Ekklesiastes 3:11 - An Bibel Kernewek 20234 (Kernewek Kemmyn)

¹¹ Duw re wrug pup-tra dhe vos teg yn y brys gwiw, mes ynwedh ev re worras konvedhes yn kolonn mebyon den a dermyn ow tremena trank heb worfenn, ma na allons i diskudha an ober a wrug Duw a-dhiworth an dalleth bys yn diwedh aga bewnans.

Ekklesiastes 3:11 Iomraidhean Croise

Jenesis 1:31

Ha Duw a welas pup-tra re wrussa hag awotta, yth o pur dha. Hag y feu gorthugher hag y feu myttin, an hweghves dydh.

Job 11:7

‘A yllydh hwithra an taklow down a Dhuw? A yllydh diskudha finweth an Ollgalloesek?

Job 37:23

An Ollgalloesek – ny yllyn y gavoes; meur yw y nerth, ha'y vreus, hag yn y wirvreus ha'y ewnder bras ny arwask ev.

Job 5:9

Ev a wra taklow meur hag anhwiladow, taklow bryntin heb niver.

Salmow 104:24

A Arloedh, ass yw lies dha wriansow! Yn furneth ty a's gwrug, i oll; an nor yw leun a'th kreaturs.

Lavarow Koth 16:4

An Arloedh re wrug pup-tra rag porpos, ynwedh an tebelwas rag dydh a derroes.

Ekklesiastes 1:13

ha my a settyas ow brys yn furneth dhe hwilas ha hwithra pup-tra re beu gwrys yn-dann nev. Beghus yw an ober re ros Duw dhe vebyon den, gans meur a daklow dhe wul.

Ekklesiastes 11:5

Kepar dell na wodhes fordh an gwyns, na hwath fatell yw formys eskern yn torr benyn usi gans flogh, yndella ny wodhesta ober Duw neb a wra pup-tra.

Ekklesiastes 7:13

Gwel ober Duw. Piw a yll ewnhe an pyth a gammas?

Ekklesiastes 7:23

My a brovas oll hemma dre furneth: my a leveris, ‘Sur, my a vynn bos fur’, mes yth esa pell dhiworthiv.

Ekklesiastes 7:29

Mir, hemma unnsel re gevis, Duw a wrug mab-den ewnhynsek, mes i, i re hwilas lies droktowl.’

Ekklesiastes 8:17

ena my a welas pup-tra a veu gwrys gans Duw, mes ny yll mab-den konvedhes an pyth yw gwrys yn-dann an howl, rag kyn hwra mab-den lavurya dhe hwilas, ny gyv ev travyth; ha kyn hwrella den fur leverel ev dh'y gonvedhes, ny yll ev y gonvedhes yn tien.

Matthew 11:27

Pup-tra oll a veu delivrys dhe'm charj gans ow Thas, ha denvyth ny aswonn an Mab saw an Tas, na ny aswonn denvyth an Tas saw an Mab ha neb may fynno an Mab y dhiskwedhes dhodho.

Matthew 13:22

Ha'n dra hesys yn mysk spern, ev yw neb a glew an ger, mes fienasow an bys ha dynyans rychys a dag an ger hag ev ny dheg frut.

Mark 7:37

Hag yth o dhedha marth dres eghenn, hag yn-medhons, ‘Ev re wrug pup-tra yn fas; ev a wra dhe'n re vodhar klewes, ha dhe'n re avlavar kewsel.’

Romanyon 1:28

Ha drefenn nag o da gansa aswonnvos Duw, Duw a's gasas dhe dhrog vrys ha dhe fara divlas.

Romanyon 11:33

O, downder rychys Duw ha'y furneth ha'y wodhvos! Ass yw y vreus dres konvedhes, ha dres hwithra y fordhow!

Dewteronomi 32:4

An Garrek – perfydh yw y ober, rag oll y fordhow yw ewn; Duw a lenduri, heb kammhynseth, gwiryon ha kompes yw ev.