Eksodus 1:14 - An Bibel Kernewek 20234 (Kernewek Kemmyn)

¹⁴ ha gul aga bewnans hwerow yn gwasonieth kales, yn pri, hag yn brykkys, hag yn pub eghenn a wonis y'n gwel; oll aga gonis ynno may hwrussons dhedha servya o garow.

Eksodus 1:14 Iomraidhean Croise

Jenesis 15:13

Ena ev a leveris dhe Abram, ‘Godhvydh yn sur y fydh dha has alyons yn pow nag yw dhedha i, hag i a wra aga servya; hag i a wra aga arwaska peswar kans blydhen.

1 Myghternedh 12:14

mes kewsel dhedha herwydh kusul an wer yowynk, ‘Ow thas a wrug dha yew dhe vos poes, mes my a geworr dh'agas yew; ow thas a'gas kessydhyas gans hwyppys, mes my a'gas kessydh gans skorpyones.’

Salmow 129:1

‘Lieskweyth y grevsons dhymm dhiworth ow yowynkneth’, gwres Ysrael lemmyn leverel.

Salmow 68:13

Kyn hwrowedhsowgh yn mysk an korlannow, yth owgh avel eskelli kolomm kudhys gans arghans, ha'y fluv gans owr melyn.

Salmow 81:6

‘My a dhifresas y skoedh a'n begh; y dhiwleuv a veu delivrys dhiworth an ganstell.

Eksodus 1:11

Ha warnedha i a ordenas mestrysi hwel rag aga arwaska gans beghyow poes, hag i a dhrehevis sitys-gwithva rag Faro, Pithom ha Rameses;

Eksodus 1:13

hag Ejyp a wrug dhe vebyon Ysrael servya yn harow,

Eksodus 1:15

Ha myghtern Ejyp a gewsis orth an gwelivedhesow ebrow (anedha onan o henwys Shifra ha'y ben Pua),

Eksodus 2:23

Ha dell hwarva y'n termyn hir na, myghtern Ejyp a verwis, ha mebyon Ysrael a gynis drefenn an gethneth ha kria, ha'ga kri a yskynnas dhe Dhuw, drefenn aga hethneth;

Eksodus 20:2

My yw an Arloedh dha Dhuw, neb a'th tros yn-mes a bow Ejyp, yn-mes a'n chi a gethneth.

Eksodus 6:9

Moyses a gewsis yndellma dhe vebyon Ysrael; mes ny goelsons orth Moyses drefenn galar aga spyrys ha'ga gonis fell.

Lavarow Koth 28:15

Avel lew owth usa po ors owth omsettya yw drog rewler war bobel boghosek.

Ysay 10:24

Rakhenna yndellma y lever an Arloedh, Duw an luyow: Ow fobel, trigys yn Sion, na borth own a Assyria neb a'th wysk gans gwelenn, ha drehevel y lorgh er dha bynn, dell wrug Ejyp.

Ysay 14:6

neb a weskis poblow yn sorr gans strokosow heb hedhi, hag yn konnar fetha kenedhlow gans arwask heb fronn.

Ysay 51:23

Ha my a'n gorr yn dorn dha dormentorys, neb a leveris dhis, ‘Pleg dhe'n dor rag may kerthyn warnas’; ha ty re wrug dha geyn avel an dor, hag avel an stret rag tus dhe dremena warnodho.

Ysay 52:5

Lemmyn ytho pandr'eus dhymm omma? yn-medh an Arloedh, ha'm pobel degys dhe-ves heb kost. Aga rewloryon a oul, yn-medh an Arloedh, ha pup-prys oll an jydh, dispresys yw ow hanow.

Ysay 58:6

A nyns yw hemma an benys a dhewisav: lewsel kadonyow sherewynsi, digelmi kroenow an yew, livra an re arweskys, ha terri pub yew?

Levitikus 25:43

Ny wre'ta y rewlya gans garowder, mes ty a berth own a dha Dhuw.

Levitikus 25:46

Ha hwi a's kemmer avel eretons rag agas fleghes war agas lergh, dhe erita avel perghennogeth bys vykken. Hwi a's gwith avel kethyon. Mes ny wrewgh hwi rewlya gans garowder war agas breder, mebyon Ysrael, an eyl war y gila.

Levitikus 25:53

Ev a vydh ganso kepar ha gwas arvethys blydhenyek. Ny wra y rewlya gans garowder yn dha wolok.

Mika 3:3

neb a dheber kig ow fobel, ha pilya aga kroghen dhiworta, ha terri aga eskern yn temmigow ha'ga nadha avel kig yn chek, avel kig yn kalter.

Nahum 3:14

Tenn dhis dowr rag an omsettyans, krevha dha geryow; ke a-bervedh y'n leys, ha stankya an pri, krevhe an kowynnow-brykk.

Niverow 20:15

fatell eth agan tasow yn-nans dhe Ejyp, hag yth esen trigys yn Ejyp termyn hir; ha'n Ejyptianys a'gan dyghtyas yn harow, ha'gan tasow.

Oberow 7:19

Ev a dhyghtyas agan agh yn fel, hag arwaska agan tasow, ow kul dhedha gorra aga fleghesigow yn-mes ma na vens gwithys yn few.

Oberow 7:34

My re welas arwask ow fobel yn Ejyp, ha my re's klewas ow kyni, ha my re dheuth yn-nans rag aga sawya; lemmyn, deus, dha dhannvon dhe Ejyp a wrav.”

Dewteronomi 26:6

Mes an Ejyptianys a'gan tebeldhyghtyas ha'gan arwaska, ha gorra warnan lavur kales.

Dewteronomi 4:20

An Arloedh a'gas kemmeras ha'gas dros yn-mes a'n fornes-horn, yn-mes a Ejyp, dhe vos dhodho pobel y eretons, kepar hag y'n jydh hedhyw.

Ruth 1:20

Hag yn-medh hi dhedha, ‘Na'm gelwewgh Naomi, gelwewgh vy Mara, rag an Ollgalloesek re'm dyghtyas yn pur hwerow.