Eksodus 1:17 - An Bibel Kernewek 20234 (Kernewek Kemmyn)

¹⁷ Ha'n gwelivedhesow a borthas own a Duw, ha ny wrussons par dell gewssa dhedha myghtern Ejyp, mes gwitha an vebyon yn few;

Eksodus 1:17 Iomraidhean Croise

Jenesis 20:11

Hag yn-medh Abraham, ‘Rag my a brederis, Yn sur, nyns eus own Duw y'n tyller ma, hag i a'm ladh drefenn ow gwreg.

Jenesis 42:18

Y'n tressa dydh yn-medh Yosep dhedha, ‘Gwrewgh hemma ha hwi a vew; rag my a berth own a Dhuw.

2 Samuel 24:4

Mes ger an myghtern o krev erbynn Yoab hag erbynn kaptenyon an lu. Ytho Yoab ha kaptenyon an lu eth yn-mes dhiworth lok an myghtern dhe nivera pobel Ysrael.

Nehemia 5:15

Mes an governours kyns, re bia kyns ow thermyn vy, a settsa beghyow poes war an bobel ha kemmeres dhiworta dew-ugens shekel a arghans war-barth gans boes ha gwin. Aga servysi ynwedh a lordya war an bobel. Mes ny wrug vy yndella rag own Duw.

Ester 3:3

Ena gwesyon an myghtern, esa yn yet an myghtern, a leveris dhe Mordekay, ‘Prag y kammdremenydh erbynn gorhemmynn an myghtern?’

Salmow 31:19

Ass yw meur dha dhader, a dharbarydh dhe'n re a'th own, a wrussys rag an re a hwila skovva ynnos jy a-dherag mebyon den!

Eksodus 1:18

ha myghtern Ejyp a elwis war an gwelivedhesow, ha leverel dhedha, ‘Prag y hwrussowgh an dra ma, ha gwitha an vebyon yn few?’

Eksodus 1:21

Ha dell hwarva, drefenn an gwelivedhesow dhe berthi own a Dhuw, ev a wrug dhedha teyluyow,

Lavarow Koth 16:6

Dre dregeredh ha lenduri yw kammweyth dasprenys, ha der own an Arloedh den a omwith rag drog.

Lavarow Koth 8:13

Own an Arloedh yw kasa; goeth ha balghder ha'n fordh a dhroktra ha kows treus a gasav.

Ekklesiastes 12:13

Diwedh an mater, wosa klewes pup-tra, yw hemma: Porth own a Dhuw, ha gwith y worhemmynnow, drefenn bos hemma dever pub den oll.

Ekklesiastes 8:12

Kyn hwrella peghador gul drogober kanskweyth, ha bewa hwath pell, yn spit dhe hemma my a woer y vos da gans an dus neb yw gostydh dhe Dhuw, rag i dhe sevel ow perthi own a-dheragdho.

Daniel 6:13

Ena i a worthybis ow leverel dhe'n myghtern, ‘Daniel, neb yw onan an dhivresow a Yuda, ny wra vri orthis, A vyghtern, nag orth an difenn sinys genes, mes ev a wra y bysadow teyrgweyth pub dydh.’

Hosea 5:11

Efraym yw arweskys, brewys yn breus, rag plegadow veu dhodho mos war-lergh euveredh.

Mika 6:16

Ordenansow Omri yw gwithys, hag oberow oll chi Ahab, ha hwi a gerdh herwydh aga husul. Rakhenna my a'th wra avel euth, ha'y thrigoryon a vydh hwibana, ha hwi a berth mewl ow fobel!

Matthew 10:28

Ha na berthewgh own a'n re a ladh an korf, mes na yll ladha an enev; mes kyns oll perthewgh own a neb a yll diswul ha'n enev ha'n korf yn ifarn.

Luk 12:5

My a'n diskwa dhywgh, piw a berthowgh own anodho: perthewgh own a neb a yll, wosa ladha, tewlel yn ifarn. Ya, yn-medhav dhywgh, perthewgh own anodho ev.

Oberow 5:29

Mes Peder ha'n abesteli a worthybis ha leverel, ‘Y koedh dhyn obaya dhe Dhuw, a-der dhe dus.

1 Samuel 22:17

Ha'n myghtern a leveris dhe'n gorfwithysi esa ow sevel a-dro dhodho, ‘Treylyewgh, ha ledhewgh oferysi an Arloedh, drefenn bos aga leuv ynwedh gans Davydh; ha drefenn i dhe wodhvos ev dhe fia, ha ny'n derivsons dhymm.’ Mes ny vynna gwesyon an myghtern ystynn aga dorn dhe goedha war oferysi an Arloedh.