Eksodus 13:14 - An Bibel Kernewek 20234 (Kernewek Kemmyn)

¹⁴ Hag y'n termyn a dheu pan wovynn orthis dha vab, “Pyth yw styr hemma?” ty a lever dhodho, “Dre nerth an leuv an Arloedh a'gan dros yn-mes a Ejyp, yn-mes a ji an gethneth.

Eksodus 13:14 Iomraidhean Croise

Jenesis 30:33

Ha'm lenduri a dhest ragov y'n dydhyow ow tos, pan dheudh dhe jekkya ow gober genes. Pubonan nag yw brygh na brith yn mysk an gever, na du yn mysk an oen, a vydh reknys avel ledrys genev.’

1 Kroniklys 16:12

Perthewgh kov a'y varthusyon re wrug, y anethow ha breusow y anow,

Nehemia 1:10

Lemmyn an re ma yw dha servysi ha'th pobel, a dhasprensys dre dha nerth bras ha gans dha leuv grev.

Salmow 136:11

ha dri Ysrael yn-mes a'ga mysk, rag y dregeredh a dhur bys vykken;

Salmow 145:4

Unn henedh a wormel dha oberow dhe'n nessa, ha derivas dha wriansow nerthek.

Salmow 78:4

Ny's kelyn rag aga fleghes, ow terivas dhe'n henedh a dheu gormola an Arloedh, y nerth ha'y varthusyon a wrug ev.

Eksodus 10:2

ha may leverri yn klewans dha vab ha mab dha vab fatell wrug vy kammdhyghtya an Ejyptianys ha pana toknys a wrug vy yntredha; may hwodhvi my dhe vos an Arloedh.’

Eksodus 12:41

Ha dhe benn an peswar kans ha deg blydhen warn ugens, y'n jydh na poran, oll luyow an Arloedh eth yn-mes a bow Ejyp.

Eksodus 13:3

Ha Moyses a leveris dhe'n bobel, ‘Perthewgh kov a'n jydh ma, pan dheuthewgh yn-mes a Ejyp, yn-mes a'n chi a gethneth, rag an Arloedh a'gas dros a'n tyller ma gans leuv grev; bara goell ny vydh dybrys.

Eksodus 13:8

Ha ty a lever dhe'th vab an jydh na, “Yth yw drefenn an pyth a wrug an Arloedh dhymm pan dheuth vy yn-mes a Ejyp.”

Eksodus 13:9

Hag y fydh dhis avel tokyn war dha dhorn hag avel kov yntra dha dhewlagas, may fo lagha an Arloedh yn dha anow; rag dre leuv grev an Arloedh re'th tros yn-mes a Ejyp.

Eksodus 20:2

My yw an Arloedh dha Dhuw, neb a'th tros yn-mes a bow Ejyp, yn-mes a'n chi a gethneth.

Eksodus 6:1

Mes an Arloedh a leveris dhe Moyses, ‘Lemmyn ty a wel an pyth a wrav dhe Faro; rag ev a's dannvon, krev an dhorn, ha krev an dhorn ev a's gorr yn-mes a'y dir.’

Eksodus 6:6

Lavar ytho dhe vebyon Ysrael, “My yw an Arloedh hag a wra agas dri a-dhann veghyow an Ejyptianys ha'gas livra a'ga hethneth ha'gas dasprena gans bregh ystynnys ha dre vreusow meur,

Eksodus 6:7

ha'gas kemmeres avel ow fobel, ha my a vydh agas Duw; ha hwi a woer my dhe vos an Arloedh agas Duw re'gas dros a-dhann veghyow an Ejyptianys.

Yeremia 34:13

Yndellma y lever an Arloedh, Duw Ysrael: My a wrug kevambos gans agas tasow y'n jydh ma's dres yn-mes a bow Ejyp, yn-mes a'n ji a gethneth, ow leverel,

Daniel 9:15

‘Ha lemmyn, A Arloedh agan Duw, neb re hembronkas dha bobel yn-mes a bow Ejyp dre leuv grev, hag a wrug dhe'th hanow bos gerys-da avel y'n jydh hedhyw, pegha re wrussyn, ha gul yn trog.

Oberow 13:17

Duw an bobel ma a Ysrael a dhewisas agan tasow ha meurhe an bobel dres aga godrik yn pow Ejyp; ha'y vregh drehevys, ev a's hembronkas mes anedhi,

Dewteronomi 5:15

Porth kov ty dhe vos keth yn pow Ejyp, ha'n Arloedh dha Dhuw a'th tros yn-mes alena dre leuv grev ha bregh ystynnys; rakhenna an Arloedh dha Dhuw a worhemmynnis dhis gwitha an sabot.

Dewteronomi 5:6

My yw an Arloedh dha Dhuw neb a'th tros yn-mes a bow Ejyp, yn-mes a'n chi a gethneth.

Dewteronomi 6:12

kemmer with na ankeffi an Arloedh neb a'th tros yn-mes a bow Ejyp, dhiworth an chi a gethneth.

Yoshua 22:24

Nansi, mes ni re wrug hemma rag own agas mebyon dhe leverel dh'agan mebyon ni y'n termyn a dheu, “Pyth yw agas kevrenn gans an Arloedh, Duw Ysrael?

Yoshua 24:17

rag an Arloedh agan Duw yth yw neb a'gan dros yn-bann yn-mes a bow Ejyp, yn-mes a ji an gethneth, ha neb a wrug an toknys bras a-rag agan dewlagas, ha neb a'gan gwithas yn oll an fordh a gerdhsyn ynni, hag yn oll an poblow may tremensyn yn aga mysk;

Yoshua 4:6

may fo hemma tokyn yn agas mysk. Pan wovynn agas mebyon yn termyn a dheu, “Pandr'a styr an meyn ma dhywgh?”

Breusysi 2:12

I a forsakyas an Arloedh, Duw aga thasow, neb a's dros yn-mes a bow Ejyp; i a holyas duwow erell a dhuwow an poblow esa a-dro dhedha, hag i a blegyas dhe'n dor a-ragdha, ha serri an Arloedh.

Breusysi 6:8

an Arloedh a dhannvonas profoes dhe vebyon Ysrael; hag ev a leveris dhedha, ‘Yndellma y lever an Arloedh, Duw Ysrael: My a'gas dros yn-bann yn-mes a Ejyp, ha'gas dri yn-mes a'n chi a gethneth;