Eksodus 14:21 - An Bibel Kernewek 20234 (Kernewek Kemmyn)

²¹ Ena Moyses a ystynnas y dhorn dres an mor; ha'n Arloedh a herdhyas an mor war-dhelergh dre wyns krev a'n howldrevel oll an nos, ha gul dhe'n mor bos dor sygh, ha'n dowrow a veu rynnys.

Eksodus 14:21 Iomraidhean Croise

Jenesis 8:1

Mes Duw a borthas kov a Noy hag oll an bestes, hag oll an chatel esa ganso y'n gorhel ha Duw a wrug dhe wyns tremena war an nor ha bashes veu an dowrow.

2 Myghternedh 2:8

Elias a gemmeras y vantell hag ev a's rolyas ha frappya an dowrow gensi. An dowr a veu diberthys dhe'n eyl tenewen ha dh'y gila mayth eth an dhew a-dreus war dir sygh.

Nehemia 9:11

Ha ty a folsas an mor a-ragdha mayth ethons dre gres an mor kepar ha pan ve war dhor sygh, ha'ga helghysi ty a dewlis y'n downderyow kepar ha men y'n dowrow bras.

Job 26:12

Ev a goselhas an mor der y nerth; der y dhoethter ev a vrewis Rahab.

Job 38:24

Ple'ma'n fordh dhe'n tyller mayth yw golow lesrynnys, po le mayth yw gwyns an howldrevel keskerys war an norvys?

Salmow 136:13

neb a rannas an Mor Rudh yn diw rann, rag y dregeredh a dhur bys vykken;

Salmow 148:8

tan ha keser, ergh ha niwlrew; gwyns hag annawel ow kewera y er;

Salmow 66:6

Ev a dreylyas an mor dhe dir sygh; mayth ethons der an avon war dreys; ena ni a lowenhas ynno.

Salmow 74:13

Ty a rannas an mor dre dha nerth; ty a dorras pennow an dragones y'n dowrow.

Salmow 78:13

Ev a rannas an mor, hag a wrug dhedha tremena dredho; ev a wrug dhe'n dowrow sevel kepar ha graghell.

Eksodus 14:16

Drehav dha welenn, hag ystynn dha dhorn dres an mor ha'y ranna, may hallo mebyon Ysrael mos war dhor sygh yn mysk an mor.

Eksodus 14:20

ow tos yntra kamp Ejyp ha kamp Ysrael. Hag yth esa an gommolenn ena gans an tewlder; ha'n nos a dremenas heb an eyl ow tos nes dh'y gila der oll an nos.

Eksodus 15:8

Orth hwyth dha dhewfrik an dowrow a hwythfis yn-bann, an livow a sevis yn graghell; an downderyow a gowlas yn kolonn an mor.

Eksodus 7:19

An Arloedh a leveris dhe Moyses, ‘Lavar dhe Aron, “Kemmer dha welenn hag ystynn dha dhorn dres dowrow Ejyp, dres aga avonyow, aga dowrgleudhyow, aga follow kors hag oll aga follow dowr, may teffons ha bos goes; hag y fydh goes dre bow Ejyp oll, hag yn lestri a brenn hag yn lestri a ven.” ’

Ysay 23:11

Ev re ystynnas y leuv war an mor, ev re shakyas gwlaskordhow. An Arloedh re erghis erbynn Kanan dhe dhistrui hy hastylli.

Ysay 43:16

Yndellma y lever an Arloedh, a wra fordh y'n mor, hyns y'n dowrow meur,

Ysay 44:27

neb a lever dhe'n keynvor, ‘Bydh sygh! ha my a sygh agas avonyow’;

Ysay 50:2

Prag nag esa denvyth ena pan dheuth vy? Prag na worthybis denvyth pan elwis vy? Yw ow dorn berrhes bys ma na yll hi dasprena? A nyns eus dhymmo vy galloes dhe dhelivra? Gans ow heredh my a sygh an mor, my a wra avonyow difeyth; aga fuskes a fler rag difyk dowr, hag a verow rag syghes.

Ysay 51:10

A ny veu ty hag a syghas an mor, dowrow an keynvor; neb a wrug downder an mor fordh may tremenna an re dasprenys warnedhi?

Ysay 51:15

Rag my yw an Arloedh, dha Dhuw, neb a ankres an mor, may tarenno an tonnow; Arloedh an luyow yw ow hanow.

Ysay 63:12

neb a wrug dh'y vregh gloryus mos orth leuv dhyghow Moyses, ow folsa dowrow a-ragdha, dhe wul ragdho hanow a dhur vys vykken,

Ysay 63:13

neb a wrug dhedha kerdhes der an downderyow? Avel margh y'n gwylvos, ny drebuchyons;

Habakkuk 3:8

A wrug dha sorr dewi erbynn an avonyow, A Arloedh, yw dha goler erbynn an avonyow po dha gonnar erbynn an mor, may farghogydh war dha vergh, dha jarettow a selwyans?

Oberow 7:36

An gour ma a's hembronkas yn-mes, ow kul marthusyon hag toknys yn pow Ejyp, hag orth an Mor Rudh, hag y'n gwylvos dres dew-ugens blydhen.

Yoshua 2:10

Ni re glewas fatell dhesyghas an Arloedh dowrow an Mor Rudh a-ragowgh pan ethewgh yn-mes a Ejyp, ha'n pyth a wrussowgh dhe dhew vyghtern an Amorysi esa dres an Yordan, dhe Sihon ha dhe Og, a sakersys dhe dhistruyans.

Yoshua 3:17

An oferysi esa ow toen argh kevambos an Arloedh a sevis fast war syghtir yn kres an Yordan, hag oll Ysrael a dreusis war syghtir, bys pan worfennas oll an genedhel treusi an Yordan.

Yoshua 4:23

Rag an Arloedh agas Duw a dhesyghas dowrow an Yordan a-ragowgh bys pan dreussewgh, kepar dell wrug an Arloedh orth an Mor Rudh pan y'n desyghas ragon bys pan dreussen,