Eksodus 10:21 - An Bibel Kernewek 20234 (Kernewek Kemmyn)

²¹ Ena an Arloedh a leveris dhe Moyses, ‘Ystynn dha dhorn war-tu ha nev may fo tewlder dres pow Ejyp, tewlder a vo tavadow.’

Eksodus 10:21 Iomraidhean Croise

Job 5:14

I a vet orth tewlder dydhweyth, ha palvala y'n hanter-dydh kepar hag y'n nos.

Salmow 105:28

Ev a dhannvonas tewlder hag y tewlhas; hag i a settyas hwath erbynn y eryow.

Salmow 35:6

Bedhes aga fordh tewl ha slynk, hag el an Arloedh orth aga helghya.

Salmow 78:49

Ev a dhellos warnedha y sorr fers, sorr, ha koler, hag anken, ha dannvon tebel eledh yn aga mysk.

Eksodus 7:19

An Arloedh a leveris dhe Moyses, ‘Lavar dhe Aron, “Kemmer dha welenn hag ystynn dha dhorn dres dowrow Ejyp, dres aga avonyow, aga dowrgleudhyow, aga follow kors hag oll aga follow dowr, may teffons ha bos goes; hag y fydh goes dre bow Ejyp oll, hag yn lestri a brenn hag yn lestri a ven.” ’

Eksodus 9:22

Ha'n Arloedh a leveris dhe Moyses, ‘Ystynn dha dhorn war-tu ha nev, hag y fydh keser yn pow Ejyp oll, war dhen ha best ha pub plans y'n gwel, dre bow Ejyp oll.’

Lavarow Koth 4:19

Fordh an debeles yw haval dhe dewlder down; ny wodhons an pyth may trebuchons warnodho.

Ekklesiastes 2:14

An den fur – yma y dhewlagas yn y benn, mes an foll a gerdh yn tewlder. Byttegyns my a welas an keth tenkys dhe goedha warnedha aga dew.

Ekklesiastes 6:4

Rag ev a dheu der euveredh, ha'y hanow yw kudhys yn tewlder;

Ezekiel 32:7

Pan y'th tifeudhav, my a gudh an nevow ha tewlhe aga ster; my a gudh an howl gans kommolenn, ha ny re an loer hy golow.

Matthew 27:45

Ha dhiworth an hweghves eur yth esa tewolgow war oll an nor bys y'n nawves eur.

Mark 15:33

Ha pan dheuth an hweghves eur, yth esa tewolgow dres oll an tir bys y'n nawves eur.

Luk 23:44

Ha lemmyn y feu a-dro dhe'n hweghves eur, hag yth esa tewlder dres oll an tir bys y'n nawves eur.

Dewteronomi 1:30

An Arloedh dha Dhuw, usi ow kerdhes a-ragowgh, a omladh ragowgh, kepar dell wrug ragowgh yn Ejyp a-wel dhywgh,

Dewteronomi 28:29

Ty a vydh ow palvala yn hanter-dydh, kepar dell balval an dall y'n tewolgow; ny wredh dhe'th fordhow seweni; devri y fydhydh arweskys ha ledrys, ha ny wra nagonan dha sawya.

Dewteronomi 4:34

Po a assayas neb duw dhe dhos ha kemmeres dhodho kenedhel dhiworth kenedhel arall dre brovow, der toknys, ha der anethow, ha dre vresel, dre leuv grev ha bregh ystynnys, der euth bras kepar ha pup-tra a wrug dhywgh an Arloedh agas Duw yn Ejyp a-wel dhis?

2 Peder 2:17

An re ma yw fentynyow heb dowr, ha niwlow herdhys yn-rag dre hager-awel; ha tewolgow tewlder re beu gwithys ragdha i.

2 Peder 2:4

Rag mar ny sparyas Duw eledh re wrussa pegha, mes aga dannvon yn-nans dhe dewlder Tartarus, dhe vos gwithys bys y'n vreus;

Lyther Yud 1:13

mordonnow gwyls owth ewyni gans aga bismer aga honan, sterennow ow kwandra may feu dhedha gwithys an tewlder bys vykken.

Lyther Yud 1:6

ha'n eledh na withas aga offis aga honan mes a asas aga thrigva aga honan re beu gwithys ganso yn chaynys heb diwedh yn tewlder bys yn breus an jydh meur;

Diskwedhyans 8:12

Ha'n peswora el a hwythas hag y feu an tressa rann a'n howl gweskys, ha'n tressa rann a'n loer ha'n tressa rann a'n ster, may feu an tressa rann anedha tewlhes ha ny omdhiskwedhas an jydh rag an tressa rann anodho, ha'n nos kekeffrys.