Eksodus 13:3 - An Bibel Kernewek 20234 (Kernewek Kemmyn)

³ Ha Moyses a leveris dhe'n bobel, ‘Perthewgh kov a'n jydh ma, pan dheuthewgh yn-mes a Ejyp, yn-mes a'n chi a gethneth, rag an Arloedh a'gas dros a'n tyller ma gans leuv grev; bara goell ny vydh dybrys.

Eksodus 13:3 Iomraidhean Croise

Jenesis 15:16

Y'n peswora henedh i a dhehwel omma; rag ny vydh kowlwrys na hwath kammweyth an Amorysi.’

1 Myghternedh 8:42

– rag i dhe glewes a'th hanow meur, a'th leuv grev, ha'th vregh ystynnys – pan dheu estren ha pysi war-tu ha'n chi ma,

1 Kroniklys 16:12

Perthewgh kov a'y varthusyon re wrug, y anethow ha breusow y anow,

Nehemia 1:10

Lemmyn an re ma yw dha servysi ha'th pobel, a dhasprensys dre dha nerth bras ha gans dha leuv grev.

Nehemia 9:10

ha ri toknys hag anethow erbynn Faro hag erbynn oll y servysi, hag oll pobel y wlaskor; rag ty a wodhya i dhe dhyghtya agan tasow yn tont. Ytho ty a waynyas an ger-da a'th eus, par dell yw y'n jydh hedhyw.

Salmow 105:5

Perthewgh kov a'y varthusyon re wrug, y anethow, ha breusow y anow,

Salmow 114:1

Pan eth Ysrael mes a Ejyp, chi Yakob a-dhiworth pobel astranj aga yeth,

Salmow 136:11

ha dri Ysrael yn-mes a'ga mysk, rag y dregeredh a dhur bys vykken;

Salmow 136:12

dre leuv grev ha dre vregh ystynnys, rag y dregeredh a dhur bys vykken;

Salmow 89:14

Ewnder ha gwirvreus yw sel dha se; tregeredh ha gwirder a a-dherag dha fas.

Eksodus 12:15

Seyth dydh hwi a wra dybri bara heb goell; y'n kynsa dydh hwi a wra gorra goell yn-mes a'gas chiow, rag mar teppro nebonan goell, a'n kynsa dydh dhe'n seythves, an den na a vydh treghys dhiworth Ysrael.

Eksodus 12:17

Ha hwi a wra goelya goel an bara heb goell, rag an keth jydh ma my a dhros agas luyow yn-mes a bow Ejyp: rakhenna hwi a wra goelya an jydh ma, der agas henedhow, avel ordenans bys vykken.

Eksodus 12:19

Dre seyth dydh ny vydh kevys goell vyth yn agas chiow; rag mar teppro nebonan neppyth gans goell, an den na a vydh treghys a guntelles Ysrael, kyn fo alyon po genesik a'n tir.

Eksodus 12:2

An mis ma a vydh dhywgh dalleth an misyow; y fydh an kynsa mis a'n vlydhen dhywgh.

Eksodus 12:41

Ha dhe benn an peswar kans ha deg blydhen warn ugens, y'n jydh na poran, oll luyow an Arloedh eth yn-mes a bow Ejyp.

Eksodus 12:42

Nos a woel o dhe'n Arloedh, dh'aga dri yn-mes a bow Ejyp; ytho an keth nos ma yw nos woelya gwithys dhe'n Arloedh gans mebyon Ysrael oll, dres aga henedhow.

Eksodus 12:8

I a wra dybri an kig an nos na, rostys dre dan; gans bara heb goell hag erbys hwerow i a wra y dhybri.

Eksodus 13:14

Hag y'n termyn a dheu pan wovynn orthis dha vab, “Pyth yw styr hemma?” ty a lever dhodho, “Dre nerth an leuv an Arloedh a'gan dros yn-mes a Ejyp, yn-mes a ji an gethneth.

Eksodus 13:9

Hag y fydh dhis avel tokyn war dha dhorn hag avel kov yntra dha dhewlagas, may fo lagha an Arloedh yn dha anow; rag dre leuv grev an Arloedh re'th tros yn-mes a Ejyp.

Eksodus 20:2

My yw an Arloedh dha Dhuw, neb a'th tros yn-mes a bow Ejyp, yn-mes a'n chi a gethneth.

Eksodus 20:8

Porth kov a dhydh an sabot, dh'y witha sans.

