Eksodus 13:18 - An Bibel Kernewek 20234 (Kernewek Kemmyn)

¹⁸ Mes Duw a hembronkas an bobel a-dro dre fordh an gwylvos troha'n Mor Rudh. Ha mebyon Ysrael eth yn-mes a bow Ejyp pareusys arayys rag kas.

Eksodus 13:18 Iomraidhean Croise

Jenesis 50:25

Ha Yosep a wrug dhe vebyon Ysrael gul ti, ow leverel, ‘Sur yw, y fydh Duw orth agas visitya, ha hwi a dheg ow eskern yn-bann alemma.’

Salmow 107:7

Hag ev a's hembronkas war an fordh ewn, mayth ellens dhe sita dhe driga ynni.

Salmow 136:16

neb a hembronkas y bobel der an difeyth, rag y dregeredh a dhur bys vykken;

Salmow 68:8

an nor a grenas, an nevow ynwedh a dheveras a-dherag Duw; ha Sinay y honan a dhegrenas a-dherag Duw, Duw Ysrael.

Eksodus 12:51

Ha dhe'n keth jydh na an Arloedh a dhros mebyon Ysrael yn-mes a bow Ejyp herwydh aga luyow.

Eksodus 14:2

‘Lavar dhe vebyon Ysrael may treyllyons ha kampya a-rag Pihahiroth, yntra Migdol ha'n mor, a-rag Baal-sefon; hwi a wra kampya a-dal dhodho, ryb an mor.

Eksodus 14:9

An Ejyptianys a's siwyas, oll mergh Faro ha'y jarettow ha'y varghogyon ha'y lu, ha tremena dresta ow kampya orth an mor, ryb Pihahiroth a-rag Baal-sefon.

Dewteronomi 17:16

Saw na geves dhodho y honan niver bras a vergh, ha na wres dhe'n bobel dehweles dhe Ejyp rag may kaffons mergh moy, rag an Arloedh re leveris dhywgh, ‘Na dhehwelewgh nevra y'n fordh ma arta.’

Dewteronomi 32:10

Ev a'n kavas yn tir ynyal, hag yn gwylvos a dhifeythtir gwynsek, orth y gyrghynna, y gara, y witha avel bew y lagas.

Yoshua 1:14

Agas benynes, agas re vyghan, ha'gas gwarthek a yll gortos y'n tir a ros Moyses dhywgh dres an Yordan. Mes hwi a dreus arayys rag kas kyns agas breder, oll an gasoryon, ha hwi a's gweres,

Yoshua 4:12

An Rewbenysi, an Gadysi, ha'n hanter-loeth Manasse a dreusis arayys rag kas a-rag an Ysraelysi, dell gewsis Moyses dhedha.

Yoshua 4:13

A-dro dhe dhewgens mil ervys rag an gas a dreusis a-rag an Arloedh dhe blenys Yeriko rag bresel.