Eksodus 12:16 - An Bibel Kernewek 20234 (Kernewek Kemmyn)

¹⁶ Y'n kynsa dydh hwi a wra synsi kuntelles sans, hag y'n seythves dydh kuntelles sans; ober kammenn ny vydh gwrys ynna; mes an pyth a goedh dhe bub huni y dhybri, henna unnsel a vydh pareusys genowgh.

Eksodus 12:16 Iomraidhean Croise

Eksodus 16:23

ev a leveris dhedha, ‘Hemm yw an pyth a worhemmynnis an Arloedh: “An vorow a vydh dydh a bowes, sabot sans dhe'n Arloedh; pebewgh an pyth a bebowgh ha bryjyewgh an pyth a vryjyowgh, ha pup-tra yw gesys gorrewgh a-denewen dhe vos gwithys bys y'n myttin.” ’

Eksodus 16:29

Mirewgh, an Arloedh re ros dhywgh sabot, ytho y'n hweghves dydh ev a re dhywgh bara rag dew dhydh; gortes pubonan ahanowgh yn y le, na as denvyth dhe vones yn-mes a'n tyller y'n seythves dydh.’

Eksodus 16:5

Y'n hweghves dydh, pan bareusons an pyth a guntellons, y fydh diwweyth an myns a guntellons pub dydh.’

Eksodus 20:10

mes an seythves dydh yw sabot dhe'n Arloedh dha Dhuw; ynno ny wredh ober vyth, ty, na dha vab, na dha vyrgh, dha was, na dha vaghteth, na dha jatel, na'n alyon usi a-ji dhe'th yetow;

Eksodus 34:18

Goel an bara heb goell ty a wra gwitha. Seyth dydh ty a dheber bara heb goell, dell worhemmynnis dhis, dhe'n prys ordenys y'n mis Abib, rag y'n mis Abib y teuthys yn-mes a Ejyp.

Ysay 1:13

Na besyewgh dri offrynnow koeg! Ynkys yw kasadow dhymm. An loer nowydh ha'n sabot, gelwel kuntellesow solem – ny allav perthi kammhynseth yn kuntellesow solem.

Levitikus 23:21

Ha hwi a dheklar y'n keth jydh na, y fydh kuntelles sans ragowgh; ny wrewgh hwi ober arvethys. Ordenans yw bys vykken yn oll agas trigvaow, der agas henedhow.

Levitikus 23:27

Y'n degves dydh a'n seythves mis, y fydh dydh dehwelyans; y fydh kuntelles sans ragowgh, ha hwi a omjasti hag offrynna offrynn dre dan dhe'n Arloedh.

Levitikus 23:35

Y'n kynsa dydh y fydh kuntelles sans. Ny wrewgh hwi ober arvethys.

Niverow 28:18

Y'n kynsa dydh y fydh kuntelles sans: ny wrewgh ober arvethys.

Niverow 28:25

Hag y'n seythves dydh hwi a'gas bydh kuntelles sans: ny wrewgh ober arvethys.

Niverow 28:26

Yn dydh an kynsa frut, pan offrynnowgh offrynn greun a reun nowydh dhe'n Arloedh dh'agas dy'goel a seythunyow, hwi a'gas bydh kuntelles sans; ny wrewgh ober arvethys,

Niverow 29:1

Y'n kynsa dydh a'n seythves mis hwi a'gas bydh kuntelles sans; ny wrewgh ober arvethys. Dydh yw ragowgh dhe hwytha kern.

Niverow 29:12

Y'n pymthegves dydh hwi a'gas bydh kuntelles sans; ny wrewgh ober arvethys, ha hwi a with goel dhe'n Arloedh seyth dydh.

Yowann 19:31

Ytho rag y vos dydh an darbar, rag na worta an korfow war an grows y'n sabot (rag bos dydh an sabot na dy'goel ughel), an Yedhewon a bysis Pilat may fe terrys aga diwarr ha may fens degys dhe-ves.

Dewteronomi 16:8

Hwegh dydh y tybrydh bara heb goell; hag y'n seythves dydh y fydh kuntelles solem dhe'n Arloedh dha Dhuw. Na wra ober vyth ynno.