Eksodus 1:10 - An Bibel Kernewek 20234 (Kernewek Kemmyn)

¹⁰ Dewgh, gwren yn fur gansa ma na liesplekhahons, hag y hyll hwarvos, bresel mar teffo, i ynwedh dhe junya gans an re a'gan kas, hag omladh er agan pynn, ha diank a'n tir.’

Eksodus 1:10 Iomraidhean Croise

Job 5:13

Ev a vagel an dus fur yn aga felder, ha towlennow an dus sleygh yw dres dhe worfenn yn skon.

Salmow 10:2

An tebelwas yn y woeth a helgh an boghosek; bedhens i kechys gans an towlow a wrussons.

Salmow 105:25

Ev a dreylyas aga holonn may kassens y bobel, ha dyghtya y wesyon yn fals.

Lavarow Koth 1:11

Mar leverons, ‘Deus genen, gwren kontrewaytya rag kavoes goes; gwren ni skolkya dhe vaglenna an den gwiryon heb ken;

Lavarow Koth 16:25

Yma fordh a hevel bos ewn dhe wour, mes hy diwedh yw an fordh dhe ankow.

Lavarow Koth 21:30

Nyns eus na furneth, na konvedhes na kusul a yll sevel erbynn an Arloedh.

Niverow 22:6

Deus lemmyn, molloth an bobel ragov, rag aga bos re alloesek ragov; martesen y hallav aga fetha ha'ga fesya dhiworth an tir; rag dell wonn, ev neb a vennigydh yw benniges, ha neb a vollethydh yw mollothek.’

Oberow 23:12

Pan dheuth an jydh an Yedhewon a wrug bras yn-dann li a vollethi, na wrens dybri nag eva kyns i dhe ladha Powl.

Oberow 7:19

Ev a dhyghtyas agan agh yn fel, hag arwaska agan tasow, ow kul dhedha gorra aga fleghesigow yn-mes ma na vens gwithys yn few.

1 Samuel 29:4

Mes kaslewydhyon an Filistysi o serrys ganso; hag yn-medh dhodho kaslewydhyon an Filistysi, ‘Gwra dhe'n gour dehweles, may hallo dehweles dhe'n tyller re beu apoyntys ragdho. Na wres ev mones yn-bann genen dhe'n vatel, rag own ev dhe dhos ha bos eskar dhyn y'n vatel. Rag fatell allsa an gwas ma gwaynya favour y arloedh marnas y fo gans pennow an wer ma?