Ekklesiastes 2:11 - An Bibel Kernewek 20234 (Kernewek Kemmyn)

¹¹ Ha my a viras orth pup-tra re wrug ow diwleuv, ha'n lavur a wrug vy dhe oberi, hag otta, pup-tra yw euveredh ha chasya war-lergh an gwyns, ha nyns eus gwayn yn-dann an howl.

Ekklesiastes 2:11 Iomraidhean Croise

Jenesis 1:31

Ha Duw a welas pup-tra re wrussa hag awotta, yth o pur dha. Hag y feu gorthugher hag y feu myttin, an hweghves dydh.

Salmow 89:47

Porth kov, A Arloedh, ass yw kott ow bewnans; a formsys oll mebyon den yn euver?

Eksodus 39:43

Ha Moyses a welas oll an ober, hag otta, i re'n gwrussa; dell worhemmynnsa an Arloedh, yndella i re'n gwrussa. Ha Moyses a's bennigas.

Ekklesiastes 1:14

My re welas pup-tra yw gwrys yn-dann an howl: hag otta, yth yw oll hemma euveredh ha chasya war-lergh an gwyns.

Ekklesiastes 1:17

Ytho my a settyas ow brys dhe wodhvos furneth ha dhe gonvedhes muskokter ha follneth; ha my a wodhva hemma ynwedh dhe vos yeuni war-lergh an gwyns.

Ekklesiastes 1:3

Pandr'yw an gwayn dhe vebyon den der oll aga ober kales a wrons i dhe oberi omma yn-dann an howl?

Ekklesiastes 3:9

Pana wayn a gyv an oberer der oll y lavur?

Ekklesiastes 5:10

Neb a gar arghans ny vydh gwalghys gans arghans, na ny vydh neb a gar rychys gwalghys gans y bythow. Hemma ynwedh yw euveredh.

Ekklesiastes 5:16

Hemm yw anfeus arall – kepar dell dheuth, yndella yth a. Pandr'yw an gwayn dhe neb a ober rag an gwyns?

Habakkuk 2:13

A nyns yw dhiworth Arloedh an luyow may lavur an poblow rag tan ha mayth yw an kenedhlow skwithys rag travyth?

1 Timothi 6:6

Mes gwayn meur yw sansoleth war-barth gans bos kontentys.