Eksodus 10:9 - An Bibel Kernewek 20234 (Kernewek Kemmyn)

⁹ Ha Moyses a leveris, ‘Ni a wra mos gans agan re yowynk ha'gan re goth; ni a wra mos gans agan mebyon ha'gan myrghes ha gans agan flokkys ha'gan oghen, rag y koedh dhyn synsi goel an Arloedh.’

Eksodus 10:9 Iomraidhean Croise

Jenesis 50:8

ha mayni oll Yosep ha'y vreder ha mayni y das. Saw ny assons yn pow Goshen marnas aga fleghes ha'ga flokkys ha'ga chatel.

Eksodus 10:10

Hag ev a leveris dhedha, ‘Re bo an Arloedh genowgh, mar kwrav agas gasa hwi ha'gas re vyghan dhe vones. Mirewgh, hwi a'gas beus neb tebel dowl yn agas brys.

Eksodus 10:26

Agan gwarthek ynwedh a dal mos genen; ny vydh gesys karn pynag, rag y koedh dhyn aga hemmeres dhe servya an Arloedh agan Duw, ha ny wodhon gans pyth y koedh dhyn servya an Arloedh erna dhyffyn di.’

Eksodus 12:32

Kemmerewgh agas greow ha'gas oghen, dell leversowgh, ha kewgh dhe-ves; ha bennigewgh vy ynwedh!’

Eksodus 12:37

Ha mebyon Ysrael eth yn-rag a Rameses dhe Sukkoth, neb hwegh kans mil wour war droes, heb rekna an fleghes.

Eksodus 12:38

Lu kemmyskys eth gansa ynwedh, ha pur lies gwarthek, hag oghen ha greow.

Eksodus 13:6

Seyth dydh y hwredh dybri bara heb goell, hag y'n seythves dydh y fydh goel dhe'n Arloedh.

Eksodus 3:18

Hag i a wra goslowes orth dha lev ha ty ha henavogyon Ysrael a wra mos dhe vyghtern Ejyp ha leverel dhodho, “An Arloedh, Duw an Ebrowyon, re vetyas genen; ha lemmyn, ni a'th pys, gas ni dhe vones yn vyaj a dri dydh y'n gwylvos mayth offrynnyn dhe'n Arloedh agan Duw.”

Eksodus 5:1

A'y wosa, Moyses hag Aron a dheuth a-ji dhe Faro ha leverel, ‘Yndellma y lever an Arloedh, Duw Ysrael, “Gas ow fobel dhe vones may hallons ow goelya y'n gwylvos.” ’

Eksodus 5:3

Ena y lavarsons, ‘Duw an Ebrowyon re vetyas genen; gas ni dhe vones, ni a'th pys, vyaj a dri dydh y'n gwylvos hag offrynna dhe'n Arloedh agan Duw ma na goettho warnan gans pla po gans an kledha.’

Lavarow Koth 3:9

Enor an Arloedh gans oll dha substans, ha gans kynsa froeth a'th trevas;

Ekklesiastes 12:1

Porth kov a'th Kreador yn dydhyow dha yowynkneth, kyns dos an drog dhydhyow, ha'n blydhynyow may leverydh, ‘Ny'm beus plesour ynna’;

Niverow 29:12

Y'n pymthegves dydh hwi a'gas bydh kuntelles sans; ny wrewgh ober arvethys, ha hwi a with goel dhe'n Arloedh seyth dydh.

Efesianys 6:4

Ha tasow, na wrewgh serri agas fleghes mes megewgh i yn dyskybleth ha dyskans an Arloedh.

Yoshua 24:15

Ha mars yw drog yn agas golok servya an Arloedh, dewisewgh hedhyw pyneyl a servyowgh, po an duwow a wrug agas tasow aga servya dres an avon, po duwow an Amorysi, mayth esowgh trigys yn aga thir; mes my ha'n teylu, ni a serv an Arloedh.’