Ekklesiastes 4:1 - An Bibel Kernewek 20234 (Kernewek Kemmyn)

¹ Ytho my a dreylyas arta dhe weles oll an arwask yw gwrys yn-dann an howl. Hag otta, dagrow an dus arweskys: ny's teves konforter; denvyth ny's delirv dhiworth nerth aga arwaskoryon; ny's teves konforter.

Ekklesiastes 4:1 Iomraidhean Croise

Job 16:4

My ynwedh a allsa kewsel kepar dell wrewgh, mar pewgh y'm tyller vy. My a allsa junya geryow war-barth er agas pynn, ha shakya ow fenn orthowgh.

Job 35:9

‘Tus a gri drefenn an lies arwask; i a gri rag gweres drefenn bregh an alloesogyon.

Job 6:29

Treylyewgh, my a'gas pys, na vedhes kammhynseth gwrys. Dasprederewgh lemmyn, mater a'm glander yw.

Job 9:24

Res yn leuv an debeles yw an norvys; ev a gudh fas y vreusysi. Mar nyns yw ev, piw yw ytho?

Salmow 12:5

‘Drefenn an voghosogyon dhe vos ravnys, drefenn kynvann an edhommogyon, lemmyn my a sev’, yn-medh an Arloedh; ‘my a'n gorr y'n sawder a yeun ev.’

Salmow 142:4

Mir orth ow leuv dhyghow ha gwel, rag nyns eus denvyth a'm aswonno; skovva a fyllis dhymm, nyns eus neb a wittho ow enev.

Salmow 142:5

My a armas warnas, A Arloedh; yn-medhav, ‘Ty yw ow skovva, ow rann yn tir an re vew.’

Salmow 42:3

Ow dagrow re beu ow bara dydh ha nos, hag i ow leverel dhymm oll an jydh, ‘Ple'ma dha Dhuw?’

Salmow 42:9

My a lever dhe Dhuw ow harrek, ‘Prag re'm ankevsys? Prag yth av vy ow kyni, ha'n eskar orth ow gwaska?’

Salmow 69:20

Mewl re dorras ow holonn, ha paynys bras a'm beus. My a hwilas neb a gemmerra truedh ahanav, mes nyns esa; ha konforters, mes ny's kevis.

Salmow 69:21

I a ros dhymm ynwedh bystel rag ow boes, hag y'm syghes i a ros dhymm aysel.

Salmow 80:5

Ty re's magas gans bara dagrow, ty re ros dagrow dhedha dhe eva dres musur.

Eksodus 1:16

ha leverel, ‘Pan wryllowgh an Ebrowesow dhe dhineythi, ha mires war an dhew ven, mar pydh mab – gwrewgh dhodho bos gorrys dhe'n mernans; ha mar pydh myrgh, gesewgh hi dhe vewa.’

Eksodus 1:22

ha Faro a worhemmynnis dhe oll y bobel, ow leverel, ‘Pub maw a vydh genys – tewlewgh ev y'n Nil, ha pub myrgh gwithewgh hi yn few.’

Lavarow Koth 19:7

Oll breder an boghosek a'n kas: kemmys moy yth a y gowetha dhiworto. Ev a's helgh gans geryow mes nyns esons i ena.

Lavarow Koth 28:3

Gour boghosek hag a arwask an voghosogyon yw avel glaw tynn na as trevas.

Lavarow Koth 29:2

Pan ynkress an re wiryon, an bobel a lowenha, mes pan y'n jeves tebelwas an rewl, an bobel a gyn.

Ekklesiastes 3:16

My a welas neppyth ken yn-dann an howl. Yn le gwirvreus yth esa sherewneth, hag yn le ewnder yth esa kammhynseth.

Ekklesiastes 5:8

Mar kwelydh arwask an boghosek ha ladrans a wirvreus hag ewnder yn rannvro, na borth marth a'n dra. Rag dres soedhek ughel yma soedhek ughella, ha dres an re ma yma tus ughella hwath.

Ekklesiastes 7:7

Yn sur arwask a dreyl an den fur dhe dhen foll, ha ro a dhiswra an golonn.

Ekklesiastes 8:9

Oll hemma my re welas ha my ow settya ow brys dhe bup-tra yw gwrys yn-dann an howl. Treweythyow neb unn den a wra maystri war dhen arall dh'y dhrog y honan.

