Ekklesiastes 4:10 - An Bibel Kernewek 20234 (Kernewek Kemmyn)

¹⁰ Rag mar koedhons i, an eyl a wra drehevel y gila, mes go-ev a goedh ha ny'n jevydh denvyth a yll y weres ow tassevel.

Ekklesiastes 4:10 Iomraidhean Croise

Jenesis 4:8

Yn-medh Kayn dhe Abel y vroder, ‘Deun ni yn-mes dhe'n gwel.’ Ha pan esens y'n gwel, Kayn a sevis erbynn Abel y vroder ha'y ladha.

2 Samuel 11:27

Wosa an kynvann dhe vos passyes, Davydh a dhannvonas ha'y hyrghes dh'y ji, ha hi eth ha bos y wreg, ha dineythi dhodho mab. Mes drog yn golok an Arloedh o an pyth re wrussa Davydh.

2 Samuel 14:6

Yth esa dhe'th vaghteth dew vab, hag i a omladhas an eyl erbynn y gila y'n gwel, ha nyns esa denvyth dh'aga diberth, ha'n eyl a weskis y gila ha'y ladha.

Eksodus 32:21

Ha Moyses a leveris dhe Aron, ‘Pandr'a wrug an bobel ma dhis may hwrussys dri pegh meur warnedha?’

Ekklesiastes 4:11

Ynwedh, mar krowedh dew dhen war-barth, y's teves toemmder, mes fatell yll unn den kavoes toemmder?

Ekklesiastes 4:9

Dew dhen yw gwell es onan, drefenn i dhe alloes kavoes pewas da dhiworth aga ober.

Galatianys 6:1

A vreder, mar pe nebonan kechys yn kammweythres, hwi, usi a'n Spyrys, restoryewgh den a'n par na yn spyrys a jentylys. Mir orthis dha honan, ma na vi temptys ynwedh.

1 Thessalonianys 4:18

Ytho, kennerthewgh an eyl y gila gans an geryow ma.

1 Thessalonianys 5:11

Rakhenna, kennerthewgh an eyl y gila, ha drehevel an eyl y gila, dell wrewgh yn hwir.

1 Samuel 23:16

Yonathan mab Sowl a sevis, ha mos dhe Davydh yn Horesh, hag ev a grevhas y leuv yn Duw.