Eksodus 14:22 - An Bibel Kernewek 20234 (Kernewek Kemmyn)

²² Ha mebyon Ysrael eth yn mysk an mor war dhor sygh, an dowrow ow pos fos dhedha a'ga dyghow hag a'ga kledh.

Eksodus 14:22 Iomraidhean Croise

2 Myghternedh 2:14

Ev a gemmeras mantell Elias a goedhsa a-dhiworto ha gweskel an dowr ha leverel, ‘Ple'ma an Arloedh, Duw Elias?’ Pan y'n gweskis. an dowr a veu diberthys dhe'n eyl tenewen ha dh'y gila hag Elisha eth a-dreus.

2 Myghternedh 2:8

Elias a gemmeras y vantell hag ev a's rolyas ha frappya an dowrow gensi. An dowr a veu diberthys dhe'n eyl tenewen ha dh'y gila mayth eth an dhew a-dreus war dir sygh.

Nehemia 9:11

Ha ty a folsas an mor a-ragdha mayth ethons dre gres an mor kepar ha pan ve war dhor sygh, ha'ga helghysi ty a dewlis y'n downderyow kepar ha men y'n dowrow bras.

Salmow 106:9

Hag ev a geredhis an Mor Rudh, ha desyghys veu; ytho ev a's hembronkas der an downderyow kepar ha der an difeyth.

Salmow 136:13

neb a rannas an Mor Rudh yn diw rann, rag y dregeredh a dhur bys vykken;

Salmow 136:14

ha gul dhe Ysrael tremena der an kres anodho, rag y dregeredh a dhur bys vykken;

Salmow 66:6

Ev a dreylyas an mor dhe dir sygh; mayth ethons der an avon war dreys; ena ni a lowenhas ynno.

Salmow 74:15

Ty a folsas an fenten ha'n fros; ty a dhesyghas avonyow prest ow resek.

Salmow 78:13

Ev a rannas an mor, hag a wrug dhedha tremena dredho; ev a wrug dhe'n dowrow sevel kepar ha graghell.

Eksodus 14:29

Mes mebyon Ysrael a gerdhas war dhor sygh yn mysk an mor, an dowrow ow pos fos dhedha a'ga dyghow hag a'ga kledh.

Eksodus 15:19

Rag mergh Faro a dheuth gans y jarettow ha'y varghogyon y'n mor, an Arloedh a dhros dowrow an mor arta warnedha, mes mebyon Ysrael a gerdhas war dhor sygh yn mysk an mor.

Eksodus 15:8

Orth hwyth dha dhewfrik an dowrow a hwythfis yn-bann, an livow a sevis yn graghell; an downderyow a gowlas yn kolonn an mor.

Ysay 11:15

An Arloedh a rann taves mor Ejyp; ev a wev y leuv war an avon gans nerth y wyns, ha'y gweskel yn seyth stredh rag may treusser yn sandalyow;

Ysay 11:16

y fydh fordh-veur dhiworth Assyria rag remenant y bobel yw gesys, kepar dell veu rag Ysrael y'n jydh mayth yskynnas yn-mes a bow Ejyp.

Ysay 43:16

Yndellma y lever an Arloedh, a wra fordh y'n mor, hyns y'n dowrow meur,

Ysay 51:10

A ny veu ty hag a syghas an mor, dowrow an keynvor; neb a wrug downder an mor fordh may tremenna an re dasprenys warnedhi?

Ysay 63:12

neb a wrug dh'y vregh gloryus mos orth leuv dhyghow Moyses, ow folsa dowrow a-ragdha, dhe wul ragdho hanow a dhur vys vykken,

Ysay 63:13

neb a wrug dhedha kerdhes der an downderyow? Avel margh y'n gwylvos, ny drebuchyons;

Zekaria 2:5

My a vydh fos tan a-dro, yn-medh an Arloedh, ha my a vydh golewder a-bervedh ynni.’

Niverow 33:8

Hag i eth yn-kerdh a-dhiworth Hahiroth, ha tremena dres mysk an mor bys y'n gwylvos, hag i eth yn hyns a dri dydh yn gwylvos Etham, ha kampya yn Mara.

1 Korinthianys 10:1

Ny vynnav, breder, hwi dhe vos heb godhvos bos agan tasow oll yn-dann an gommolenn, hag i oll a dremenas der an mor,

Ebrowyon 11:29

Dre fydh y treussons an Mor Rudh avel dre dhor sygh; mes tus Ejyp, pan hwilsons gul yndellma, y fons lenkys.

Yoshua 3:16

an dowrow esa ow tos yn-nans a-wartha a sevis stag; i a omdhrehevis yn graghell mar bell avel Adam, an sita usi ryb Sarethan; ha'n dowr esa ow mos troha Mor an Araba, Mor an Hoelan, a veu stoppys yn tien. Ytho an bobel a dreusis a-dal Yeriko.

Yoshua 3:17

An oferysi esa ow toen argh kevambos an Arloedh a sevis fast war syghtir yn kres an Yordan, hag oll Ysrael a dreusis war syghtir, bys pan worfennas oll an genedhel treusi an Yordan.

Yoshua 4:22

ena displegyewgh dh'agas mebyon, “Ysrael a dreusis an Yordan ma war an tir sygh.”

1 Samuel 25:16

i o fos dhyn nos ha dydh, oll an termyn mayth esen gansa ow kwitha an deves.