Eksodus 10:7 - An Bibel Kernewek 20234 (Kernewek Kemmyn)

⁷ Ha servysi Faro a leveris dhodho, ‘Pygemmys prys y fydh an den ma antell dhyn? Gas an dus dhe vones may serfyons an Arloedh aga Duw; a ny gonvedhydh na hwath bos Ejyp distruys?’

Eksodus 10:7 Iomraidhean Croise

Salmow 107:34

Ev a wra dhe dir leun a frut bos difeythtir, drefenn sherewneth an re usi trigys ynno.

Eksodus 12:33

Ha'n Ejyptianys a ynnias war an bobel ma's tannvonens yn-mes a'n tir yn fysk; rag i a leveris, ‘Tus varow on ni oll.’

Eksodus 23:33

Ny wrons triga y'th tir, ma na wrellons dhis pegha er ow fynn; rag mar servydh aga duwow, y fydh antell ragos sur.

Eksodus 7:5

Ha'n Ejyptianys a woer my dhe vos an Arloedh pan ystynnav ow dorn war Ejyp ha kyrghes mebyon Ysrael yn-mes anedha.’

Eksodus 8:19

Ha'n hudoryon a leveris dhe Faro, ‘Hemm yw bys Duw.’ Mes kolonn Faro o kaleshes, ha ny vynna koela orta; dell lavarsa an Arloedh.

Lavarow Koth 29:6

Yn offens an tebelwas yma antell, mes an den gwiryon a gan hag a lowenha.

Ekklesiastes 7:26

Ha my a gyv bos moy hwerow ages mernans an venyn neb yw hy holonn maglennow ha roesow, ha neb yw hy diwla bondys. Neb yw da a-rag Duw a dhienk dhiworti, mes maglennys yw an peghador gensi.

Ysay 14:20

Ny vydhydh junys gansa yn ynkleudhyans, rag ty a dhistruis dha dir, ha ladha dha bobel. Ny vydh henwys bys vykken has an debeles.

Ysay 51:9

Difun, difun, omwisk yn nerth, A vregh an Arloedh. Difun kepar hag y'n dydhyow koth, henedhow an termyn pell, A ny veu ty hag a droghas Rahab yn temmigow, hag a wanas an dhragon?

Yeremia 48:4

‘Moab yw distruys!’ a gri hy re vyghan.

Yeremia 51:8

Distowgh Babylon yw koedhys ha brewys; kynewgh rygdhi! Kemmerewgh balsam rag hy goli; may fo martesen yaghhes.

Sefania 1:18

Naneyl aga arghans na'ga owr a yll aga delivra yn dydh sorr an Arloedh; ha gans tan y avi an norvys oll a vydh devorys: rag ev a wra diwedh leun, yn sur neppyth euthyk, a beub eus trigys y'n norvys.

1 Korinthianys 7:35

My a lever hemma rag agas les agas honan, heb gorra fronn vydh warnowgh, mes rag onester ha rag may hwonetthowgh an Arloedh heb lett.

Yoshua 23:13

godhvydhewgh yn sur na wra an Arloedh agas Duw fesya an kenedhlow ma a-dheragowgh arta. I a vydh antell ha maglenn dhywgh, skorja war agas keynow, ha dreyn yn agas lagasow, bys pan ewgh dhe goll a-dhiwar an dor da ma a wrug an Arloedh agas Duw ri dhywgh.

1 Samuel 18:21

Ha Sowl a dybis, ‘My a vynn hy ri dhodho rag may hyll hi dos ha bos antell ragdho, ha may hyll bos leuv an Filistysi warnodho.’ Rakhenna Sowl a leveris dhe Davydh unnweyth arta, ‘Ty a vydh ow deuv an jydh ma.’

1 Samuel 5:11

Ytho i a dhannvonas ha kuntell war-barth oll gwahalyethow an Filistysi, ha leverel, ‘Dannvenewgh dhe-ves argh Duw Ysrael ha gas hi dhe dhehweles dh'y le hy honan, ma na wrello agan ladha ni, na'gan pobel.’ Rag yth esa skruth marwel y'n sita oll. Ha leuv Duw o fest poes ena;