Eksodus 12:3 - An Bibel Kernewek 20234 (Kernewek Kemmyn)

³ Leverewgh dhe oll kuntelles Ysrael, Yn degves dydh an mis ma, kemmeres pubonan oen herwydh chi aga thasow, oen dhe bub chi;

Eksodus 12:3 Iomraidhean Croise

Jenesis 22:8

Hag yn-medh Abraham, ‘Duw y honan a brovi an oen rag offrynn leskys, ow mab.’ Ytho i eth aga dew war-barth.

Jenesis 4:4

Hag Abel ynwedh a dros rann a'n re gynsa-genys a'y flokk, hag a'ga blonek. Ha'n Arloedh a viras orth Abel ha'y offrynn.

2 Kroniklys 35:7

Ena Yosia a ros rag oll an dus esa ena, eyn ha mynnigow a'n flokk rag offrynnow an pask bys y'n myns a dheg mil warn ugens, ha tri mil darow; yth o an re ma a bythow an myghtern.

Eksodus 12:2

An mis ma a vydh dhywgh dalleth an misyow; y fydh an kynsa mis a'n vlydhen dhywgh.

Eksodus 12:21

Ena Moyses a elwis henavogyon Ysrael, ha leverel dhedha, ‘Kewgh dhe gyrghes agas eyn herwydh agas teyluyow, ha ladha an pask.

Eksodus 12:4

ha mars yw an diogeth re vyghan rag oen, ena ev ha'y gentrevek nessa dh'y ji a wra kemmeres herwydh an niver a dus; herwydh an pyth a allo peub dybri, hwi a reken rag an oen.

Eksodus 12:6

ha hwi a'n gwith bys yn peswardhegves dydh an mis ma, pan wra kemmynieth kuntelles Ysrael oll y ladha gorthugherweyth.

Eksodus 14:15

An Arloedh a leveris dhe Moyses, ‘Prag y kriydh dhymm? Lavar dhe vebyon Ysrael mones yn-rag.

Eksodus 20:19

ow leverel dhe Moyses, ‘Ty, kows orthyn ha ni a wra klewes; mes na gewses Duw orthyn, ma na verwyn.’

Eksodus 4:30

Hag Aron a gewsis oll an geryow a gewsis an Arloedh dhe Moyses hag a wrug an toknys a-rag lagasow an bobel.

Eksodus 6:6

Lavar ytho dhe vebyon Ysrael, “My yw an Arloedh hag a wra agas dri a-dhann veghyow an Ejyptianys ha'gas livra a'ga hethneth ha'gas dasprena gans bregh ystynnys ha dre vreusow meur,

Ezekiel 40:1

Y'n pympes blydhen warn ugens a'gan divroedh, yn dalleth an vlydhen, yn degves dydh an mis, y'n peswardhegves blydhen wosa an sita dhe vos gweskys yn-nans, poran y'n jydh na, leuv an Arloedh a veu warnav, hag ev a'm dros ena.

Levitikus 1:2

Kows orth mebyon Ysrael ha leverel dhedha: Mars eus nebonan ahanowgh a dhrollo offrynn dhe'n Arloedh, drewgh agas offrynn a vestes mes a'n chatel ha mes a'n flokk.

Levitikus 5:6

Hag ev a dhre y offrynn kammweyth dhe'n Arloedh rag an pegh re wrug, davas venow a'n flokk, oen po mynn a'n gever rag offrynn pegh ha'n oferyas a wra dehwelyans ragdho rag y begh.

Niverow 15:11

Yndellma y fydh gwrys rag pub ojyon po rag pub hordh, po rag pub oen gorow po an mynnow.

Yowann 1:29

Ternos ev a welas Yesu ow tos dhodho hag yn-medh ev, ‘Awotta Oen Duw neb a gemmer dhe-ves peghadow an bys.

Yowann 1:36

Hag ow mires orth Yesu ow kerdhes yn-medh ev, ‘Awotta Oen Duw!’

Yowann 12:1

Ena, hwegh dydh kyns an pask, Yesu a dheuth dhe Bethani le mayth esa Lazarus neb a wrug ev y dhrehevel dhiworth an re varow.

Yowann 12:12

Ternos an routh veur neb o devedhys dhe'n goel, pan glewsons Yesu dhe dhos dhe Yerusalem,

1 Korinthianys 5:7

Kerthewgh dhe-ves an goell koth may fowgh hwi bagasik nowydh a does, dell owgh hwi heb goell yn hwir. Rag Krist agan pask re beu offrynnys.

Yoshua 7:14

Ytho y'n myttin hwi a dheu nes war-lergh agas loethow. Ha'n loeth a wra an Arloedh y gemmeres a dheu yn-rag war-lergh an teyluyow, ha'n teylu a wrug an Arloedh y gemmeres a dheu nes war-lergh an chiow, ha'n chi a wrug an Arloedh y gemmeres a dheu nes an eyl wosa y gila.

Diskwedhyans 13:8

Hag oll trigoryon an norvys a wra y wordhya, nag yw skrifys aga henwyn yn lyver bewnans an Oen a veu ledhys, a-ban veu an norvys dallethys.

1 Samuel 7:9

Ha Samuel a gemmeras oen-dena ha'y offrynna rag offrynn kowlleskys dhe'n Arloedh; ha Samuel a armas dhe'n Arloedh rag Ysrael, ha'n Arloedh a worthybis dhodho.