Eksodus 1:7 - An Bibel Kernewek 20234 (Kernewek Kemmyn)

⁷ ha mebyon Ysrael a dhug frut, hesya a wrussons ha palshe, ha galloesek dres eghenn ens, ha'n tiredh o lenwys gansa.

Eksodus 1:7 Iomraidhean Croise

Jenesis 1:20

Hag yn-medh Duw, ‘Re dhrollo an dowr yn-mes hesow a greaturs bew, hag ydhyn ow nija a-ugh an nor war enep fyrmament an nev.’

Jenesis 1:28

Ha Duw a's bennigas; ha Duw a leveris dhedha, ‘Degewgh frut ha kressya ha lenwel an nor ha'y dhova, ha rewlya puskes an mor hag ydhyn an ayr ha pub kreatur bew ow kwaya war an dor.’

Jenesis 12:2

Ha my a vynn dha wul kenedhel vras, ha my a'th vennik ha gul dha hanow meur y vri, ha ty a vydh bennath:

Jenesis 13:16

Ha my a wra dha has kepar ha doust an dor: mar kyll den nivera doust an dor, dha has ynwedh a yll bos niverys.

Jenesis 15:5

Hag ev a'n dros mes a-ji ha leverel, ‘Mir lemmyn troha'n nev ha reken niver an ster, mar kyllydh aga nivera.’ Hag yn-medh ev dhodho, ‘Yndella y fydh dha has.’

Jenesis 17:16

Ha my a vynn hy benniga ha ri dhis mab dhiworti hi ynwedh, ha hi a dheu ha bos kenedhlow; myghternedh poblow a dheu dhiworti.’

Jenesis 22:17

my a wra dha venniga yn surredi, ha kressya dha has kepar ha ster an nevow ha kepar ha'n tewes war dreth an mor, ha'th has a wra erita yet y eskerens.

Jenesis 26:22

Ena ev eth yn-rag alena ha palas ken puth; ny wrussons i strivya a-dro dhodho; ytho ev a elwis y hanow Rehoboth ow leverel, ‘Rag lemmyn, an Arloedh re wrug spas ragon, ha ni a dheg frut y'n pow.’

Jenesis 26:4

Ha my a vynn ynkressya dha has kepar ha ster an nev, ha my a re dhe'th has oll an powyow ma. Oll kenedhlow an norvys a vydh owth omvenniga y'th has:

Jenesis 28:14

Ha'th has a vydh kepar ha doust an dor ha ty a wra omlesa dhe'n howlsedhes, dhe'n howldrevel, dhe'n kledh ha dhe'n dyghow, hag oll teyluyow an norvys a vydh benniges ynnos hag y'th has.

Jenesis 35:11

Hag yn-medh Duw dhodho, ‘My yw Duw Ollgalloesek; degewgh frut ha kressewgh; kenedhel ha kemmynieth a genedhlow a dheu dhiworthis, ha myghternedh a dheu yn-mes a'th tiwglun.

Jenesis 46:3

Hag yn-medh ev, ‘My yw Duw, Duw dha das Ysak. Na borth own a vos yn-nans dhe Ejyp, rag ena my a wra dhis bos kenedhel vras.

Jenesis 47:27

Ytho Ysrael a drigas yn pow Ejyp, yn pow Goshen. I a gavas tiryow ena, ha doen frut, ha kressya yn feur.

Jenesis 48:16

an el neb a'm delivras dhiworth pub droktra, re vennikko an vebyon; ha re bo gelwys warnedha ow hanow vy ha hanow ow thasow Abraham hag Ysak; ha re gressyons dhe vos bras aga niver yn kres an norvys.’

Jenesis 48:4

ha leverel dhymm, “Awotta, my a vynn gul dhis doen frut ha kressya; ha my a wra dhis bos kemmynieth a genedhlow; ha my a re an tir ma dhe'th has war dha lergh dh'y berghenna bys vykken.”

Jenesis 9:1

Ha Duw a vennigas Noy ha'y vebyon ha leverel dhedha, ‘Degewgh frut ha kressyewgh ha lenwel an nor.

Nehemia 9:23

Ty a gressyas aga mebyon avel ster an nev, ha'ga dri a-ji dhe'n tir a leversys dh'aga thasow dh'y entra ha dh'y erita.

Salmow 105:24

Hag ev a ynkressyas y bobel yn feur; ha'ga gul kreffa es aga eskerens.

Salmow 107:38

Hag ev a's bennik, mayth ynkressyons yn fras, ha ny as aga gwarthek dhe lehe.

Eksodus 1:12

ha dhe voy y's arwasksons, dhe voy i a balshas, hag i a omlesas, ha divlaster a's tevedha drefenn mebyon Ysrael;

Eksodus 12:37

Ha mebyon Ysrael eth yn-rag a Rameses dhe Sukkoth, neb hwegh kans mil wour war droes, heb rekna an fleghes.

Eksodus 5:5

Ha Faro a leveris, ‘Otta, pobel an tir yw lemmyn niverus, ha hwi a wra dhedha powes a'ga beghyow!’

Ezekiel 16:7

ha tev avel skyll an mes.’ Ha ty a ynkressyas ha tevi, ha dos dhe venynses. Dha dhiwvronn a veu furvys, dha wols a devis, mes ty o noeth ha lomm.

Oberow 13:17

Duw an bobel ma a Ysrael a dhewisas agan tasow ha meurhe an bobel dres aga godrik yn pow Ejyp; ha'y vregh drehevys, ev a's hembronkas mes anedhi,

Dewteronomi 10:22

Dha dasow eth yn-nans dhe Ejyp, deg ha tri-ugens enev; ha lemmyn an Arloedh dha Dhuw a'th settyas avel an ster a nev yn palster.

Dewteronomi 26:5

Ena ty a worthyp ha leverel a-rag an Arloedh dha Dhuw, ‘Aramean gwandrek o ow thas, hag ev eth yn-nans dhe Ejyp ha godriga ena gans boghes tus hag ena mos ha bos kenedhel vras, krev ha niverus.