Ysay 5:7

Rag gwinlann Arloedh an luyow yw chi Ysrael, ha gwer Yuda yw plansva y dhelit. Ev a worta gwirvreus hag awotta kammvreus, ewnder hag awotta kri.

Ysay 51:23

Ha my a'n gorr yn dorn dha dormentorys, neb a leveris dhis, ‘Pleg dhe'n dor rag may kerthyn warnas’; ha ty re wrug dha geyn avel an dor, hag avel an stret rag tus dhe dremena warnodho.

Ysay 59:7

Aga threys a boen dhe dhrog, hag i a fysk dhe dhinewi goes ankablus. Aga frederow yw frederow a anewnder; yma freudh ha kollva yn aga fordhow.

Yeremia 16:7

Ny wrons terri bara rag an kyner, dhe brofya keskalar rag an den marow; na ny wra denvyth ri dhedha an hanaf a gonfort dhe eva rag aga thas po rag aga mamm.

Kynvannow 1:16

Rag an re ma yth oelav dagrow; ow lagas a dhinwa dowr; rag pell ahanav yw neb a'm konfortyo, ow kul dhe'm enev dasvewa; ow mebyon yw forsakys, rag an eskar re dryghis.

Kynvannow 1:17

Sion a ystynn hy diwleuv; nyns eus dhedhi konforter vyth; an Arloedh re erghis erbynn Yakob may fo y gentrevogyon y eskerens; Yerusalem res eth ha bos tra avlan yn aga mysk.

Kynvannow 1:2

Oela a wra hi truan nosweyth, ha'y dagrow war hy diwvogh; Nyns eus dhedhi konforter vyth a'y haroryon oll; Pubonan a'y howetha re's toellas, i re dheuth ha bos hy eskerens.

Kynvannow 1:9

Yth esa hy avlander yn hy lostennow, ny ombrederi a'y thenkys; rakhenna marthys veu hy therroes, nyns esa dhedhi konforter vyth. ‘Gwel, A Arloedh, ow anken, rag an eskar re dryghis!’

Amos 3:10

Ny wodhons fara ewn, yn-medh an Arloedh, an re a guntell yn aga falesyow preydh aga garowder ha ladrans.

Amos 3:9

Diskleryewgh dhe'n palesyow yn Ashdod, ha dhe'n palesyow yn pow Ejyp, ha leverewgh: ‘Omguntellewgh war venydhyow Samaria, ha gwelewgh an lies arwask eus ynni, ha'n dus arweskys a-berth ynni.’

Malaki 2:13

An nessa dra ma hwi a wra: hwi a worher alter an Arloedh gans dagrow, gans oelva ha galar, a-ban na vir orth an offrynn namoy, na'n kemmer gans plesour dhiworth agas diwleuv.

Malaki 3:18

Hag arta hwi a wra dissernya ynter an den gwiryon ha'n tebelwas, ynter an den a serv Duw ha neb na'n serv.

Malaki 3:5

Ha my a dheu nes dhywgh rag breus. Ha my a vydh test uskis erbynn an hudoryon ha'n avoutroryon, ha'n re a de yn fals, hag erbynn an re a doell an gweythor a'y wober, an wedhwes ha'n omdhivas, ha treylya dhe-ves an alyon, ha na berthons own ahanav, yn-medh Arloedh an luyow.

Matthew 26:56

Mes oll hemma yw hwarvedhys may fo kollenwys skrifow an brofoesi.’ Ena oll an dhyskyblon a'n gasas ha fia dhe'n fo.

Dewteronomi 28:33

Pobel na aswonnsys a dheber frut dha dir hag oll askorr dha lavur, ha ny vydhydh saw arweskys ha tebeldhyghtys oll dha dhydhyow.

Dewteronomi 28:48

ty a serv dha eskerens a wra an Arloedh dha Dhuw dannvon er dha bynn, yn nown, hag yn syghes, hag yn noethedh, hag yn esow a bup-tra oll; hag ev a worr yew a horn war dha gonna, bys may hwrello dha dhistrui.

Jamys 5:4

Otta, gobrow an wonisysi a vysas agas gwelyow hag a wrussowgh gwitha dhiworta yn fals, ymons ow karma; ha garmow an vysoryon re dhrehedhas diwskovarn Arloedh an luyow.

Breusysi 4:3

Ena mebyon Ysrael a grias dhe'n Arloedh rag gweres; rag ev a'n jevo kans charett a horn, ha re arwasksa mebyon Ysrael yn fell ugens blydhen.