Eksodus 14:3 - An Bibel Kernewek 20234 (Kernewek Kemmyn)

³ Rag Faro a lever a-dro dhe vebyon Ysrael, “Maglennys yns y'n tir; an gwylvos re's degeas.”

Eksodus 14:3 Iomraidhean Croise

Salmow 139:2

Ty a aswonn ow esedha ha'm sevel; ty a gonvedh ow frederow a bellder.

Salmow 139:4

Rag nyns eus ger war ow thaves heb ty, A Arloedh, dh'y wodhvos yn tien.

Salmow 3:2

lies yns i neb a lever a'm enev, ‘Nyns eus gweres ragdho yn Duw.’ Sela.

Salmow 71:11

Hag yn-medhons i, ‘Duw re'n forsakyas; helghyewgh ev, ha'y gemmeres; rag nyns eus den a'n deliffro.’

Eksodus 14:2

‘Lavar dhe vebyon Ysrael may treyllyons ha kampya a-rag Pihahiroth, yntra Migdol ha'n mor, a-rag Baal-sefon; hwi a wra kampya a-dal dhodho, ryb an mor.

Eksodus 14:4

Ha my a wra kaleshe kolonn Faro, hag ev a wra aga siwya ha my a gyv glori drefenn Faro ha'y lu oll; ha'n Ejyptianys a woer my dhe vos an Arloedh.’ Hag yndella i a wrug.

Ezekiel 38:17

Yndellma y lever an Arloedh Duw: A nyns yw ty neb a gewsis vy a-dro dhodho y'n dydhyow koth, dre leuv ow gwesyon profoesi Ysrael, a brofoessons lies blydhen y'n dydhyow na, my dhe'th tri er aga fynn?

Oberow 4:28

rag gul an pyth a ragdhestnas dha leuv ha'th towl may fe gwrys.

Dewteronomi 31:21

Ha pan wra lies drog hag ahwer aga havoes, an gan ma a worthyp yn test; rag ny vydh ankevys mes a anow aga henedh. My a woer mynnas aga brys usi dhedha hedhyw, hwath kyns my dh'aga dri dhe'n tir a wrugavy y di.’

Breusysi 16:2

Derivys veu dhe'n Filistysi, ‘Samson yw devedhys omma.’ Yndella i a omguntellas a-dro ha'y gontrewaytya oll an nos orth yet an sita. Tewel a wrens der oll an nos, ow prederi, ‘Gortyn bys yn golow an myttin, ena ni a'n ladh.’

1 Samuel 23:23

Gwelewgh ha godhvydhewgh oll an kudhvaow mayth usi owth omgudha, ha dehwelewgh arta dhymm gans derivadow sur. Ena yth av genowgh; ha mars usi ev y'n vro, my a'n hwila yn-mes yn oll an kordhow a Yuda.’

1 Samuel 23:7

Y feu derivys dhe Sowl Davydh dhe dhos dhe Keila. Yn-medh Sowl, ‘Duw re'n delivras a-berth y'm leuv; rag ev re dhegeas y honan a-bervedh, owth entra yn sita a's teves porthow ha barrys.’