Ekklesiastes 8:4 - An Bibel Kernewek 20234 (Kernewek Kemmyn)

⁴ Le mayth usi ger myghtern, y'n keth le yma galloes, ha piw a lever dhodho, ‘Pandr'a wredh?’

Ekklesiastes 8:4 Iomraidhean Croise

2 Samuel 24:4

Mes ger an myghtern o krev erbynn Yoab hag erbynn kaptenyon an lu. Ytho Yoab ha kaptenyon an lu eth yn-mes dhiworth lok an myghtern dhe nivera pobel Ysrael.

1 Myghternedh 1:30

kepar dell des re'n Arloedh, Duw Ysrael, ow leverel, “Solomon dha vab a reyn war ow lergh, hag ev a esedh war ow thron y'm le”, yndella my a wra an jydh ma.’

1 Myghternedh 2:25

Ytho myghtern Solomon a dhannvonas dre leuv Benaya mab Yehoyada; hag ev a goedhas warnodho may ferwis.

1 Myghternedh 2:46

Ena an myghtern a worhemmynnis dhe Benaya mab Yehoyada; hag ev eth yn-mes, ha koedha warnodho, may ferwis. Yndella an vyghterneth a veu fastys yn leuv Solomon.

Ezra 6:13

Ena Tattenay, governour an rannvro Dres-an-Avon, Shethar-bozenay, ha'ga heskowetha, a wrug herwydh an pyth a dhannvonas Darius an myghtern, gans meur a rach.

Job 9:12

Awotta, ev a gib dhe-ves; piw a yll y lettya? Piw a yll leverel dhodho, “Pandr'a wredh?”

Eksodus 1:18

ha myghtern Ejyp a elwis war an gwelivedhesow, ha leverel dhedha, ‘Prag y hwrussowgh an dra ma, ha gwitha an vebyon yn few?’

Lavarow Koth 19:12

Konnar myghtern yw avel lew owth usa, mes y favour yw avel gluth war an gwels.

Lavarow Koth 20:2

Konnar euthyk myghtern yw avel lew owth usa, neb a'n serr a gyll y vewnans.

Lavarow Koth 30:31

an kulyek ow payoni, an bogh, ha myghtern gans y lu a-dro dhodho.

Daniel 3:15

Lemmyn, mars owgh hwi parys orth an keth prys na pan glewowgh an korn, an pib, an gyttrens, an krowd, an sowtri, an pibow-sagh ha pub sort a venestrouthi, dhe goedha dhe'n leur ha gul gologhas dhe'n delow a wrug vy, da yw hemma: mes mar ny wrewgh gologhas, y fydhowgh tewlys an keth eur na yn kres fornes a dan ow flammya; ha py par duw ywa a'gas delirv mes a'm dorn?’

Daniel 4:35

ha pub annedhyas a'n norvys yw reknys avel mann; kepar dell vynno y hwra yn mysk lu an nev, hag yn mysk annedhysi an norvys; ny yll denvyth lettya y dhorn na leverel dhodho, ‘Pandr'a wredh?’

Romanyon 9:20

Mes piw os jy, den, dhe worthybi dhe Dhuw? A lever an dra formys dh'y formyer, ‘Prag y'm gwrussys yndella?’