Ekklesiastes 3:4 - An Bibel Kernewek 20234 (Kernewek Kemmyn)

⁴ Prys dagrewi ha prys hwerthin; prys kyni ha prys donsya.

Ekklesiastes 3:4 Iomraidhean Croise

Jenesis 21:6

Hag yn-medh Sara, ‘Duw re wrug dhymm hwerthin, ha peub a'm klew a hwerth genev vy.’

2 Samuel 6:16

Pan dheuth argh an Arloedh a-ji dhe sita Davydh, Mikal myrgh Sowl a viras war-woeles der an fenester, ha gweles myghtern Davydh ow lamma hag ow tonsya dherag an Arloedh; ha hi a'n dispresyas yn hy holonn.

Salmow 30:11

Ty re dreylyas ow hynvann dhe dhons; ty re dhiwiskas ow yskar ha'm grogysa gans lowender.

Salmow 30:5

Rag ny dhur y sorr saw pols byghan; yn y ras yma bewnans. Oelva a dhur dres an nos, mes lowena a dheu y'n myttin.

Eksodus 15:20

Ena Miryam, an brofoeses, hwoer Aron, a gemmeras tabourik yn hy leuv ha'n benynes oll eth war hy lergh gans tabourigow ha gans donsyow.

Ekklesiastes 3:5

Prys skoellya meyn a-les, ha prys aga bernya; prys byrla ha prys skonya a vyrla.

Ekklesiastes 7:14

Yn dydh sewena bydh lowen! Hag yn dydh a dhrog, gwra prederi a-dro dhe hemma. Duw re wrug an eyl ha'y gila, ma na allo denvyth diskudha travyth a hwyrvydh y'n termyn a dheu.

Ysay 40:1

Konfortyewgh, konfortyewgh ow fobel, a lever agas Duw.

Ysay 40:2

Kewsewgh orth kolonn Yerusalem, ha gelwewgh dhedhi hy gonis dhe vos gorfennys, ha tylys kessydhyans hy hammweythres, rag hi re dhegemmeres a dhorn an Arloedh dewgemmys rag oll hy feghadow.

Matthew 11:17

ha leverel, “Ni a bibas dhywgh ha ny wrussowgh donsya, ni a ganas galargan ha ny wrussowgh oela.”

Matthew 9:15

Ha Yesu a leveris dhedha, ‘A yll kowetha an gour pries kyni hedre vo an gour pries gansa? Mes an dydhyow a dheu pan vydh an gour pries kemmerys dhiworta hag y'n eur na i a wra penys.

Luk 1:58

Ha'y hentrevogyon ha'y neskerens a glewas an Arloedh dhe dhiskwedhes tregeredh veur dhedhi, hag i a lowenhi gensi.

Romanyon 12:15

Lowenhewgh gans an re a lowenha, oelewgh gans an re a oel;

2 Korinthianys 7:10

Rag keudh duwek a ober edrek heb govisyon, bys yn selwyans; mes keudh a'n bys a ober mernans.

Jamys 4:9

Gwrewgh galari, ha kyni hag oela. Bedhes agas hwarth treylys dhe gynvann, ha'gas lowena dhe dristyns.