Eksodus 1:21 - An Bibel Kernewek 20234 (Kernewek Kemmyn)

²¹ Ha dell hwarva, drefenn an gwelivedhesow dhe berthi own a Dhuw, ev a wrug dhedha teyluyow,

Eksodus 1:21 Iomraidhean Croise

1 Myghternedh 11:38

Mar koslowydh orth pup-tra a worhemmynnav dhis, kerdhes yn ow fordhow, ha gul an pyth yw ewn yn ow golok ow kwitha ow ordenansow hag ow gorhemmynnow, dell wrug ow gwas Davydh, my a vydh genes, ha ty a dhrehav chi sur, par dell dhrehevis rag Davydh, ha my a re Ysrael dhis.

1 Myghternedh 2:24

Lemmyn ytho, dell vew an Arloedh, neb a'm fastyas ha'm settya war dron ow thas, ha neb a wrug chi ragov dell ambosas, Adoniya a vydh gorrys dhe'n mernans hedhyw.’

Salmow 112:1

Gormelewgh an Arloedh. Gwynnvys an gour a berth own a'n Arloedh, a lowenha yn feur yn y worhemmynnow.

Salmow 127:1

Marnas an Arloedh a dhrehav an chi, yn euver y lavur seul a'n drehav. Marnas an Arloedh a with an sita, yn euver y hwra an gwithyas goelyas.

Salmow 127:3

Otta, ertach an Arloedh yw mebyon, frut an brys yw y wober ev.

Salmow 37:3

Trest y'n Arloedh ha gwra da; trig y'n tir, ha bedhes diogeledh yn dha beurva.

Eksodus 1:17

Ha'n gwelivedhesow a borthas own a Duw, ha ny wrussons par dell gewssa dhedha myghtern Ejyp, mes gwitha an vebyon yn few;

Lavarow Koth 24:3

Gans furneth chi yw drehevys, ha gans konvedhes yth yw fondys.

Ekklesiastes 8:12

Kyn hwrella peghador gul drogober kanskweyth, ha bewa hwath pell, yn spit dhe hemma my a woer y vos da gans an dus neb yw gostydh dhe Dhuw, rag i dhe sevel ow perthi own a-dheragdho.

Yeremia 35:2

Ke dhe ji an Rekabysi ha kewsel dhedha, ha'ga dri dhe ji an Arloedh, a-ji dhe onan a'n chambouryow, ha ri dhedha gwin dhe eva.

1 Samuel 2:35

Ha my a dhrehav ragov ow honan oferyas lel, neb a wra war-lergh an pyth usi y'm kolonn ha'm brys. My a dhrehav ragdho chi sur, hag ev a gerdh a-dherag ow untys bys vykken.

1 Samuel 25:28

My a'th pys, gav treuspass dha vaghteth; rag an Arloedh a wra yn sur rag ow arloedh chi sur, drefenn ow arloedh dhe vatalyas batelyow an Arloedh; ha ny vydh drog kevys ynnos oll dha dhydhyow.