Eksodus 12:12 - An Bibel Kernewek 20234 (Kernewek Kemmyn)

¹² Rag my a wra tremena dres pow Ejyp an nos na, ha my a wra gweskel pub kynsa-genys yn pow Ejyp, ha den ha best; ha war dhuwow Ejyp my a wra breus: my yw an Arloedh.

Eksodus 12:12 Iomraidhean Croise

1 Kroniklys 14:12

I a asas aga duwow ena, ha Davydh a ros arghadow hag i a veu leskys yn tan.

Salmow 135:8

Ev a weskis an re gynsa-genys a Ejyp, ha tus hag enyvales.

Salmow 82:1

Duw a sev yn kuntelles nev; ev a vreus yn mysk an duwow.

Salmow 82:6

My a leveris, ‘Hwi yw duwow, ha hwi oll yw fleghes an Ughella.

Salmow 91:7

Mil dhen a goedh ryb dha skoedh, ha deg mil orth dha leuv dhyghow, mes ny dheu hemma ogas dhiso.

Salmow 95:3

Rag an Arloedh yw Duw meur, ha Myghtern meur dres oll duwow.

Eksodus 12:23

Rag an Arloedh a wra tremena dhe weskel an Ejyptianys, ha pan wel goes war benn an daras ha'n dhew bost-daras, an Arloedh a wra tremena dres an daras, ha ny wra gasa an distruer dhe entra agas chiow dh'agas gweskel.

Eksodus 18:11

Lemmyn my a woer bos an Arloedh brassa ages duwow oll, ow kul yndella erbynn seul a's dyghtyas yn howtyn.’

Eksodus 21:6

ena y vester a wra y dhri dhe Dhuw, hag ev a wra y dhri dhe'n daras po dhe'n post-daras; ha'y vester a wra telli y skovarn gans mynowes hag ev a wra y servya bys vykken.

Eksodus 22:28

Ny wredh milliga Duw, na mollethi rewler dha bobel.

Eksodus 6:2

Ha Duw a leveris dhe Moyses, ‘My yw an Arloedh;

Eksodus 9:6

Ha'n vorow an Arloedh a wrug an dra ma; gwarthek oll an Ejyptianys a verwis mes a'n gwarthek a vebyon Ysrael ny verwis nagonan.

Ysay 19:1

Profoesans a-dro dhe Ejyp. Awotta'n Arloedh ow marghogeth war gommolenn skav hag ow tos bys yn Ejyp; idolys Ejyp a gren a-ragdho, ha kolonn Ejyp a deudh a-bervedh ynno.

Yeremia 43:12

Ev a dhew tan yn chiow duwow Ejyp. Ev a's lesk, ha'ga doen dhe-ves yn kethneth, hag ev a lanha pow Ejyp, par dell lanha bugel y dhillas; hag ev a omdenn alena yn kres.

Yeremia 43:13

Ev a derr peulveyn Tempel an Howl, usi yn pow Ejyp; ha templow duwow Ejyp ev a lesk gans tan.

Yeremia 46:25

Arloedh an luyow, Duw Ysrael, a leveris: Otta, my a dhre kessydhyans war Amon a Thebes, ha Faro, hag Ejyp, ha'ga duwow ha'ga myghternedh, war Faro ha'n re a fydh ynno.

Ezekiel 12:16

Mes my a spar dhiworta nebes anedha dhiworth an kledha, dhiworth divoetter, ha dhiworth pla, rag may teriffons aga thaklow kasadow y'n kenedhlow a dhons di. Ena i a woer my dhe vos an Arloedh.

Amos 5:17

Hag y'n gwinlannow oll y fydh oelva rag my dhe dremena der an kres ahanowgh, yn-medh an Arloedh.

Sefania 2:11

Euthyk vydh an Arloedh dhedha: rag ev a danowha oll duwow an norvys ha tus a'n gordh, peub dhiworth y le, oll ynysow an kenedhlow.

Niverow 33:4

ha'n Ejyptianys owth ynkleudhyas pub kynsa-genys, re bia gweskys yn aga mysk gans an Arloedh; war aga duwow ynwedh an Arloedh a wrug breusow.

1 Samuel 5:3

Ha pan sevis tus Ashdod ternos a-varr, yth esa Dagon koedhys war y fas dhe'n dor a-dherag argh an Arloedh. Ytho i a gemmeras Dagon ha'y settya yn y le arta.

1 Samuel 6:5

Ytho hwi a wra imajys a'gas hwedhow hag imajys a'gas logos neb a dhiswra an tir, ha hwi a re glori dhe Dhuw Ysrael; martesen ev a skavha y dhorn a-dhiwarnowgh hag a-dhiwar agas duwow hag a-dhiwar agas tir.