Eksodus 12:2 - An Bibel Kernewek 20234 (Kernewek Kemmyn)

² An mis ma a vydh dhywgh dalleth an misyow; y fydh an kynsa mis a'n vlydhen dhywgh.

Eksodus 12:2 Iomraidhean Croise

Ester 3:7

Y'n kynsa mis, yw an mis Nisan, y'n dewdhegves blydhen a vyghtern Ahasuerus, tewlel Pur a wrussons, henn yw an prenn, a-dherag Haman dhe dhewis an jydh ha'n mis, ha'n prenn a goedhas war drydhegves dydh an dewdhegves mis, yw an mis Adar.

Eksodus 12:1

An Arloedh a leveris dhe Moyses hag Aron yn pow Ejyp,

Eksodus 12:18

Y'n kynsa mis, yn peswardhegves dydh an mis gorthugherweyth, hwi a wra dybri bara heb goell, hag y'n kynsa dydh warn ugens a'n mis gorthugherweyth.

Eksodus 12:3

Leverewgh dhe oll kuntelles Ysrael, Yn degves dydh an mis ma, kemmeres pubonan oen herwydh chi aga thasow, oen dhe bub chi;

Eksodus 13:3

Ha Moyses a leveris dhe'n bobel, ‘Perthewgh kov a'n jydh ma, pan dheuthewgh yn-mes a Ejyp, yn-mes a'n chi a gethneth, rag an Arloedh a'gas dros a'n tyller ma gans leuv grev; bara goell ny vydh dybrys.

Eksodus 13:4

An jydh ma hwi a wra mos yn-rag, y'n mis Abib.

Eksodus 23:15

Ty a wra goelya goel an bara heb goell; dell worhemmynnis dhis, ty a wra dybri bara heb goell seyth dydh dhe'n prys ordenys y'n mis Abib, rag ynno y teuthewgh yn-mes a Ejyp. Ny wra nagonan sevel a-ragov gwag y dhorn.

Eksodus 34:18

Goel an bara heb goell ty a wra gwitha. Seyth dydh ty a dheber bara heb goell, dell worhemmynnis dhis, dhe'n prys ordenys y'n mis Abib, rag y'n mis Abib y teuthys yn-mes a Ejyp.

Eksodus 40:17

Hag y'n kynsa mis y'n nessa blydhen, yn kynsa dydh an mis, an tabernakel a veu drehevys.

Ezekiel 45:18

Yndellma y lever an Arloedh Duw: Y'n kynsa mis, yn kynsa dydh an mis, ty a gemmer tarow yowynk heb namm, ha ty a burha an sentri.

Ezekiel 45:21

Y'n kynsa mis, yn peswardhegves dydh an mis, y fydh dhywgh an pask, goel a seyth dydh; bara heb goell a vydh dybrys.

Levitikus 23:5

Y'n kynsa mis, yn peswardhegves dydh an mis, y'n gorthugher, yma pask an Arloedh,

Niverow 28:16

Y'n peswardhegves dydh a'n kynsa mis yth yw pask an Arloedh.

Dewteronomi 16:1

Gwith mis Abib, ha gwra pask dhe'n Arloedh dha Dhuw, rag yn mis Abib an Arloedh dha Dhuw a'th tros mes a bow Ejyp d'wor' an nos.