Eksodus 10:2 - An Bibel Kernewek 20234 (Kernewek Kemmyn)

² ha may leverri yn klewans dha vab ha mab dha vab fatell wrug vy kammdhyghtya an Ejyptianys ha pana toknys a wrug vy yntredha; may hwodhvi my dhe vos an Arloedh.’

Eksodus 10:2 Iomraidhean Croise

2 Samuel 7:22

Rakhenna meur osta, A Arloedh Duw; rag nyns eus nagonan avelos, ha nyns eus Duw marnas ty, war-lergh pup-tra a glewsyn gans agan diwskovarn.

Salmow 44:1

A Dhuw, ni re glewas gans agan diwskovarn, agan tasow re venegas dhyn ni, an gweythres a wrussys yn aga dydhyow i, y'n termyn koth.

Salmow 44:2

Gans dha leuv ty a fesyas an kenedhlow, mes ty a's plansas yn aga le; ty a dhistruis an poblow, mes gul dhedha triga yn aga le.

Salmow 58:11

Ha tus a lever, ‘Yn hwir yma pewas dhe'n den gwiryon; yn hwir yma Duw a vreus y'n nor.’

Salmow 71:18

Ha lemmyn y'm henys, ha loes ow blew, A Dhuw, na wra ow forsakya, erna dheriffiv dha alloes dhe'n kenedhel ma, dha nerth dhe bub henedh a dheu.

Salmow 78:3

an re a glewsyn hag a wodhven, hag a dherivas agan tasow dhyn ni.

Eksodus 13:14

Hag y'n termyn a dheu pan wovynn orthis dha vab, “Pyth yw styr hemma?” ty a lever dhodho, “Dre nerth an leuv an Arloedh a'gan dros yn-mes a Ejyp, yn-mes a ji an gethneth.

Eksodus 14:18

Ha'n Ejyptianys a woer my dhe vos an Arloedh, pan gavav gordhyans drefenn Faro, y jarettow, ha'y varghogyon.’

Eksodus 14:4

Ha my a wra kaleshe kolonn Faro, hag ev a wra aga siwya ha my a gyv glori drefenn Faro ha'y lu oll; ha'n Ejyptianys a woer my dhe vos an Arloedh.’ Hag yndella i a wrug.

Eksodus 7:17

Yndellma y lever an Arloedh: Dre hemma ty a wodhvydh my dhe vos an Arloedh: otta, gweskel a wrav an dowr usi y'n Nil gans an welenn usi yn ow dorn, hag y fydh treylys yn goes,

Eksodus 7:5

Ha'n Ejyptianys a woer my dhe vos an Arloedh pan ystynnav ow dorn war Ejyp ha kyrghes mebyon Ysrael yn-mes anedha.’

Eksodus 8:6

Ytho, Aron a ystynnas y dhorn dres dowrow Ejyp; ha'n kwilkynyow a dheuth ha kudha pow Ejyp.

Ysay 38:19

Den bew, ny yll marnas den bew dha wormel, avelov vy hedhyw; tasow a wra godhvedhys dhe vebyon dha wiryonedh.

Ezekiel 20:26

My a's defolas der aga rohow aga honan, owth offrynna oll aga re kynsa-genys, rag may kwrellen vy aga euthega, may hwodhvens my dhe vos an Arloedh.

Ezekiel 20:28

My a's dros dhe'n tiredh may trehevis vy ow leuv ragdho, ow ti dh'y ri dhedha; mes peskweyth may hwelsons menydh ughel pynag po gwydhenn dhelyek pynag, i a wrug aga sakrifisow ena, ha ri ena rohow dhe'm provokya dhe sorr, hag offrynna ena aga sawer plegadow, ha diveri ena aga offrynn diwes.

Yoel 1:3

Derivewgh hemma orth agas fleghes, ha'ga fleghes orth aga fleghes i, ha'ga fleghes dhe henedh arall.

Efesianys 6:4

Ha tasow, na wrewgh serri agas fleghes mes megewgh i yn dyskybleth ha dyskans an Arloedh.

Dewteronomi 4:9

Saw kemmer with, ha gwith dha enev gans rach, ma na ankeffi an taklow a welas dha dhewlagas, ha ma na dhibarthons dhiworth dha golonn der oll dydhyow dha vewnans; mes gwra aga dyski dhe'th vebyon, ha dhe vebyon dha vebyon: