Ekklesiastes 2:8 - An Bibel Kernewek 20234 (Kernewek Kemmyn)

⁸ my a vernyas hag arghans hag owr ragov vy ow honan, ha tresor a vyghternedh ha ranndiryow; my a gavas ragov vy ow honan kanoryon ha kanoresow, war-barth ha'n pyth a re delit dhe vebyon den – harim a iswragedh teg.

Ekklesiastes 2:8 Iomraidhean Croise

2 Samuel 19:35

Peswar ugens bloedh ov hedhyw; a allav vy dissernya yntra da ha drog? A yll dha was blasa an pyth a dheber po eva? A allav vy hwath klewes lev kanoryon po kanoresow? Ytho prag y koedh dhe'th was bos begh arall dhe'm arloedh an myghtern?

1 Myghternedh 10:10

Ena hi a ros dhe'n myghtern hwegh-ugens talent a owr, myns meur a spisyow, ha gemmweyth drudh; bythkweth arta ny dheuth an spisyow yn kemmys palster ages an pyth a ros myghternes Sheba dhe vyghtern Solomon.

1 Myghternedh 10:14

Poester an owr a dheuth dhe Solomon yn unn vlydhen o hwegh kans ha hwegh ha tri-ugens talent a owr,

1 Myghternedh 10:21

Oll lestri eva Solomon o gwrys yn owr, hag oll lestri Chi Koeswik Lebanon a veu a owr pur; nyns esa nagonan yn arghans – y feu reknys avel isel y dalvosogeth yn dydhyow Solomon.

1 Myghternedh 11:3

Yn mysk y wragedh yth esa seyth kans pennseviges ha tri hans iswreg; ha'y wragedh a dreylyas dhe-ves y golonn.

1 Myghternedh 14:27

Ytho myghtern Rehoboam a wrug skoesow a vrons yn aga le, ha'ga ri yn leuv soedhogyon an gorfwithysi, a witha daras chi an myghtern.

1 Myghternedh 9:14

Hiram re dhannvonsa dhe'n myghtern hwegh-ugens talent a owr.

1 Myghternedh 9:28

I eth dhe Ofir, ha kyrghes alena peswar kans hag ugens talent a owr, ha'ga dri dhe Solomon.

1 Kroniklys 25:1

Davydh ha hembrenkysi an lu a settyas a-denewen ynwedh rag servis re a vebyon Asaf, Heman, ha Yeduthun, dhe brofoesa gans sowtris, telynnow ha symbalys. Rol an wre a wre an servis rag an ober ma o:

1 Kroniklys 25:6

Yth esa oll an re ma yn-dann gevarwoedhyans aga thasow rag an menestrouthi yn chi an Arloedh, gans symbalys, sowtris ha telynnow, rag an servis yn chi Duw. Yth esa Asaf, Yeduthun, ha Heman yn-dann worvirans an myghtern.

2 Kroniklys 9:11

An myghtern a wrug devnydh a'n prenn algum dhe wul grisyow rag chi an Arloedh ha rag chi an myghtern, hag ynwedh sowtris ha telynnow rag an ganoryon. Ny via gwelys aga farow bythkweth yn pow Yuda.

Ezra 2:65

heb rekna aga gwesyon ha'ga maghtethyon, seyth mil, tri hans, seytek warn ugens aga niver: hag yth esa dhedha dew kans kenyas ha kenyades.

Ekklesiastes 1:2

Euveredh a euveredh, yn-medh an Pregowther, euveredh a euveredh, pup-tra yw euver.

Daniel 3:15

Lemmyn, mars owgh hwi parys orth an keth prys na pan glewowgh an korn, an pib, an gyttrens, an krowd, an sowtri, an pibow-sagh ha pub sort a venestrouthi, dhe goedha dhe'n leur ha gul gologhas dhe'n delow a wrug vy, da yw hemma: mes mar ny wrewgh gologhas, y fydhowgh tewlys an keth eur na yn kres fornes a dan ow flammya; ha py par duw ywa a'gas delirv mes a'm dorn?’

Daniel 3:5

pan pynag y klewvowgh son an korn, an pib, an gyttrens, an krowd, an sowtri, an pibow-sagh ha pub sort a venestrouthi, y koedhowgh dhe'n leur ha gul gologhas dhe'n delow owrek a wrussa Nebukadnessar an myghtern y dhrehevel.

Daniel 3:7

Ytho, dhe'n keth prys na, kettell glewas oll an poblow son an korn, an pib, an gyttrens, an krowd, an sowtri, an pibow-sagh ha pub sort a venestrouthi, oll an poblow, an kenedhlow ha'n tavosow a goedhas dhe'n leur ha gul gologhas dhe'n delow owrek a wrussa Nebukadnessar an myghtern y dhrehevel.

Amos 6:5

neb a gan orth son an delynn, hag avel Davydh ow tevisya dhedha daffar menestrouthi.