Eksodus 12:29 - An Bibel Kernewek 20234 (Kernewek Kemmyn)

²⁹ Dhe hanter-nos an Arloedh a weskis pub kynsa-genys yn pow Ejyp, a gynsa-genys Faro esedhys war y dron dhe gynsa-genys an prisner esa y'n dhorvagh, ha kynsa-genys oll an gwarthek.

Eksodus 12:29 Iomraidhean Croise

Jenesis 15:14

Ha'n genedhel ynwedh a wrons i servya, my a wra hy breusi; ha wosa henna i a dheu yn-mes gans rychys meur.

Job 34:20

I a verow yn pols, yn kres an nos; shakys yw an bobel hag i dremen dhe-ves, ha kemmerys dhe-ves yw an alloesogyon heb leuv densys.

Salmow 105:36

Hag ev a weskis pub kynsa-genys yn aga thir, an flour a oll aga nerth.

Salmow 135:8

Ev a weskis an re gynsa-genys a Ejyp, ha tus hag enyvales.

Salmow 136:10

neb a weskis Ejyp yn aga re gynsa-genys, rag y dregeredh a dhur bys vykken;

Salmow 78:50

Ev a dharbaris hyns dh'y sorr, ha ny withas aga enev rag ankow, mes ev a ros aga bewnans dhe'n pla;

Salmow 78:51

Hag ev a weskis pub kynsa-genys yn Ejyp, kynsa frut aga nerth yn tyldow Ham.

Eksodus 11:1

Ha'n Arloedh a leveris dhe Moyses, ‘Hwath unn pla moy y trov war Faro ha war Ejyp; a-wosa ev a as dhedha mones alemma; pan y'gas gas dhe vones, ev a wra agas gorra dhe-ves yn tien.

Eksodus 12:12

Rag my a wra tremena dres pow Ejyp an nos na, ha my a wra gweskel pub kynsa-genys yn pow Ejyp, ha den ha best; ha war dhuwow Ejyp my a wra breus: my yw an Arloedh.

Eksodus 12:28

Ena mebyon Ysrael eth ha gul par dell worhemmynnsa Duw dhe Moyses hag Aron, yndella y hwrussons.

Eksodus 13:15

Rag pan naghas Faro gorth agan gasa dhe vones, an Arloedh a ladhas pub kynsa-genys yn pow Ejyp, ha kynsa-genys mab-den ha kynsa-genys an gwarthek. Rakhenna y sakrifiav dhe'n Arloedh oll an re worow a iger an brys; mes pub kynsa-genys a'm mebyon y tasprenav.”

Eksodus 4:23

ha my a lever dhis, Gas ow mab dhe vones ma'm serfyo; mar neghydh y asa dhe vones, otta, my a ladh dha vab kynsa-genys.” ’

Eksodus 9:6

Ha'n vorow an Arloedh a wrug an dra ma; gwarthek oll an Ejyptianys a verwis mes a'n gwarthek a vebyon Ysrael ny verwis nagonan.

Ysay 24:22

I a vydh kuntellys war-barth avel prisnoryon yn pytt, deges yn dorvagh, ha wosa lies dydh i a vydh kessydhys.

Ysay 41:11

Otta, oll an re a serr orthis a's tevydh meth hag a vydh konfondys; an re a striv orthis a vydh avel mann, ha mos dhe goll.

Ysay 51:14

Delivrys vydh yn skon an re gweskys dhe'n dor yn kargharow; ny verwons y'n pytt, na ny fyllons a vara.

Yeremia 38:13

Ena i a dennas Yeremia yn-bann gans an lovonow, ha'y gemmeres yn-bann yn-mes a'n dhorvagh. Ha Yeremia a wortas yn klos an prison.

Yeremia 38:6

Ena i a gemmeras Yeremia ha'y dewlel yn dorvagh Malkia mab an myghtern esa yn klos an prison, owth iselhe Yeremia gans lovonow. Hag y'n dhorvagh nyns esa dowr, marnas leys, ha Yeremia a sedhas y'n leys.

Habakkuk 3:5

A-dheragdho yth a an vall, hag yn-rag yth a an pla orth y dreys.

Zekaria 9:11

Ha ty, drefenn goes dha gevambos, my a wra delivra dha brisnoryon mes a bytt heb dowr.

Niverow 3:13

rag pub kynsa-genys yw dhymm; y'n jydh may ledhis pub kynsa-genys yn pow Ejyp, my a sakras dhymm ow honan pub kynsa-genys yn Ysrael, hag a vab-den hag a vest; i a vydh dhymm: my yw an Arloedh.’

Niverow 33:4

ha'n Ejyptianys owth ynkleudhyas pub kynsa-genys, re bia gweskys yn aga mysk gans an Arloedh; war aga duwow ynwedh an Arloedh a wrug breusow.

Niverow 8:17

Rag pub kynsa-genys yn mysk mebyon Ysrael yw dhymm, ha den ha best; y'n jydh may ledhis pub kynsa-genys yn pow Ejyp my a's sakras dhymm ow honan,

Ebrowyon 11:28

Dre fydh ev a bareusis an pask ha skoellya an goes, ma na's tocchya distruer an re gynsa-genys.

Ebrowyon 12:23

ha dhe eglos an re gynsa-genys omrolys yn nev, ha dhe Dhuw, an breusydh a bup-tra, ha dhe spyrysyon tus ewnhynsek gwrys perfydh,