Eksodus 10:3 - An Bibel Kernewek 20234 (Kernewek Kemmyn)

³ Ytho Moyses hag Aron eth a-ji dhe Faro, ha leverel dhodho, ‘Yndellma y lever an Arloedh, Duw an Ebrowyon, “Pygemmys prys y neghydh omuvelhe a-ragov? Gas ow fobel dhe vones ma'm serfyons.

Eksodus 10:3 Iomraidhean Croise

1 Myghternedh 18:21

Ena Elias a dheuth ogas dhe oll an bobel, ha leverel, ‘Pes termyn a vynnowgh kloppya yntra dew dybyans? Mars yw an Arloedh Duw, holyewgh ev; mes mars yw Baal, ena holyewgh ev.’ Mes ny worthybis an bobel ger dhodho.

1 Myghternedh 21:29

‘A welsys fatell uvelhas Ahab y honan a-ragov? Drefenn ev dhe uvelhe y honan a-ragov, ny dhrov terroes yn y dhydhyow; mes yn dydhyow y vab my a dhre terroes war y ji.’

2 Myghternedh 22:19

drefenn bos dha golonn medhel, ha ty dhe vos uvel a-dherag an Arloedh, pan glewsys an pyth a leveris vy erbynn an tyller ma, hag erbynn y annedhysi, mayth ellens ha bos euth ha molleth, ha skwardya dha dhillas, hag oela a-dheragov, my ynwedh re glewas, a lever an Arloedh.

2 Kroniklys 33:12

Pan o yn ahwer ev a bysis favour an Arloedh y Dhuw hag yth omuvelhas yn fen a-rag Duw y dasow.

2 Kroniklys 33:19

Y bysadow ha fatell dhegemmeras Duw y bledyans, oll y begh ha'y dhislelder, an tylleryow warnedha may trehevis tylleryow ughel ha drehevel an Asherim ha'n imajys gravys a-ragdha mayth omuvelhi, an re ma yw skrifys yn kovadhow an welesydhyon.

2 Kroniklys 34:27

drefenn bos dha golonn medhel ha drefenn ty dhe omuvelhe a-rag Duw pan glewsys y eryow erbynn an tyller ma ha'y drigoryon, hag omuvelhe a-ragov, ha skwardya dha dhillas hag oela a-ragov, my re'th klewas, a lever an Arloedh.

2 Kroniklys 7:14

mar omuvelha ow fobel yw henwys gans ow hanow, ha pysi ha hwilas ow fas ha treylya dhiworth aga fordhow drog, ena my a glew a nev, ha my a av dhedha aga fegh ha yaghhe aga thir.

Job 42:6

rakhenna my a'm kas ow honan, ha koedha yn edrek yn doust ha lusu.’

Eksodus 10:4

Rag mar neghydh gasa ow fobel dhe vones, otta, a-vorow y kyrghav lokustes a-berth y'th pow,

Eksodus 16:28

Ha'n Arloedh a leveris dhe Moyses, ‘Pygemmys prys y neghowgh gwitha ow gorhemmynnow hag ow laghys?

Eksodus 4:23

ha my a lever dhis, Gas ow mab dhe vones ma'm serfyo; mar neghydh y asa dhe vones, otta, my a ladh dha vab kynsa-genys.” ’

Eksodus 5:1

A'y wosa, Moyses hag Aron a dheuth a-ji dhe Faro ha leverel, ‘Yndellma y lever an Arloedh, Duw Ysrael, “Gas ow fobel dhe vones may hallons ow goelya y'n gwylvos.” ’

Eksodus 9:17

Hwath yth omughelhydh erbynn ow fobel, ha ny's gesydh dhe vones.

Lavarow Koth 1:22

‘A hwi sempel, pes termyn y kerowgh hwi sempledh? Pes termyn y fynn skornyoryon lowenhe yn aga skornya ha fellyon kasa godhvos?

Lavarow Koth 1:24

Drefenn my dhe elwel, ha hwi re naghas, my re ystynnas ow leuv ha ny woslowas denvyth,

Lavarow Koth 18:12

Kyns droglamm, kolonn gour yw goethus, mes uvelder a a-rag enor.

Ysay 1:5

Prag y fydhowgh gweskys hwath moy? Prag y pesyowgh yn rebellyans? An penn dien yw klav, oll an golonn yw klamderek.

Ysay 2:11

Dewlagas balghder den a vydh uvelhes, ha goeth tus a vydh iselhes, ha'n Arloedh unnsel a vydh ughelhes y'n jydh na.

Yeremia 13:10

An debel bobel ma, a nagh klewes ow geryow, hag a gerdh yn gorthter aga holonn, ha mos war-lergh duwow erell, ha'ga servya, ha'ga gordhya, a vydh avel an grogys ma, nag yw da rag travyth.

Yeremia 13:18

Lavar dhe'n myghtern ha dhe vamm an myghtern, ‘Omuvelhewgh, esedhewgh: rag kurun agas golewder re dhiyskynnas a-dhiwar agas penn.’

Yeremia 50:29

Gelwewgh sethoryon erbynn Babylon, oll an re a bleg an warak. Kampyewgh oll a-dro dhedhi; na esewgh denvyth dhe dhiank. Attelewgh dhedhi war-lergh hy gweythresow; kepar dell wrug hi, gwrewgh dhedhi – rag hi re eryas an Arloedh yn falgh, an Sans a Ysrael.

Ezekiel 5:6

Mes hi re rebellyas erbynn ow breusow moy ages sherewynsi an kenedhlow, hag erbynn ow ordenansow moy ages an gwlasow usi a-dro dhedhi; rag i re dhenaghas ow breusow ha ny gerdhsons y'm ordenansow.

Daniel 5:22

Ha ty, y vab, Belshassar, ny wrussys iselhe dha golonn jy kyn hwodhves oll hemma,

Niverow 14:27

Pes termyn y hwra an tebel guntelles ma krodhvolas warnav? My re glewas krodhvolyow mebyon Ysrael, hag a grodhvolsons warnav.

Romanyon 2:4

Po dispresya a wredh jy rychys y guvder ha'y wodhevyans ha'y berthyans? A ny wodhes jy kuvder Duw dhe'th hembronk dhe edrek?

Ebrowyon 12:25

Gwaytyewgh na'n nagghewgh neb a gews. Rag mar ny wrussons an re na dhiank pan naghsons neb a's gwarnyas war an nor, hwath dhe le y hwren ni diank anodho neb a'gan gwarn a nev.

Jamys 4:10

Omuvelhewgh a-dherag an Arloedh, hag ev a wra agas ughelhe.

1 Peder 5:6

Omuvelhewgh ytho yn-dann leuv alloesek Duw, rag ma'gas ughelhaho y'n termyn gwiw,