Eksodus 15:15 - An Bibel Kernewek 20234 (Kernewek Kemmyn)

¹⁵ Lemmyn pennternedh Edom yw dyegrys; ledyoryon Moab yw dalghennys yn kren; oll annedhysi Kanan re deudhis dhe-ves;

Eksodus 15:15 Iomraidhean Croise

Jenesis 36:15

An re ma yw pennternedh mebyon Esaw. Mebyon Elifaz, kynsa-genys Esaw: penntern Teman, penntern Omar, penntern Sefo, penntern Kenaz,

Jenesis 36:16

penntern Koragh, penntern Gatam, penntern Amalek. An re ma yw pennternedh Elifaz yn pow Edom; mebyon Ada yns i.

Jenesis 36:40

An re ma yw henwyn pennternedh Esaw, war-lergh aga theyluyow, war-lergh aga thylleryow, orth aga henwyn: penntern Timna, penntern Alva, penntern Yetheth,

2 Samuel 17:10

Ha'n gour ynwedh neb yw kolonnek, gans kolonn kepar ha lew, a deudh glan dhe-ves gans own, rag oll Ysrael a woer bos dha das kasor, ha'n re usi ganso yw kasoryon alloesek.

Salmow 48:5

I a welas, ytho marth a's teva; dyegrys ens i, hag i a fyskas dhe-ves.

Salmow 68:2

Dell yw mog pellhes, yndella gwra aga fellhe i; ha dell deudh koer a-dherag an tan, yndella es an debeles dhe goll a-dherag Duw.

Ysay 13:7

Rakhenna pub leuv a vydh gwann, ha'n golonn a bub den a deudh.

Ysay 19:1

Profoesans a-dro dhe Ejyp. Awotta'n Arloedh ow marghogeth war gommolenn skav hag ow tos bys yn Ejyp; idolys Ejyp a gren a-ragdho, ha kolonn Ejyp a deudh a-bervedh ynno.

Yeremia 49:23

A-dro dhe Damaskus. Hamath hag Arpad a's teves meth, drefenn i dhe glewes yeyn nowodhow; i a deudh yn own, troblys yns avel an mor na yll bos kosel.

Ezekiel 21:7

Ha pan leverons dhis, ‘Prag yth esos ow hanasa?’ ty a lever, ‘Rag an nowodhow yw devedhys. Pub kolonn a deudh, ha pub leuv a vydh ydhil; pub spyrys a glamder, ha pub glin a dreyl dhe dhowr. Otta, hemma a dheu hag a hwyrvydh’, yn-medh an Arloedh Duw.

Nahum 2:10

Gwakter, difeyth ha diswrians! An golonn ow teudhi, dewlin ow trebuchya, diwglun oll ow krena, ha pub fas devedhys ha bos diliw!

Habakkuk 3:6

Ev re sevis ha musura an norvys, ev re welas an kenedhlow, ha gul dhedha lemmel; brewys veu an menydhyow heb diwedh, omblegya a wrug an breow a bes vynitha: dhodho yw an fordhow a bes vynitha.

Habakkuk 3:7

My a welas tyldow Kushan yn ahwer, kroglennow tyldow bro Midyan a gren.

Dewteronomi 2:4

Gorhemmynn dhe'n bobel, ow leverel: Yth esowgh ow treusi or agas breder mebyon Esaw usi trigys yn Seir. I a berth own ahanowgh, rakhenna omwithewgh fest.

Dewteronomi 20:8

Ena an soedhogyon a gews dhe'n bobel arta ha leverel, ‘Eus gour a berth own ha digolonnek yw? Es ev ha dehweles dh'y ji, ma na wrello dhe golonn y vreder teudhi kepar ha'y golonn ev.’

Yoshua 14:8

Byttegyns ow breder eth yn-bann genev a wrug kolonn an dus teudhi yn own; mes my a besyas len dhe'n Arloedh ow Duw.

Yoshua 2:11

Ni a glewas, ha'gan kolonn a deudhis, ha nyns esa spyrys gesys yn denvyth a'gas govis; rag an Arloedh agas Duw yw Duw yn nev a-vann ha war an nor a-woeles.

Yoshua 2:24

Yn-medhons dhe Yoshua, ‘Yn hwir an Arloedh re ros yn agan diwla oll an tir; hag oll annedhysi an tir re deudhis yn own a-dheragon.’

Yoshua 2:9

hag yn-medh hi dhe'n wer: ‘My a woer an Arloedh dhe ri dhywgh an tir; euth ahanowgh re goedhas warnan hag oll trigoryon an tir re deudhis yn own a-ragowgh.

Yoshua 5:1

Pan glewas oll myghternedh an Amorysi a'n howlsedhes dhe'n Yordan, hag oll myghternedh an Kananysi ryb an mor, an Arloedh dhe dhesygha dowrow an Yordan a-rag mebyon Ysrael bys pan dreussens, aga holonn a deudhis, ha nyns esa ynna spyrys na fella, drefenn mebyon Ysrael.

1 Samuel 14:16

Yth esa goelyadoryon Sowl yn Gibea a Benyamin ow mires; ha'n routh ow teudhi dhe-ves omma hag ena.