Eksodus 12:31 - An Bibel Kernewek 20234 (Kernewek Kemmyn)

³¹ Hag ev a elwis Moyses hag Aron y'n nos, ha leverel, ‘Sevewgh, kewgh yn-rag a-dhiworth ow fobel, ha hwi ha mebyon Ysrael; ha kewgh dhe servya an Arloedh par dell leversowgh.

Eksodus 12:31 Iomraidhean Croise

Salmow 105:38

Ejyp a lowenhas pan ethons dhe-ves, rag own anedha a goedhsa warnedha.

Eksodus 10:29

Moyses a leveris, ‘Dell leverydh! Ny wrav gweles dha fas arta.’

Eksodus 10:9

Ha Moyses a leveris, ‘Ni a wra mos gans agan re yowynk ha'gan re goth; ni a wra mos gans agan mebyon ha'gan myrghes ha gans agan flokkys ha'gan oghen, rag y koedh dhyn synsi goel an Arloedh.’

Eksodus 11:1

Ha'n Arloedh a leveris dhe Moyses, ‘Hwath unn pla moy y trov war Faro ha war Ejyp; a-wosa ev a as dhedha mones alemma; pan y'gas gas dhe vones, ev a wra agas gorra dhe-ves yn tien.

Eksodus 11:8

Hag oll dha servysi ma a wra diyskynna dhymm, hag omblegya dhymm, ow leverel, “Kewgh dhe-ves, ha'n bobel oll a'th hol.” Ha wosa henna yth av yn-mes.’ Hag ev eth a-dhiworth Faro yn sorr toemm.

Eksodus 12:39

Hag i a bebis torthow heb goell gans an toes re dhrosens a Ejyp, rag y vos heb goell, drefenn aga bos herdhys yn-mes a Ejyp ha ny yllons strechya, na ny bareussens sosten dhedha aga honan.

Eksodus 6:1

Mes an Arloedh a leveris dhe Moyses, ‘Lemmyn ty a wel an pyth a wrav dhe Faro; rag ev a's dannvon, krev an dhorn, ha krev an dhorn ev a's gorr yn-mes a'y dir.’

Eksodus 8:25

Ena Faro a elwis Moyses hag Aron, ha leverel, ‘Kewgh, sakrifiewgh dh'agas Duw a-ji dhe'n tir.’

Eksodus 8:8

Ena Faro a elwis Moyses hag Aron, ha leverel, ‘Pys an Arloedh may kemmerro an kwilkynyow ahanav hag a'm pobel; ha my a wra gasa an bobel dhe vones ha sakrifia dhe'n Arloedh.’

1 Samuel 6:6

Prag y hwrewgh kaleshe agas kolonn kepar dell wrug an Ejyptianys ha Faro kaleshe aga holonn? Wosa ev dhe wul ges anedha, a ny assons an bobel dhe vones, hag i a dhibarthas?