Ekklesiastes 12:1 - An Bibel Kernewek 20234 (Kernewek Kemmyn)

¹ Porth kov a'th Kreador yn dydhyow dha yowynkneth, kyns dos an drog dhydhyow, ha'n blydhynyow may leverydh, ‘Ny'm beus plesour ynna’;

Ekklesiastes 12:1 Iomraidhean Croise

Jenesis 39:2

Yth esa an Arloedh gans Yosep hag ev o gour sewen; hag yth esa ev yn chi y arloedh ejyptek.

Jenesis 39:23

Ny wrug gwithyas an prison vri a dravyth re bia gorrys yn y leuv, rag yth esa an Arloedh ganso; ha dhe bup-tra a wre, an Arloedh a ros sewena.

2 Samuel 19:35

Peswar ugens bloedh ov hedhyw; a allav vy dissernya yntra da ha drog? A yll dha was blasa an pyth a dheber po eva? A allav vy hwath klewes lev kanoryon po kanoresow? Ytho prag y koedh dhe'th was bos begh arall dhe'm arloedh an myghtern?

2 Samuel 19:36

Dha was a wra mos pols dres an Yordan gans an myghtern, mes prag y tegoedh dhe'n myghtern ri pewas a'n par na dhymm?

1 Myghternedh 14:13

Ysrael oll a gyn ragdho ha'y ynkleudhyas; rag a deylu Yeroboam ny vydh saw unnsel ev ynkleudhys yn ewn y'n bedh, drefenn ynno yw kevys neppyth plegadow dhe'n Arloedh, Duw Ysrael, yn chi Yeroboam.

1 Myghternedh 18:12

Kettell vydhav gyllys ahanas, spyrys an Arloedh a'th teg ny wonn py le; ytho pan dhov ha leverel dhe Ahab ha ny yll ev dha gavoes, ev a'm ladh. Dha was re borthas own a'n Arloedh a-dhia'm yowynkneth.

Nehemia 4:14

Ha my a viras ha sevel ha leverel dhe'n ugheloryon, ha dhe'n soedhogyon ha dhe remenant an bobel, ‘Na berthewgh own anedha. Perthewgh kov a'n Arloedh yw meur hag euthyk, hag omledhewgh rag agas breder, agas mebyon, agas myrghes, agas gwragedh ha'gas chiow.’

Job 30:2

Py gwayn a veu krevder diwla aga thasow dhymm, tus may feu gyllys aga nerth?

Salmow 119:55

My re borthas kov a'th hanow yn nos, A Arloedh, ha my re synsis dha lagha.

Salmow 34:11

Dewgh, hwi fleghes, goslowewgh orthiv; my a dhysk dhywgh own an Arloedh.

Salmow 63:6

pan borthav kov ahanas war ow gweli, ha prederi ahanas yn goelyow an nos.

Salmow 90:10

Dydhyow agan blydhynyow yw deg blydhen ha tri-ugens; po dre reson krevder peswar-ugens blydhen, byttegyns nyns yw aga nerth marnas poenvos hag ahwer; rag hware y hedh, ha gyllys on ni dhe goll.

Lavarow Koth 22:6

Dysk maw y'n fordh ewn, ha pan vo koth ny wander dhiworti.

Lavarow Koth 8:17

My a gar an re a'm kar, ha'n re a'm hwila yn fen a'm kyv

Ekklesiastes 11:10

Gwra dannvon sorr yn-mes a'th kolonn, ha dannvon drog yn-mes a'th kig, rag euveredh yw flogholeth ha yowynkneth.

Ekklesiastes 11:2

Ro rann a'th pythow dhe seyth po dhe eth, rag ny wodhesta py par happ drog y fydh y'n nor.

Ekklesiastes 11:8

Ytho mar pew den lies blydhen, gwres ev lowenhe ynna oll, mes perthes ev kov a'n dydhyow a dewlder, rag lower vydhons i. Euveredh yw pup-tra a dheu.

Ysay 26:8

Yn hyns dha vreusow, ni a'th worta A Arloedh; dha hanow ha dha govadh yw hwans an enev.

Kynvannow 3:27

Da yw, gour dhe berthi an yew yn y yowynkses.

Daniel 1:17

Dhe'n peswar mab ma, Duw a ros dyskans ha skians yn pub lyenn ha furneth; ha Daniel a gonvedhi pub gwelesigeth ha hunros.

Hosea 7:9

Estrenyon re dhevoryas y nerth, ha ny woer. Blew loes yw lesys warnodho, ha ny woer.

Luk 1:15

Rag ev a vydh meur a-dherag an Arloedh, ha gwin ha diwes ny wra ev dhe eva mann, ha lenwys vydh ev a'n Spyrys Sans, ha henna dhiworth brys y vamm,

Luk 18:16

Mes Yesu a elwis an fleghesigow dhodho ha leverel, ‘Gesewgh an fleghesigow dhe dhos dhymm ha na wrewgh aga lettya, rag dhe re a'n par ma yw gwlaskor Duw.

Efesianys 6:4

Ha tasow, na wrewgh serri agas fleghes mes megewgh i yn dyskybleth ha dyskans an Arloedh.

Dewteronomi 8:18

Mes porth kov a'n Arloedh dha Dhuw, rag yth yw ev neb a re dhis nerth dhe wul golusogneth, rag may fastyo y gevambos a dos dhe'th tasow, kepar hag y'n jydh hedhyw.

2 Timothi 3:15

ha ty dhe wodhvos a-ban es flogh an skrifow sans, a yll dha wul fur bys yn selwyans dre fydh yn Krist Yesu.

1 Samuel 1:28

Rakhenna my re'n prestas dhe'n Arloedh, hedre vewo, ev a vydh prestys dhe'n Arloedh.’ Hag i a wordhyas an Arloedh ena.

1 Samuel 16:7

Mes yn-medh an Arloedh dhe Samuel, ‘Na vir war naneyl y semlans na hirder y gorf, drefenn my dh'y skonya; rag ny wra an Arloedh gweles kepar dell wel mab-den; rag mab-den a vir war an semlans, mes an Arloedh a vir war an golonn.’

1 Samuel 2:18

Mes yth esa Samuel ow servya a-dherag an Arloedh, maw dell o, grogysys gans efod a lien.

1 Samuel 2:26

Ha'n maw Samuel a besyas tevi yn ughelder hag yn favour gans an Arloedh hag ynwedh gans tus.