Eksodus 23:15

Ty a wra goelya goel an bara heb goell; dell worhemmynnis dhis, ty a wra dybri bara heb goell seyth dydh dhe'n prys ordenys y'n mis Abib, rag ynno y teuthewgh yn-mes a Ejyp. Ny wra nagonan sevel a-ragov gwag y dhorn.

Eksodus 3:20

Ytho my a ystynn ow dorn ha gweskel Ejyp gans ow marthusyon oll a wrav ynno; wosa henna ev a as dhedha mones.

Eksodus 34:18

Goel an bara heb goell ty a wra gwitha. Seyth dydh ty a dheber bara heb goell, dell worhemmynnis dhis, dhe'n prys ordenys y'n mis Abib, rag y'n mis Abib y teuthys yn-mes a Ejyp.

Eksodus 6:1

Mes an Arloedh a leveris dhe Moyses, ‘Lemmyn ty a wel an pyth a wrav dhe Faro; rag ev a's dannvon, krev an dhorn, ha krev an dhorn ev a's gorr yn-mes a'y dir.’

Eksodus 6:6

Lavar ytho dhe vebyon Ysrael, “My yw an Arloedh hag a wra agas dri a-dhann veghyow an Ejyptianys ha'gas livra a'ga hethneth ha'gas dasprena gans bregh ystynnys ha dre vreusow meur,

Eksodus 6:7

ha'gas kemmeres avel ow fobel, ha my a vydh agas Duw; ha hwi a woer my dhe vos an Arloedh agas Duw re'gas dros a-dhann veghyow an Ejyptianys.

Eksodus 7:4

mes ny wra Faro koela orthowgh. Ena my a wra gorra ow dorn war Ejyp ha kyrghes ow luyow, ow fobel, mebyon Ysrael, yn-mes a bow Ejyp dre vreusow meur.

Yeremia 34:13

Yndellma y lever an Arloedh, Duw Ysrael: My a wrug kevambos gans agas tasow y'n jydh ma's dres yn-mes a bow Ejyp, yn-mes a'n ji a gethneth, ow leverel,

Daniel 9:15

‘Ha lemmyn, A Arloedh agan Duw, neb re hembronkas dha bobel yn-mes a bow Ejyp dre leuv grev, hag a wrug dhe'th hanow bos gerys-da avel y'n jydh hedhyw, pegha re wrussyn, ha gul yn trog.

Matthew 10:12

Ha hwi ow mos a-bervedh yn chi, salusewgh ev;

Luk 22:19

Ena ev a gemmeras bara, hag a rassas ha'y derri ha'y ri dhedha, ow leverel, ‘Hemm yw ow horf yw res a-barth dhywgh; gwrewgh hemma yn kovadh ahanav vy.’

1 Korinthianys 11:24

ha wosa ri gras, ev a'n torras ha leverel, ‘Hemm yw ow horf hag yw ragowgh; gwrewgh hemma yn kovadh ahanav vy.’

1 Korinthianys 5:8

Na wren ni goelya, ytho, naneyl gans goell koth na gans goell a spit hag a dhrog, mes gans bara heb goell, a lelder hag a wiryonedh.

Efesianys 1:19

ha pyth yw an braster dres eghenn a'y alloes troha ni neb a grys war-lergh oberyans krevder y nerth

Dewteronomi 13:10

Labydh ev gans meyn may farwo, drefenn ev dhe hwilas dha dhynya dhiworth an Arloedh dha Dhuw neb a's dros yn-mes a bow Ejyp, dhiworth an chi a gethneth.

Dewteronomi 13:11

Ena oll Ysrael a wra goslowes ha perthi own, ha ny wrons drog a'n par na yntredhowgh na fella.

Dewteronomi 13:5

An profoes na, po an hunroser na a hunrosow, a vydh gorrys dhe'n mernans, rag ev dhe gewsel rebellyans erbynn an Arloedh agas Duw neb a'gas dros yn-mes a bow Ejyp ha dha dhasprena dhiworth an chi a gethneth, dhe'th tynya dhiworth an fordh a wrug an Arloedh dha Dhuw gorhemmynna dhis, dhe gerdhes ynni. Yndella ty a garth an drog yn-mes ahanowgh.

Dewteronomi 13:6

Mara'th tynnyo yn-dann gel dha vroder, mab dha vamm, po dha vab, po dha vyrgh, po gwreg dha askra, po dha gothman yw kepar ha'th enev dha honan, ow leverel, ‘Deun ha servyn duwow erell’, na aswonnsys jy na'th tasow,

Dewteronomi 15:15

Kovha y feus keth yn pow Ejyp, ha'n Arloedh dha Dhuw a'th tasprenas. Rakhenna yth esov ow korhemmynna dhis an dra ma hedhyw.

