Eksodus 15:22 - An Bibel Kernewek 20234 (Kernewek Kemmyn)

²² Ena Moyses a hembronkas Ysrael a'n Mor Rudh hag i eth yn gwylvos Shur; i eth tri dydh y'n gwylvos ha ny gavsons dowr.

Eksodus 15:22 Iomraidhean Croise

Jenesis 16:7

El an Arloedh a's kavas ryb fenten a dhowr y'n difeythtir, ryb an fenten war an fordh dhe Shur.

Jenesis 20:1

Hag Abraham eth alena troha tir an Negeb ha triga yntra Kadesh ha Shur; hag yth esa trigys yn Gerar avel alyon.

Jenesis 25:18

Trigys esens dhiworth Havila dhe Shur, usi a-dal Ejyp war an fordh dhe Assyria. Ev a goedhas dherag y vreder oll.

Salmow 136:16

neb a hembronkas y bobel der an difeyth, rag y dregeredh a dhur bys vykken;

Salmow 77:20

Ty a hembronk dha bobel avel deves dre leuv Moyses hag Aron.

Salmow 78:52

Mes y bobel y honan, ev a's dros yn-mes avel deves, ha'ga ledya y'n difeyth avel flokk.

Salmow 78:53

Ev a's ledyas yn sawder, ma nag ownsons; mes an mor a gudhas aga eskerens.

Eksodus 17:1

An kuntelles oll a vebyon Ysrael eth yn-rag a wylvos Sin yn kerdhow berr, herwydh gorhemmynn an Arloedh, ha kampya yn Refidim; mes nyns esa dowr dhe'n bobel dh'y eva.

Eksodus 3:18

Hag i a wra goslowes orth dha lev ha ty ha henavogyon Ysrael a wra mos dhe vyghtern Ejyp ha leverel dhodho, “An Arloedh, Duw an Ebrowyon, re vetyas genen; ha lemmyn, ni a'th pys, gas ni dhe vones yn vyaj a dri dydh y'n gwylvos mayth offrynnyn dhe'n Arloedh agan Duw.”

Niverow 33:8

Hag i eth yn-kerdh a-dhiworth Hahiroth, ha tremena dres mysk an mor bys y'n gwylvos, hag i eth yn hyns a dri dydh yn gwylvos Etham, ha kampya yn Mara.

1 Samuel 15:7

Sowl a weskis an Amalekysi, a-dhiworth Havila bys Shur, usi a-dal Ejyp.

1 Samuel 27:8

Lemmyn Davydh ha'y wer eth yn-bann, hag i a wrug omsettyansow erbynn an Geshurysi, ha'n Girzysi, ha'n Amalekysi; rag yth o an re ma an trevesigethow dhiworth Telam war an fordh dhe Shur ha bys yn pow Ejyp.