Ekklesiastes 7:2 - An Bibel Kernewek 20234 (Kernewek Kemmyn)

² Gwell yw mos dhe ji kynvann ages mos dhe ji kevewi; rag bos mernans an denkys a beub oll ha res yw dhe'n den bew kemmeres henna yn y golonn.

Ekklesiastes 7:2 Iomraidhean Croise

Salmow 90:12

Yn kettella dysk dhyn nivera agan dydhyow, may treyllyn agan kolonn dhe furneth.

Ekklesiastes 2:14

An den fur – yma y dhewlagas yn y benn, mes an foll a gerdh yn tewlder. Byttegyns my a welas an keth tenkys dhe goedha warnedha aga dew.

Ekklesiastes 2:16

Ny vydh kov bys vykken naneyl dhe'n den fur, na dhe'n den foll, rag peub a vydh ankevys y'n dydhyow a dheu. Ass wra an den fur merwel kepar ha'n foll!

Ekklesiastes 3:19

Drefenn an keth tra yw tenkys mebyon den ha tenkys bestes. Kepar ha dell verow an eyl, yndella y ferow y gila; an dhew a'n jeves an keth anall. Nyns eus gwayn dhe vebyon den war an bestes, rag bos pup-tra euveredh.

Ekklesiastes 3:20

An dhew a dhe'n keth tyller: an dhew a dheu dhiworth an doust, ha dhe'n doust an dhew a dhehwel.

Ekklesiastes 6:6

Kyn hwrella ev bewa diwweyth mil vlydhen, nyns yw ev lowen yn y sewena. A nyns a pubonan dhe'n keth tyller?

Ekklesiastes 9:2

Dhe bubonan yma an keth tenkys – dhe'n den gwiryon ha dhe'n drogoberer, dhe'n den mas, dhe'n den glan ha dhe'n den avlan, dhe'n den a offer sakrifis ha dhe'n den na'n offer. An pyth a hwer dhe'n den mas a hwer ynwedh dhe'n peghador; an pyth a hwer dhe'n re a wra ti a hwer ynwedh dhe'n re a's teves own a wul ti.

Ekklesiastes 9:3

Hemm yw drog kevys yn pup-tra gwrys yn-dann an howl – yma an keth tenkys ow kortos pubonan. Dres henna, leun a dhrog yw kolonn mebyon den hag yn aga holonn yma follneth hedre vons bew, hag a-wosa yth ons dhe'n re varow.

Ekklesiastes 9:5

Rag an re vew a woer i dhe verwel, mes ny woer an re varow travyth; nyns eus pewas moy dhedha, ha kellys vydh hwath an kov anedha.

Ysay 47:7

Ty a leveris, ‘My a vydh mestres bys vykken.’ Ny withsys an taklow ma y'th kolonn, na perthi kov a'ga diwedh.

Yeremia 16:8

Ynwedh nyns edh yn chi a gevewya, dhe esedha gansa dhe dhybri ha dhe eva.

Haggay 1:5

Lemmyn ytho yndellma y lever Arloedh an luyow: Prederewgh a'gas fordhow.

Malaki 2:2

Mar ny woslewowgh, ha mar ny worrowgh agas kolonn dhe ri glori dhe'm hanow, yn-medh Arloedh an luyow, my a dhannvon molleth warnowgh hwi, ha my a volleth agas bennathow. Yn hwir, my a's mollethis seulabrys, rag na'n gorrsowgh yn agas kolonn.

Niverow 23:10

Piw a yll nivera doust Yakob, po rekna an peswora rann a Ysrael? Gas vy dhe verwel mernans an re wiryon, ha bedhes ow diwedh avel aga diwedh i!’

Matthew 5:4

‘Gwynn aga bys an re usi ow kalari, rag i a vydh konfortys.

Dewteronomi 32:29

Unnweyth a pens fur ha konvedhes hemma, ha dissernya aga fin!

Dewteronomi 32:46

ev a leveris dhedha, ‘Settyewgh agas kolonn war oll an geryow esov orth aga desta dhywgh hedhyw, a wredh aga gorhemmynna dh'agas mebyon, ow kwaytyas gul oll geryow an lagha ma.

Filippianys 3:19

Aga diwedh yw diswrians, aga duw yw an dorr, hag yma aga glori yn aga meth, gorrys aga brys war daklow an dor.

Ebrowyon 9:27

Ha poran dell yw ordenys dhe dus merwel unnweyth, ha wosa henna breus,