Eksodus 14:14 - An Bibel Kernewek 20234 (Kernewek Kemmyn)

¹⁴ An Arloedh a wra omladh ragowgh, ha hwi yn tawesek.’

Eksodus 14:14 Iomraidhean Croise

2 Kroniklys 20:15

Ev a leveris, ‘Goslowewgh oll Yuda ha trigoryon Yerusalem, ha myghtern Yehoshafat: Yndellma y lever an Arloedh dhywgh: “Na vedhewgh ownek na digolonnek orth an routh vras ma; rag nyns yw an vatel dhywgh mes dhe'n Arloedh.

2 Kroniklys 20:17

Nyns yw an vatel ragowgh hwi dhe omladh; kemmerewgh agas le, sevewgh fyrv ha gwelewgh trygh an Arloedh a'gas govis, A Yuda ha Yerusalem.” Na vedhewgh ownek na digolonnek; a-vorow kewgh dh'aga dyerbynna, ha'n Arloedh a vydh genowgh.’

2 Kroniklys 20:29

Own an Arloedh a dheuth war oll gwlaskordhow an tiryow pan glewsons an Arloedh dhe omladh erbynn eskerens Ysrael.

Nehemia 4:14

Ha my a viras ha sevel ha leverel dhe'n ugheloryon, ha dhe'n soedhogyon ha dhe remenant an bobel, ‘Na berthewgh own anedha. Perthewgh kov a'n Arloedh yw meur hag euthyk, hag omledhewgh rag agas breder, agas mebyon, agas myrghes, agas gwragedh ha'gas chiow.’

Nehemia 4:20

Y'n tyller may klewowgh hwi son an trompa, kuntellewgh dhyn ena. Agan Duw a omladh ragon ni.’

Nehemia 9:11

Ha ty a folsas an mor a-ragdha mayth ethons dre gres an mor kepar ha pan ve war dhor sygh, ha'ga helghysi ty a dewlis y'n downderyow kepar ha men y'n dowrow bras.

Salmow 35:1

Striv, A Arloedh, gans an re a striv genev; omladh erbynn an re a omladh er ow fynn.

Salmow 50:3

Agan Duw a dheu, heb tewel, tan a dheber a-dheragdho, hag annawel veur a vydh a-dro dhodho.

Salmow 83:1

Na daw, A Dhuw, na omdenn, ha na bowes, A Dhuw.

Eksodus 14:15

An Arloedh a leveris dhe Moyses, ‘Prag y kriydh dhymm? Lavar dhe vebyon Ysrael mones yn-rag.

Eksodus 14:25

ow taga rosow aga charettow, may fons poes dhe lewya. Ytho an Ejyptianys a leveris, ‘Fiyn a-dhiworth Ysrael; rag an Arloedh a omladh ragdha erbynn an Ejyptianys.’

Eksodus 15:3

An Arloedh yw breselyas; an Arloedh yw y hanow.

Ysay 30:15

Rag yndellma y lever an Arloedh Duw, Sans Ysrael: Yn edrega ha powes hwi a vydh selwys, yn kosoleth ha fydhyans y fydh agas nerth, mes ny'n mynnewgh.

Kynvannow 3:26

Da yw, pan wortir yn tawesek selwyans an Arloedh.

Dewteronomi 1:30

An Arloedh dha Dhuw, usi ow kerdhes a-ragowgh, a omladh ragowgh, kepar dell wrug ragowgh yn Ejyp a-wel dhywgh,

Dewteronomi 20:4

rag yth yw an Arloedh agas Duw neb a gerdh genowgh dhe vatalyas ragowgh orth agas eskerens, dh'agas sawya.’

Dewteronomi 3:22

Na berthewgh own anedha, drefenn an Arloedh agas Duw dhe vatalyas ragowgh.’

Yoshua 10:10

An Arloedh a's gorras yn deray a-rag Ysrael, hag i a's gweskis glan orth Gibeon, ha'ga chasya war fordh-yskynna Beth-horon, ha'ga gweskel bys Azeka ha bys Makkeda.

Yoshua 10:14

Ny feu dydh kepar ha henna kyns po a-wosa, pan woslowas an Arloedh orth lev gour; rag an Arloedh a omladhas rag Ysrael.

Yoshua 10:42

Yoshua a gemmeras oll an vyghternedh ma ha'ga thir yn unn kaskyrgh, drefenn an Arloedh, Duw Ysrael, dhe omladh rag Ysrael.

Yoshua 23:10

Unn gour mes a'gas mysk a yll chasya mil, rag an Arloedh agas Duw a omladh ragowgh, dell ambosas dhywgh.

Yoshua 23:3

ha hwi re welas pup-tra re wrug an Arloedh agas Duw dhe oll an kenedhlow ma a-barth dhywgh; y feu an Arloedh agas Duw a omladhas ragowgh.

Breusysi 5:20

An ster a omladhas dhiworth nev, dhiworth aga resegvaow i a omladhas erbynn Sisera.

1 Samuel 4:7

an Filistysi a borthas own; rag i a leveris, ‘Re dheuva duw y'n kamp.’ Hag yn-medhons, ‘Go-ni! Rag ny hwarva hwarvos a'n par na kyns.