Dewteronomi 16:1

Gwith mis Abib, ha gwra pask dhe'n Arloedh dha Dhuw, rag yn mis Abib an Arloedh dha Dhuw a'th tros mes a bow Ejyp d'wor' an nos.

Dewteronomi 16:12

Porth kov y feus keth yn Ejyp, ha gwayt gul an ordenansow ma.

Dewteronomi 16:3

Na dheber ganso travyth gans goell ynno. Seyth dydh ty a dheber bara heb goell, bara galar, rag ty a dheuth yn-mes a bow Ejyp yn unn fyski, rag may perthi kov a'n jydh may teuthys yn-mes a bow Ejyp, oll dydhyow dha vewnans.

Dewteronomi 24:18

Porth kov dha vos keth yn Ejyp, ha'n Arloedh dha Dhuw a'th tasprenas alena; rakhenna my a worhemmynn dhis gul an dra ma.

Dewteronomi 24:22

Porth kov dha vos keth yn pow Ejyp; rakhenna my a worhemmynn dhis gul an dra ma.

Dewteronomi 26:8

Ytho an Arloedh a'gan dros mes a Ejyp gans dorn grev ha bregh ystynnys, gans own bras, ha gans toknys, ha gans marthusyon;

Dewteronomi 4:34

Po a assayas neb duw dhe dhos ha kemmeres dhodho kenedhel dhiworth kenedhel arall dre brovow, der toknys, ha der anethow, ha dre vresel, dre leuv grev ha bregh ystynnys, der euth bras kepar ha pup-tra a wrug dhywgh an Arloedh agas Duw yn Ejyp a-wel dhis?

Dewteronomi 5:15

Porth kov ty dhe vos keth yn pow Ejyp, ha'n Arloedh dha Dhuw a'th tros yn-mes alena dre leuv grev ha bregh ystynnys; rakhenna an Arloedh dha Dhuw a worhemmynnis dhis gwitha an sabot.

Dewteronomi 5:6

My yw an Arloedh dha Dhuw neb a'th tros yn-mes a bow Ejyp, yn-mes a'n chi a gethneth.

Dewteronomi 6:12

kemmer with na ankeffi an Arloedh neb a'th tros yn-mes a bow Ejyp, dhiworth an chi a gethneth.

Dewteronomi 6:21

ena ty a lever dhe'th vab, ‘Kethyon en ni dhe Faro yn Ejyp, ha'n Arloedh a'gan dros yn-mes a Ejyp dre leuv grev.

Dewteronomi 7:8

mes drefenn kerensa an Arloedh ragowgh hwi ha drefenn ev dhe witha an ti a dos dh'agas tasow, an Arloedh a'gas dros dhe-ves dre leuv grev hag y'th tasprenas dhiworth an chi a gethneth dhiworth leuv Faro myghtern Ejyp.

Dewteronomi 8:14

ena kemmer with na ughelhaho dha golonn, ha ty a ankev an Arloedh dha Dhuw, neb a'th tros dhe-ves dhiworth an chi a gethneth;

Dewteronomi 9:12

Ena an Arloedh a leveris dhymm, ‘Sav, diyskynn uskis a'n tyller ma; rag dha bobel hag a dhresys yn-mes a Ejyp, re omdhefolas; i re dreylyas toeth da dhiworth an fordh a worhemmynnis dhedha; i re wrug ragdha aga honan imaj teudh.’

Yoshua 24:17

rag an Arloedh agan Duw yth yw neb a'gan dros yn-bann yn-mes a bow Ejyp, yn-mes a ji an gethneth, ha neb a wrug an toknys bras a-rag agan dewlagas, ha neb a'gan gwithas yn oll an fordh a gerdhsyn ynni, hag yn oll an poblow may tremensyn yn aga mysk;

Breusysi 2:12

I a forsakyas an Arloedh, Duw aga thasow, neb a's dros yn-mes a bow Ejyp; i a holyas duwow erell a dhuwow an poblow esa a-dro dhedha, hag i a blegyas dhe'n dor a-ragdha, ha serri an Arloedh.

Breusysi 6:8

an Arloedh a dhannvonas profoes dhe vebyon Ysrael; hag ev a leveris dhedha, ‘Yndellma y lever an Arloedh, Duw Ysrael: My a'gas dros yn-bann yn-mes a Ejyp, ha'gas dri yn-mes a'n chi a gethneth;