Ekklesiastes 9:1 - An Bibel Kernewek 20234 (Kernewek Kemmyn)

¹ Ytho my a brederis oll a-dro dhe hemma y'm kolonn, owth assaya y dhysmygi – bos an dus wiryon ha'n dus fur, keffrys ha'ga oberennow, yn leuv Duw. Naneyl kerensa na kas – ny's goer denvyth; yma pup-tra a-dheragdha.

Ekklesiastes 9:1 Iomraidhean Croise

Job 12:10

Yma yn y leuv bewnans pup-tra a vew hag anall densys oll.

Job 27:12

Otta, hwi oll re welas hemma agas honan; prag y kewsewgh ytho kemmys flows?

Job 5:8

‘My, y hwilsen Duw, ha dhe Dhuw my a gommendsa ow hen.

Salmow 10:14

Ty re'n gwelas, rag ty a wra vri a dhregynn ha poenvos, dh'y gemmeres y'th tiwleuv; an anfeusik a gemmynn y honan dhiso jy; ty yw gwereser an omdhivas.

Salmow 119:109

Yma ow enev prest y'm leuv; byttegyns ny ankovav dha lagha.

Salmow 31:5

Y'th leuv jy y kemmynnav vy ow spyrys; ty re'm dasprenas, A Arloedh, Duw a wiryonedh.

Salmow 73:3

Rag my a borthas envi orth an re woethus pan welis vy sewenyans an debeles.

Lavarow Koth 16:3

Kommytt dha ober dhe'n Arloedh, ha'th towlow a vydh fastys.

Ekklesiastes 1:17

Ytho my a settyas ow brys dhe wodhvos furneth ha dhe gonvedhes muskokter ha follneth; ha my a wodhva hemma ynwedh dhe vos yeuni war-lergh an gwyns.

Ekklesiastes 10:14

An foll yw leun a eryow; Ny woer denvyth an pyth a hwer, ha'n pyth a hwyrvydh a'y wosa, piw a yll y leverel dhodho?

Ekklesiastes 7:15

My re welas oll hemma y'm dydhyow euver: treweythyow den mas a verow spit dh'y ewnder, ha treweythyow tebelwas a vew pell spit dh'y dhrogoberow.

Ekklesiastes 7:25

My a ombrederis y'm kolonn, may hwrellen hwilas ha hwithra ha konvedhes furneth ha resna, ha konvedhes droktra a follneth ha gokkineth a vuskokter.

Ekklesiastes 8:14

Ottomma euveredh arall yw gwrys y'n norvys: treweythyow yma tus wiryon a gyv an pyth a dhendil an debeles, ha treweythyow yma tebeles a gyv an pyth a dhendil an re wiryon. Yn-medhav, ‘Hemma ynwedh yw euveredh.’

Ekklesiastes 8:16

Pan res vy ow holonn dhe wodhvos furneth ha gweles an ober re beu gwrys y'n norvys – kyn lett hemma den rag koska naneyl yn nos nag yn dydh –

Ekklesiastes 8:7

na woer ev a-dro dhe'n termyn a dheu, namoy ny yll denvyth leverel dhe dhen arall an pyth a hwyrvydh.

Ekklesiastes 9:6

An pyth a garens i war-barth ha'n pyth a gasens i hag a berthens avi orto res eth lemmyn dhe goll, ha nyns eus rann dhedha bys vykken a bup-tra yw gwrys yn-dann an howl.

Ysay 26:12

A Arloedh, ty a orden kres ragon, rag pup-tra a wrussyn, ty a'n gwrug ragon.

Yeremia 43:6

an wer, ha'n benynes, ha'n fleghes, ha myrghes an myghtern, ha pubonan a wrug Nebuzadan kapten an withysi gasa gans Gedalia mab Ahikam mab Shafan; ynwedh Yeremia an profoes ha Baruk mab Neria.

Dewteronomi 33:3

Sur ev a gar an poblow; yma oll y syns y'th leuv; hag i a esedh orth dha dreys, ow tegemmeres dha eryow.

2 Timothi 1:12

Rakhenna y hwodhavav an taklow ma; mes ny borthav meth, rag my a woer neb re grysis ynno ha sur ov vy ev dhe alloes gwitha an pyth re beu gorrys y'm charj, bys y'n jydh na.

1 Peder 1:5

neb yw gwithys dre alloes Duw dre fydh dhe selwyans parys dhe vos diskwedhys y'n termyn diwettha.

1 Samuel 2:9

‘Ev a with treys y dus lel, mes an debeles a vydh tawesek yn tewlder; rag dre alloes ny wra denvyth gwarthevya.