y lever Arloedh an luyow: Otta, my a's purha ha'ga frevi; rag fatell allav gul ken drefenn myrgh ow fobel?

Ezekiel 47:7

Wosa my dhe dhehweles, otta, war lann an avon gwydh pals, pur lies, war dhiw lann an avon.

Ezekiel 47:8

Yn-medh ev dhymm, ‘Yma'n dowr ma ow resek yn-mes troha ranndir an est, hag ow mos yn-nans dhe'n Araba; pan dheu bys y'n mor, bys yn mor an dowrow trenk, an dowr a vydh yaghhes.

1 Korinthianys 1:18

Rag an ger a-dro dhe'n grows yw follneth dhe'n re usi ow mos dhe goll, mes dhyn nyni usi ow pos selwys, nerth Duw yth ywa.

Dewteronomi 13:3

na woslow orth geryow an profoes na, nag orth an hunroser na a hunrosow, rag an Arloedh agas Duw a wra agas previ, dhe wodhvos mar kerowgh an Arloedh agas Duw gans oll agas kolonn ha gans oll agas enev.

Dewteronomi 8:16

neb a ros dhis manna dhe dhybri y'n gwylvos na aswonnis dha dasow, rag dha uvelhe, ha rag ma'th proffa, dhe wruthyl dader dhis wortiwedh.

Dewteronomi 8:2

Ha ty a berth kov a oll an fordh a wrug an Arloedh dha Dhuw dhis kerdhes ynni an dew-ugens blydhen ma y'n gwylvos, rag ma'th uvelhaho ha'th previ, dhe wodhvos an pyth esa y'th kolonn, mar kwitthes y worhemmynnow po na witthes.

Breusysi 2:22

rag may preffiv Ysrael dredha, a wrens i gwitha fordh an Arloedh ow kerdhes ynni, kepar dell y's gwitha aga thasow, po na wrens.’

Breusysi 3:1

Lemmyn an re ma yw an kenedhlow a wrug an Arloedh aga gasa rag previ oll an re yn Ysrael na's tevo aswonnvos a vresel vytholl yn Kanan

Breusysi 3:4

An re ma o rag previ Ysrael, rag godhvos mar pens i gostydh dhe worhemmynnow an Arloedh a worhemmynnis dh'aga thasow dre Moyses.