Ekklesiastes 12:2 - An Bibel Kernewek 20234 (Kernewek Kemmyn)

² kyns bos tewlhes an howl ha'n golow ha'n loer ha'n ster, ha'n kommol a dhehwel wosa an glaw;

Ekklesiastes 12:2 Iomraidhean Croise

Jenesis 27:1

Ysak gyllys koth, ha re wann y dhewlagas dhe weles, ev a elwis Esaw y vab kottha ha leverel dhodho, ‘Ow mab’; hag ev a leveris, ‘Ottavy.’

Jenesis 48:10

Ha tewl o dewlagas Ysrael dre gothni ha ny ylli gweles. Ytho ev a's dros nes dhodho hag ev a ammas dhedha ha'ga byrla.

Salmow 42:7

Downder a elow dhe dhownder orth tros dha dhowrlammow; oll dha vordardh ha'th tonnow res eth dresov.

Salmow 71:20

Ty, neb re dhiskwedhas dhymm lies anken bras ha drog, a'm bewha arta; ha ty a'm dre yn-bann dhiworth downderyow an nor.

Salmow 77:16

An dowrow a'th welas, A Dhuw, an dowrow a'th welas hag a borthas own; an downderyow ynwedh a grenas.

Salmow 90:10

Dydhyow agan blydhynyow yw deg blydhen ha tri-ugens; po dre reson krevder peswar-ugens blydhen, byttegyns nyns yw aga nerth marnas poenvos hag ahwer; rag hware y hedh, ha gyllys on ni dhe goll.

Ysay 13:10

Rag ster an nevow ha'ga Orionow ny rons aga golow. An howl a vydh tewl pan dhrehav, ha'n loer ny wra dh'y loergann splanna.

Ysay 5:30

Y'n jydh na ev a romm warnodho avel grommya an mor. Mar mirir orth an tir, awotta tewlder hag ankres; golow a vydh tewlhes gans an kommol.

Yoel 3:15

Tewlhes yw an howl ha'n loer, ha'n ster a skon a ri aga golow.

Matthew 24:29

‘A-dhihwans war-lergh galar an dydhyow na an howl a vydh tewlhes, ha'n loer ny re hy golow, an ster a goedh war-nans a'n nev, ha nerthow an nevow a vydh kryghyllys.

1 Samuel 3:2

Y'n termyn na, yth esa Eli, may tallathsa y dhewlagas fyllel ma na ylli gweles, ow krowedha yn y le;

1 Samuel 4:15

Lemmyn Eli o etek bloedh ha peswar-ugens ha'y dhewlagas a fallsa, ma na ylli gweles.

1 Samuel 4:18

Pan gampoellas argh Duw, Eli a goedhas war-dhelergh a-dhiworth y gador ryb tenewen an yet; ha'y gonna a veu terrys hag ev a verwis, rag an gour o koth, ha poes. Ev re vreussa Ysrael dew-ugens blydhen.