Eksodus 12:23 - An Bibel Kernewek 20234 (Kernewek Kemmyn)

²³ Rag an Arloedh a wra tremena dhe weskel an Ejyptianys, ha pan wel goes war benn an daras ha'n dhew bost-daras, an Arloedh a wra tremena dres an daras, ha ny wra gasa an distruer dhe entra agas chiow dh'agas gweskel.

Eksodus 12:23 Iomraidhean Croise

2 Samuel 24:16

Ha pan ystynnas an el y dhorn war Yerusalem dh'y distrui, an Arloedh a'n jevo edrek a'n drog, ha leverel dhe'n el, an distruer usi yn kres an bobel, ‘Henn yw lowr, hedh dha dhorn.’ Hag ena yth esa el an Arloedh ryb leur-drushya Arawna an Yebusyas.

Job 14:13

Unnweyth a kwrelles ow kudha yn ifarn, ow heles erna vo dha sorr tremenys, apoyntya termyn ragov ha perthi kov ahanav!

Eksodus 11:4

Ha Moyses a leveris, ‘Yndellma y lever an Arloedh: A-dro dhe hanter-nos, yth av yn-rag der Ejyp oll;

Eksodus 12:7

Ena i a wra kemmeres rann a'n goes ha'y worra war an dhew bost-daras ha war benn an daras a'n chiow le ma's debrons.

Ysay 26:20

Ke ow fobel, enter dhe'th chambour ha dege dha dharas a-dryv dhis; omgudh prysweyth bys pan dremen sorrvann.

Ysay 37:36

Ena el an Arloedh eth yn-mes ha gweskel pymp ha naw-ugens a vilyow yn kamp Assyria; ha pan sevis tus ternos, otta, korfow marow ens i oll.

Ezekiel 9:4

ha'n Arloedh a leveris dhodho, ‘Tremen der an sita, dre Yerusalem, ha gwra merk war dal an wer usi owth hanasa ha kyni war oll an taklow kasadow gwrys a-berth ynni.’

Ezekiel 9:6

Ledhewgh henavek, den yowynk, ha gwyrghes, ha flogh, ha benynes; mes pub gour may ma an merk warnodho na dhewgh nes dhodho. Dallethewgh dhiworth ow sentri.’ Ytho i a dhallathas gans an henavogyon esa a-rag an chi.

1 Korinthianys 10:10

ha na grodhvolewgh par dell wrug rann anedha, hag y fons ledhys gans an distruer.

Ebrowyon 11:28

Dre fydh ev a bareusis an pask ha skoellya an goes, ma na's tocchya distruer an re gynsa-genys.

Ebrowyon 12:24

ha dhe Yesu, mayn an kevambos nowydh, ha dhe'n goes skoellys a gews tra well ages goes Abel.

Diskwedhyans 7:3

ow leverel, ‘Na wrewgh pystiga an dor, na'n mor, na'n gwydh erna sellyn gwesyon agan Duw war aga thal.’

Diskwedhyans 9:4

Hag y feu erghys dhedha na bystikkens gwels an dor, na travyth gwer, na gwydhenn vyth, marnas an dus na yn unnsel na's teffo sel Duw war aga thal.