Eksodus 15:13 - An Bibel Kernewek 20234 (Kernewek Kemmyn)

¹³ ‘Ty re hembronkas y'th tregeredh an bobel re dhasprensys, ty re's kevarwoedhas dre dha nerth dhe'th trigva sans.

Eksodus 15:13 Iomraidhean Croise

Jenesis 19:16

Mes ev a dhelatyas, ytho an wer a settyas dalghenn yn y leuv ha leuv y wreg ha leuv y dhiw vyrgh, a-ban gemmeras an Arloedh truedh anodho; hag i a'n dros yn-mes, ha'y worra mes a'n sita

2 Samuel 15:25

Ena yn-medh an myghtern dhe Sadok, ‘Kemmer argh Duw a-ji dhe'n sita arta. Mar kavav gras yn golok an Arloedh, ev a'm dre arta, ha gasa my dh'y gweles, hi hy honan ha'y thrigva.

Nehemia 9:12

Gans koloven a gommol ty a's hembronkas y'n jydh ha gans koloven a dan y'n nos, dhe wolowi ragdha an fordh mayth ellens.

Salmow 106:9

Hag ev a geredhis an Mor Rudh, ha desyghys veu; ytho ev a's hembronkas der an downderyow kepar ha der an difeyth.

Salmow 74:2

Porth kov a'th kuntelles a brensys seuladhydh, loeth dha ertach a dhasprensys, ha menydh Sion may trigsys ynno.

Salmow 77:20

Ty a hembronk dha bobel avel deves dre leuv Moyses hag Aron.

Salmow 78:35

Hag i a borthas kov Duw dhe vos aga harrek, ha Duw Ughella dhe vos aga dasprenyas.

Salmow 80:1

Goslow, A vugel Ysrael, ty neb a hembronk Yosep avel flokk; omdhiskwa, ty neb a drig ynter an cherubim.

Eksodus 15:16

own hag euth a goedh warnedha; drefenn meuredh dha vregh, i yw kosel avel men, erna dremenno dha bobel, A Arloedh, erna dremenno dha bobel re brensys.

Eksodus 15:17

Ty a wra aga dri a-ji, ha'ga flansa war venydh dha ertach, an tyller, A Arloedh, re wrussys rag dha drigva, an sentri, A Arloedh, re fastyas dha dhiwleuv.

Eksodus 20:2

My yw an Arloedh dha Dhuw, neb a'th tros yn-mes a bow Ejyp, yn-mes a'n chi a gethneth.

Eksodus 6:6

Lavar ytho dhe vebyon Ysrael, “My yw an Arloedh hag a wra agas dri a-dhann veghyow an Ejyptianys ha'gas livra a'ga hethneth ha'gas dasprena gans bregh ystynnys ha dre vreusow meur,

Ysay 51:10

A ny veu ty hag a syghas an mor, dowrow an keynvor; neb a wrug downder an mor fordh may tremenna an re dasprenys warnedhi?

Ysay 57:15

Rag yndellma y lever an ughel hag eksaltys neb a drig trank heb worfenn, ha sans yw y hanow: Trigys esov yn tyller ughel ha sans, hag ynwedh gans an den yw keudhesik hag isel y spyrys, dhe wul dhe spyrys an re uvel dasvewa ha dhe wul dhe golonn a'n re brewys dasvewa.

Ysay 63:9

yn oll aga anken. Nyns o kannas nag el mes y lok ev a's sawyas. Yn y gerensa hag yn y druedh ev a's dasprenas; ev a's drehevis ha'ga doen oll an dydhyow koth.

Yeremia 2:6

Ha ny lavarsons, ‘Ple'ma an Arloedh a'gan dros yn-mes a bow Ejyp, a'gan hembronkas der an gwylvos, dre dir a dhifeythtiryow hag a byttow, dre dir a syghor, hag a skeus ankow dre dir ma na dremenas gour, ha le nag eus trigys den?’

Efesianys 2:4

Mes Duw, rych yn tregeredh, drefenn y gerensa meur ma'gan karas,

1 Peder 1:5

neb yw gwithys dre alloes Duw dre fydh dhe selwyans parys dhe vos diskwedhys y'n termyn diwettha.