Ekklesiastes 12:3 - An Bibel Kernewek 20234 (Kernewek Kemmyn)

³ y'n jydh may kren gwithysi an chi, ha gwarrgromm yw an wer grev, ha'n valoryon a hedh drefenn i dhe dhos ha bos boghes, ha'n re a vir yn-mes der an fenestri yw tewlhes,

Ekklesiastes 12:3 Iomraidhean Croise

Jenesis 27:1

Ysak gyllys koth, ha re wann y dhewlagas dhe weles, ev a elwis Esaw y vab kottha ha leverel dhodho, ‘Ow mab’; hag ev a leveris, ‘Ottavy.’

Jenesis 48:10

Ha tewl o dewlagas Ysrael dre gothni ha ny ylli gweles. Ytho ev a's dros nes dhodho hag ev a ammas dhedha ha'ga byrla.

Salmow 102:23

Ev a wannhas ow nerth war an hyns; ev a verrhas ow dydhyow.

Salmow 35:14

My a gerdhas a-dro ow kyni kepar ha pan ve ow howeth po ow broder; my a blegyas dhe'n dor yn galarwisk, kepar ha den ow kyni y vamm.

Salmow 38:6

Kromm ov vy ha plegys glan dhe'n dor; oll an jydh yth esov ow kyni.

Zekaria 8:4

Yndellma y lever Arloedh an luyow: Arta gwer goth ha benynes koth a wra esedha yn stretys Yerusalem, kettep onan gans lorgh yn y leuv drefenn niver bras y dhydhyow.

1 Samuel 3:2

Y'n termyn na, yth esa Eli, may tallathsa y dhewlagas fyllel ma na ylli gweles, ow krowedha yn y le;