Eksodus 12:11 - An Bibel Kernewek 20234 (Kernewek Kemmyn)

¹¹ Y'n vaner ma hwi a wra y dhybri: grogysys agas diwglun, agas sandalyow war agas treys ha'gas gwelenn yn agas dorn; ha hwi a wra y dhybri yn unn fyski. Pask an Arloedh yw.

Eksodus 12:11 Iomraidhean Croise

2 Myghternedh 23:21

An myghtern a worhemmynnis dhe oll an bobel, ow leverel, ‘Gwithewgh an pask dhe'n Arloedh agas Duw dell yw skrifys yn lyver an kevambos ma.’

Eksodus 12:13

An goes a vydh tokyn dhywgh, war an chiow le mayth esowgh; ha pan welav an goes, my a wra tremena dresowgh, ha ny goedh pla vyth warnowgh dh'agas distrui, pan waskav pow Ejyp.

Eksodus 12:21

Ena Moyses a elwis henavogyon Ysrael, ha leverel dhedha, ‘Kewgh dhe gyrghes agas eyn herwydh agas teyluyow, ha ladha an pask.

Eksodus 12:27

hwi a lever, “Yth yw sakrifis pask an Arloedh, rag ev a dremenas dres chiow mebyon Ysrael yn Ejyp, pan weskis an Ejyptianys, mes gasa agan chiow.” ’ Ha'n bobel a omblegyas ha gordhya.

Eksodus 12:43

Ha'n Arloedh a leveris dhe Moyses hag Aron, Hemm yw ordenans an pask: ny wra estren dybri anodho.

Ysay 52:12

Rag ny wrewgh dos yn-mes yn fysk ha ny wrewgh mos yn fo, rag an Arloedh a a-ragowgh, ha Duw Ysrael a vydh agas gwithyas-delergh.

Ezekiel 45:21

Y'n kynsa mis, yn peswardhegves dydh an mis, y fydh dhywgh an pask, goel a seyth dydh; bara heb goell a vydh dybrys.

Levitikus 23:5

Y'n kynsa mis, yn peswardhegves dydh an mis, y'n gorthugher, yma pask an Arloedh,

Niverow 28:16

Y'n peswardhegves dydh a'n kynsa mis yth yw pask an Arloedh.

Niverow 9:1

Ha'n Arloedh a gewsis dhe Moyses yn gwylvos Sinay, y'n kynsa mis a'n nessa blydhen wosa i dhe dhos yn-mes a bow Ejyp, ow leverel:

Luk 12:35

‘Bedhes agas diwglun grogysys, ha'gas lugern gans golow;

Luk 15:22

Mes y das a erghis dh'y gethwesyon, “Drewgh uskis an gwella pows ha'y gorra warnodho, ha rewgh bysow war y leuv hag eskisyow war y dreys.

Luk 2:41

Ha'y gerens e dhe Yerusalem pub blydhen dhe woel an pask.

Luk 7:38

hi a sevis a-dryv dhodho ryb y dreys, owth oela, ha dalleth glybya y dreys gans hy dagrow ha'ga sygha gans hy gols; ha hi a amma dh'y dreys ha'ga ura gans an unyent.

1 Korinthianys 5:7

Kerthewgh dhe-ves an goell koth may fowgh hwi bagasik nowydh a does, dell owgh hwi heb goell yn hwir. Rag Krist agan pask re beu offrynnys.

Efesianys 6:15

hag owth arghena an treys gans ombareusyans a dheu dhiworth an aweyl a gres.

Dewteronomi 16:1

Gwith mis Abib, ha gwra pask dhe'n Arloedh dha Dhuw, rag yn mis Abib an Arloedh dha Dhuw a'th tros mes a bow Ejyp d'wor' an nos.

Yoshua 5:10

An Ysraelysi a gampyas yn Gilgal, hag i a solempnyas an pask yn peswardhegves dydh an mis gorthugherweyth yn plenys Yeriko.

1 Peder 1:13

Ytho, grogysewgh diwglun agas brys, bedhewgh divedhow, ha settyewgh agas govenek yn tien war an gras a vydh dres dhywgh orth diskwedhyans Yesu Krist.