Eksodus 10:16 - An Bibel Kernewek 20234 (Kernewek Kemmyn)

¹⁶ Ena Faro a elwis Moyses hag Aron yn fysk, ha leverel, ‘My re beghas erbynn an Arloedh agas Duw, hag er agas pynn.

Eksodus 10:16 Iomraidhean Croise

2 Samuel 19:20

Rag my dha was a woer my dhe begha, hag otta devedhys ov hedhyw, an kynsa dhiworth oll chi Yosep dhe dhos yn-nans dhe vetya ow arloedh an myghtern.’

2 Samuel 24:10

Ha kolonn Davydh a veu gweskys wosa ev dhe nivera an bobel. Hag yn-medh Davydh dhe'n Arloedh, ‘My re beghas yn feur y'n pyth re wrugavy. Mes lemmyn, A Arloedh, my a'th pys, gav kammweyth dha was; rag my re wrug yn foll.’

2 Samuel 24:17

Ha pan welas Davydh an el esa ow kweskel an bobel, ev a leveris dhe'n Arloedh, ‘Otta, my ow honan re beghas, ha my re wrug drog; mes an deves ma, pyth a wrussons? Hedh dha dhorn, my a'th pys, bydh er ow fynn, hag erbynn chi ow thas.’

Eksodus 8:25

Ena Faro a elwis Moyses hag Aron, ha leverel, ‘Kewgh, sakrifiewgh dh'agas Duw a-ji dhe'n tir.’

Eksodus 8:8

Ena Faro a elwis Moyses hag Aron, ha leverel, ‘Pys an Arloedh may kemmerro an kwilkynyow ahanav hag a'm pobel; ha my a wra gasa an bobel dhe vones ha sakrifia dhe'n Arloedh.’

Eksodus 9:27

Ena Faro a dhannvonas, ha gelwel Moyses hag Aron ha leverel dhedha, ‘My re beghas an prys ma; an Arloedh yw ewn, ha my ha'm pobel yw kamm.

Lavarow Koth 28:13

Ny sewen neb a gudh y gammweythresow, mes neb a's avow ha forsakya a'n jevydh mersi.

Niverow 21:7

Ha'n bobel a dheuth dhe Moyses, ha leverel, ‘Ni re beghas, rag ni a gewsis erbynn an Arloedh hag er dha bynn; gwra pysi dhe'n Arloedh, may kemmerro an serf dhe-ves ahanan.’ Ytho Moyses a bysis rag an bobel.

Niverow 22:34

Ena Balaam a leveris dhe el an Arloedh, ‘My re beghas, rag ny wodhyen ty dhe sevel y'n fordh er ow fynn. Lemmyn ytho, mars yw tebel y'th wolok, my a dhehwel arta.’

Matthew 27:4

ow leverel, ‘My re beghas a-ban draytis goes gwiryon.’ Yn-medhons i, ‘Pandr'yw henna dhyn ni? Ty dha honan preder anodho.’

1 Samuel 15:24

Ha Sowl a leveris dhe Samuel, ‘My re beghas; my a gammdremenas erbynn gorhemmynn an Arloedh ha'th eryow, drefenn my dhe berthi own a'n bobel hag obaya aga lev.

1 Samuel 15:30

Ena Sowl a leveris, ‘My re beghas; hwath enor dhymm lemmyn a-dherag henavogyon ow fobel hag a-dherag Ysrael, ha dehwel genev, may hallav gordhya dha Dhuw.’

1 Samuel 26:21

Ena Sowl a leveris, ‘My re beghas; dehwel, ow mab Davydh, rag ny wrav drog dhis arta, drefenn bos ow bewnans drudh y'th wolok y'n jydh hedhyw. Otta, my re beu foll, ha my re erryas dres eghenn.’