Eksodus 15:21 - An Bibel Kernewek 20234 (Kernewek Kemmyn)

²¹ Ha Miryam a worthybis dhedha, ‘Kenewgh dhe'n Arloedh rag ev a dryghis yn splann, an margh ha'y varghek ev re dewlis y'n mor.’

Eksodus 15:21 Iomraidhean Croise

2 Samuel 1:20

Na wrewgh y leverel yn Gath, na wra y dhyllo yn stretow Ashkelon; ma na lowenhaho myrghes an Filistysi, ma na heudhhaho myrghes an re antrodreghys.

2 Samuel 6:14

Ha Davydh a dhonsyas dherag an Arloedh gans oll y nerth; ha Davydh o grogysys gans efod a lien.

2 Kroniklys 5:13

An hirgernysi ha'n ganoryon a junyas war-barth yn unnson yn gormola hag yn grasow dhe'n Arloedh. Keveylys gans hirgern ha gans symbalys, ha daffar menestrouthi arall, i a ganas gormola dhe'n Arloedh, ‘Rag ev yw da, ha'y dregeredh a dhur bys vykken’; ha'n chi, chi an Arloedh, o lenwys a gommolenn,

Salmow 76:6

Orth dha geredh, A Dhuw Yakob, an charett ha'n margh a goedhas yn kosk poes.

Eksodus 15:1

Ena Moyses ha mebyon Ysrael a ganas an gan ma dhe'n Arloedh, ow leverel, ‘Kana a wrav dhe'n Arloedh, rag ev re dryghis yn splann; an margh ha'y varghek ev re dewlis y'n mor.

Eksodus 15:4

‘Charettow Faro ha'y lu ev a dewlis y'n mor ha'n gwella a'y benngasoryon yw sedhys y'n Mor Rudh.

Diskwedhyans 14:3

Hag i a ganas kan nowydh a-dherag an tron hag a-dherag an peswar kreatur bew ha'n henavogyon, ha denvyth ny ylli dyski an gan marnas an kans peswar ha dew-ugens mil re beu prenys dhiworth an norvys.

Diskwedhyans 15:3

Hag i a gan kan Moyses gwas Duw, ha kan an Oen, ow leverel, ‘Bras ha marthys yw dha wriansow, A Arloedh Duw Ollgalloesek; ewn ha gwir yw dha fordhow, A Vyghtern an kenedhlow.

Diskwedhyans 5:9

Ha kan nowydh a ganons i, ow leverel, ‘Gwiw osta dhe gemmeres an rol, hag igeri an selyow, rag ty a veu ledhys ha re dhasprensys tus dhe Dhuw gans dha woes yn-mes a bub loeth, ha yeth, ha pobel, ha kenedhel;

Breusysi 5:3

‘Klewewgh, A vyghternedh, goslowewgh, A bennsevigyon; dhe'n Arloedh y kanav, my a gan gormola dhe'n Arloedh, dhe Dhuw Ysrael.

1 Samuel 18:6

Pan esens ow tos tre, y'n termyn may tehwelis Davydh dhiworth ladhva an Filistyas, an benynes eth yn-mes a oll sitys Ysrael, ow kana hag ow tonsya, dhe dhyerbynna myghtern Sowl, gans tabourigow, gans kanow a lowena, ha gans daffar menestrouthi.

1 Samuel 18:7

Ha'n benynes a ganas an eyl dh'y ben hag i ow lowenhe, ‘Sowl re ladhas y vilyow, ha Davydh y dhegow a vilyow.’