Eksodus 13:9 - An Bibel Kernewek 20234 (Kernewek Kemmyn)

⁹ Hag y fydh dhis avel tokyn war dha dhorn hag avel kov yntra dha dhewlagas, may fo lagha an Arloedh yn dha anow; rag dre leuv grev an Arloedh re'th tros yn-mes a Ejyp.

Eksodus 13:9 Iomraidhean Croise

Nehemia 1:10

Lemmyn an re ma yw dha servysi ha'th pobel, a dhasprensys dre dha nerth bras ha gans dha leuv grev.

Salmow 136:11

ha dri Ysrael yn-mes a'ga mysk, rag y dregeredh a dhur bys vykken;

Salmow 136:12

dre leuv grev ha dre vregh ystynnys, rag y dregeredh a dhur bys vykken;

Salmow 89:13

Yma dhis bregh alloesek; nerthek yw dha leuv, hag ughel yw dha leuv dhyghow.

Eksodus 12:14

An jydh ma a vydh dydh kovadh dhywgh, ha hwi a wra y witha avel goel dhe'n Arloedh; der agas henedhow hwi a wra y witha avel ordenans bys vykken.

Eksodus 12:41

Ha dhe benn an peswar kans ha deg blydhen warn ugens, y'n jydh na poran, oll luyow an Arloedh eth yn-mes a bow Ejyp.

Eksodus 13:14

Hag y'n termyn a dheu pan wovynn orthis dha vab, “Pyth yw styr hemma?” ty a lever dhodho, “Dre nerth an leuv an Arloedh a'gan dros yn-mes a Ejyp, yn-mes a ji an gethneth.

Eksodus 13:16

Y fydh avel tokyn war dha dhorn po soenelligow yntra dha dhewlagas; rag dre nerth an leuv an Arloedh a'gan dros yn-mes a Ejyp.’

Eksodus 13:3

Ha Moyses a leveris dhe'n bobel, ‘Perthewgh kov a'n jydh ma, pan dheuthewgh yn-mes a Ejyp, yn-mes a'n chi a gethneth, rag an Arloedh a'gas dros a'n tyller ma gans leuv grev; bara goell ny vydh dybrys.

Eksodus 3:20

Ytho my a ystynn ow dorn ha gweskel Ejyp gans ow marthusyon oll a wrav ynno; wosa henna ev a as dhedha mones.

Eksodus 7:4

mes ny wra Faro koela orthowgh. Ena my a wra gorra ow dorn war Ejyp ha kyrghes ow luyow, ow fobel, mebyon Ysrael, yn-mes a bow Ejyp dre vreusow meur.

Lavarow Koth 1:9

rag garlont teg yns i rag dha benn ha torgh rag dha gonna.

Lavarow Koth 3:21

Ow mab, na as i dhe skapya a'th tewlagas: gwith kusul len ha doethter,

Lavarow Koth 7:23

bys pan wra seth gwana y avi; dell fysk edhen yn maglenn, ha ny woer ev kost hemma dhe vos y vewnans.

An Gan a Ganow 8:6

Desedh vy avel sel war dha golonn, avel sel war dha vregh, rag bos kerensa mar grev avel ankow, hy avi mar dhibita avel ifarn; hy flammow yw lughes a dan, losk a'n kreffa.

Ysay 27:1

Y'n jydh na an Arloedh a gessydh gans y gledha kales, bras ha krev Lawethan an sarf usi ow fia, Lawethan an sarf usi ow gwrynya; ha ladha an dhragon usi y'n mor.

Ysay 40:10

Otta, an Arloedh Duw a dheu gans nerth ha'y vregh a rewl ragdho; otta, yma y wober ganso, ha'y werison a-ragdho.

Ysay 44:5

Hemma a lever, ‘Dhe'n Arloedh yth ov’, y gila a vydh gelwys gans hanow Yakob, hag onan arall a vynn skrifa war y leuv, ‘Dhe'n Arloedh’ ha kemmeres an hanow a enor ‘Ysrael’.

Ysay 49:16

Otta, my re'th gravyas war balv ow dorn, yma dha fosow pup-prys a-ragov.

Ysay 51:9

Difun, difun, omwisk yn nerth, A vregh an Arloedh. Difun kepar hag y'n dydhyow koth, henedhow an termyn pell, A ny veu ty hag a droghas Rahab yn temmigow, hag a wanas an dhragon?

Ysay 59:21

Ha hemm yw ow hevambos a wrav gansa, yn-medh an Arloedh: ow Spyrys usi warnas ha'm geryow re worris yn dha anow ny dhiberth a'th anow nag a anow dha has, nag a anow has dha has, yn-medh an Arloedh, alemma rag ha bys vykken.

Yeremia 22:24

Dell vewav, yn-medh an Arloedh, kyn fe Konia mab Yehoyakim myghtern Yuda bysow ow leuv dhyghow, hwath alena my a'th torrsa

Daniel 9:15

‘Ha lemmyn, A Arloedh agan Duw, neb re hembronkas dha bobel yn-mes a bow Ejyp dre leuv grev, hag a wrug dhe'th hanow bos gerys-da avel y'n jydh hedhyw, pegha re wrussyn, ha gul yn trog.

Yoel 2:11

Ha'n Arloedh a wra dyllo y lev a-dherag y lu, rag y gaslys yw pur vras, ha krev yw ev neb a gollenow y er. Rag meur yw dydh an Arloedh ha pur euthyk; ha piw a yll y berthi?

Niverow 15:39

hag y fydh kribell ragowgh dhe vires warnedhi ha dhe berthi kov a worhemmynnow an Arloedh, dh'aga gul, ha na holyewgh war-lergh agas kolonn agas honan na'gas dewlagas dha honan, owth horya war aga lergh.

Matthew 23:5

Oll aga oberow i a wra rag bos gwelys gans tus; rag i a ledanha aga fylakteriow ha hirhe pilennow aga gwisk.

Romanyon 10:8

Mes pandr'a lever ev? ‘Yma an ger yn ogas dhis, yn dha anow hag y'th kolonn’ henn yw, an ger a fydh a bregewthyn.

Dewteronomi 30:14

Rag yma an ger fest yn ogas dhis, yn dha anow hag yn dha golonn, rag y wul.

Dewteronomi 5:15

Porth kov ty dhe vos keth yn pow Ejyp, ha'n Arloedh dha Dhuw a'th tros yn-mes alena dre leuv grev ha bregh ystynnys; rakhenna an Arloedh dha Dhuw a worhemmynnis dhis gwitha an sabot.

Dewteronomi 6:21

ena ty a lever dhe'th vab, ‘Kethyon en ni dhe Faro yn Ejyp, ha'n Arloedh a'gan dros yn-mes a Ejyp dre leuv grev.

Dewteronomi 6:6

Ha'n geryow ma esov ow korhemmynna dhis hedhyw a vydh war dha golonn;

Dewteronomi 6:8

ha ty a's kelm avel tokyn war dha leuv, hag y fydhons soenelligow yntra dha dhewlagas.

Diskwedhyans 18:8

Rakhenna, yn unn jydh y teu hy flaow, ankow, hag ahwer, ha divoetter, ha gans tan hi a vydh leskys, rag bos krev an Arloedh Duw neb a's breus.’

Breusysi 2:12

I a forsakyas an Arloedh, Duw aga thasow, neb a's dros yn-mes a bow Ejyp; i a holyas duwow erell a dhuwow an poblow esa a-dro dhedha, hag i a blegyas dhe'n dor a-ragdha, ha serri an Arloedh.