Eksodus 10:5 - An Bibel Kernewek 20234 (Kernewek Kemmyn)

⁵ hag i a wra kudha enep an tir, ma na wello denvyth an tir; hag i a wra dybri an pyth eus gesys dhis wosa an keser, hag i a wra dybri oll agas gwydh a dyv y'n gwel.

Eksodus 10:5 Iomraidhean Croise

Eksodus 10:12

Ena an Arloedh a leveris dhe Moyses, ‘Ystynn dha dhorn dres pow Ejyp rag an lokustes, may teffons war bow Ejyp, ha dybri pub plans y'n tir, peub a veu gesys gans an keser.’

Eksodus 10:15

Rag i a gudhas enep an tir oll, may feu tewlhes an tir, hag i a dhybris oll an plansow y'n tir, hag oll frut an gwydh a veu gesys gans an keser; ha nyns esa glasneth vyth, na gwydhenn na plansow an gwel, dre bow Ejyp oll.

Eksodus 10:4

Rag mar neghydh gasa ow fobel dhe vones, otta, a-vorow y kyrghav lokustes a-berth y'th pow,

Eksodus 9:32

mes ny veu distruys an gwaneth ha'n gwaneth-spelt, rag diwedhes yns i ow tevi).

Yoel 1:4

An pyth a asas an lokust yowynk an hes a lokustes re'n dybris; ha'n pyth a asas an hes, an lokust diaskell re'n dybris; ha'n pyth a asas an lokust diaskell an lokust distruel re'n dybris.

Yoel 2:25

My a astiver dhywgh an blydhynyow a wrug hes an lokustes aga dybri, an lokust diaskell, an lokust distruel, ha'n lokust yowynk, ow lu bras a dhannvenis yn agas mysk.

Yoel 2:3

Tan a dhevor a-dheragdha, hag a-dryv dhedha flamm a lesk. An tir yw avel lowarth Eden a-dheragdha, hag a-dryv dhedha gwylvos difeyth; vri, ny vydh diank anedha.