Ekklesiastes 7:4 - An Bibel Kernewek 20234 (Kernewek Kemmyn)

⁴ Yma kolonn an dus fur yn chi kynvann, mes yma kolonn an fellyon yn chi plesour.

Ekklesiastes 7:4 Iomraidhean Croise

2 Samuel 13:28

Ena Absalom a erghis dh'y wesyon, ha leverel, ‘Merkyewgh pan yw y golonn meri gans gwin, ha pan lavarav dhywgh, “Gweskewgh Amnon”, ena ledhewgh ev. Na berthewgh own; a ny erghis dhywgh? Bedhewgh krev ha bedhewgh kolonnek.’

1 Myghternedh 20:16

I eth yn-mes y'n hanter-dydh, ha Ben-hadad owth eva yn fedhow y'n tyldow, ev ha'n dewdhek warn ugens myghtern y geffrysysi.

Ekklesiastes 2:1

My a leveris y'm kolonn, ‘Deus, my a vynn dha brevi gans plesour rag gweles mars yw hemma 'vas’, hag otta, hemma ynwedh yw euveredh.

Ekklesiastes 7:3

Gwell yw galar ages hwarth, drefenn dre dristyns an fas y teu ha bos gwell an golonn.

Ekklesiastes 7:5

Gwell yw degemmeres keredhi a dhen fur ages gour dhe woslowes orth kan fellyon.

Ysay 21:4

Ow holonn a's teves penn-dro, degrena re'm dalghennas; an tewlwolow a hwansen re dheuth ha bos skruth dhymm.

Yeremia 51:39

Yn aga gwres, my a bareus aga gwledh ha gul dhedha omvedhwi bys pan vydhons lowenek hag ena koska yn kosk bys vykken heb difuna nevra, yn-medh an Arloedh.

Yeremia 51:57

My a wra medhwi hy fennsevigyon ha'y doethyon, ynwedh hy governours, hy soedhogyon ha'y breselyoryon; i a gosk yn kosk bys vykken heb difuna nevra, yn-medh an Myghtern, ha'y hanow Arloedh an luyow.

Daniel 5:30

An keth nos na y feu ledhys Belshassar, myghtern an Kaldeanys,

Hosea 7:5

Yn dy'goel agan myghtern an bennternedh a veu klav gans toemmder an gwin; ev a ystynnas y dhiwla gans an re a wra ges.

Nahum 1:10

Rag kepar ha spern kesplethennys, ha kepar ha diwes pennow medhow, devorys vydhons, kepar ha sowl fest sygh.

1 Samuel 25:36

Abigayl a dheuth dhe Nabal; hag, otta, yth esa ev ow synsi kevewi yn y ji, kepar ha kevewi myghtern. Ha kolonn Nabal o lowenek a-ji dhodho, rag ev o pur vedhow; rakhenna ny dherivas hi travyth orto, byghan na bras, bys yn golow myttin.

1 Samuel 30:16

Pan y'n drosa yn-nans, awotta, yth ens i lesys a-derdro war enep oll an dor, ow tybri hag owth eva, hag ow tonsya, drefenn an myns bras a breydh a gemmersens yn-mes a bow an Filistysi hag yn-mes a bow Yuda.