Ekklesiastes 6:2 - An Bibel Kernewek 20234 (Kernewek Kemmyn)

² Duw a re dhe wour rychys ha pythow hag enor ha ny fyll dh'y enev travyth yw hwansek dhodho, mes ny re Duw dhodho an galloes dhe dhybri a'n frut a'y lavur, mes estren a'n deber. Hemm yw euveredh ha kleves ankensi.

Ekklesiastes 6:2 Iomraidhean Croise

1 Myghternedh 3:13

My a re dhis ynwedh an pyth na wovynnsys, kevoeth hag enor oll dha dhydhyow; ny vydh myghtern arall kehevelys orthis.

1 Kroniklys 29:25

An Arloedh a ughelhas Solomon yn feur yn golok oll Ysrael ha ri dhodho meuredh ryel brassa es dell re bia war bub myghtern kyns yn Ysrael.

1 Kroniklys 29:28

Ev a verwis yn kothni dha, leun a dhydhyow, a rychys, hag a enor; ha Solomon, y vab a reynyas yn y le.

2 Kroniklys 1:11

Duw a worthybis dhe Solomon, ‘Drefenn bos hemma y'th kolonn, ha ny byssys dhiworthiv pythow, rychys, glori, na bewnans an re a'th kas, ha pella ny byssys dhiworthiv bewnans hir, mes ty re bysis furneth ha godhvos ragos dha honan, rag may hylli rewlya ow fobel ma'th wrug vy myghtern warnedha,

Salmow 17:14

Dhiworth tus, dre dha leuv, A Arloedh, dhiworth tus an bys ma. Re gaffons aga rann y'n bewnans ma, ha bedhes aga thorr lenwys a'th kessydhyans kudh. Bedhes aga mebyon lenwys, ha gasens remenant an kessydhyans dh'aga fleghigyow.

Salmow 39:6

Rag den a gerdh avel skeus; yn hwir ev yw troblys yn euver; ev a wra bern a rychys ha ny woer piw a'n kuntell.

Salmow 73:7

Aga dewlagas a hwedh gans tewder; i a's teves moy ages konsayts aga holonn.

Ekklesiastes 4:4

Ha my a welas oll an trobel hag oll an sleyghneth yn lavur ow tos dhiworth avi den erbynn y gentrevek. Hemma ynwedh yw euveredh ha chasya war-lergh an gwyns.

Ekklesiastes 4:8

yma nebonan heb koweth, ny'n jeves naneyl mab na broder, ha nyns eus diwedh dhe oll y lavur, ha nyns yw y lagas gwalghys gans rychys. Ev a gyn, ‘Rag piw yth esov vy owth oberi, ha plesour ow fyllel dhe'm enev?’ Hemma ynwedh yw euveredh ha lavur beghus.

Ekklesiastes 5:13

Yma drog ankensi re welis yn-dann an howl – rychys kuntellys gans y berghennek dh'y bystik y honan,

Ekklesiastes 5:16

Hemm yw anfeus arall – kepar dell dheuth, yndella yth a. Pandr'yw an gwayn dhe neb a ober rag an gwyns?

Ekklesiastes 5:18

My re welas ow honan pandr'yw gwiw ha teg rag mebyon den dh'y wul – dhe dhybri hag eva ha lowenhe yn aga ober kales a wrons i dhe oberi yn-dann an howl, dres an nebes dydhyow a'ga bewnans re ros Duw dhedha, rag hemm yw aga rann.

Ekklesiastes 5:19

Pubonan re wrug Duw ri dhodho rychys ha pythow, ha re ros dhodho galloes dhe dhybri dhiworta, dhe dhegemmeres y rann ha dhe lowenhe yn y lavur – hemm yw ro Duw.

Ysay 55:2

Prag y spenowgh arghans rag an pyth nag yw bara? ha'gas lavur rag an pyth na yll lenwel? Goslowewgh orthiv dour, ha dybrewgh an pyth yw da, ha'th enev a lowenha gans boes rych.

Kynvannow 5:2

Agan ertach re beu treylys dhe estrenyon, agan chiow dhe alyons.

Daniel 5:18

A vyghtern, an Duw Ughella a ros dhe'th tas Nebukadnessar myghternsys ha meuredh hag enor ha splannder;

Hosea 7:9

Estrenyon re dhevoryas y nerth, ha ny woer. Blew loes yw lesys warnodho, ha ny woer.

Dewteronomi 28:33

Pobel na aswonnsys a dheber frut dha dir hag oll askorr dha lavur, ha ny vydhydh saw arweskys ha tebeldhyghtys oll dha dhydhyow.

Dewteronomi 28:43

An alyon usi trigys yntredhowgh a yskynn a-ughos moy ha moy ughel; ha ty a dhiyskynn moy ha moy isel.

Breusysi 18:10

Pan ewgh, hwi a dheu dhe bobel dhigeudh. Ledan yw an tir – yn hwir Duw re'n ros yn agas diwleuv – tyller ma nag eus fowt a dravyth war an norvys.’