Ekklesiastes 11:2 - An Bibel Kernewek 20234 (Kernewek Kemmyn)

² Ro rann a'th pythow dhe seyth po dhe eth, rag ny wodhesta py par happ drog y fydh y'n nor.

Ekklesiastes 11:2 Iomraidhean Croise

Nehemia 8:10

Yn eur na ev a leveris dhedha, ‘Kewgh, dybrewgh an blonek, hag evewgh an gwin hweg ha dannvenewgh rannow dhodho ev na'n jeves travyth parys ragdho. Sans yw an jydh ma dh'agan Arloedh: na bedhewgh grevys, rag lowena an Arloedh yw agas nerth.’

Ester 9:19

Rakhenna Yedhewon an godrevi usi trigys y'n trevow heb fosow a syns peswardhegves dydh an mis Adar avel dydh a heudhder hag a gevewya, ha dydh da, hag a dhannvon rohow a voes an eyl dh'y gila.

Ester 9:22

avel an dydhyow may feu dhe'n Yedhewon powes dhiworth aga eskerens, ha'n mis hag a veu treylys ragdha dhiworth ahwer dhe heudhder, ha dhiworth kynvann dhe dhydh da: ma's gwrellens dydhyow a gevewya hag a heudhder, hag a dhannvon rohow a voes an eyl dh'y gila, hag a dhannvon rohow dhe'n voghosogyon.

Job 5:19

Ev a wra dha dhelivra dhiworth hwegh trobel; yn seyth ny wra drog mann dha dochya.

Salmow 112:9

Ev re rannas, ev re ros dhe'n voghosogyon, ha'y ewnder a dhur bys vykken; y gorn a vydh drehevys yn enor.

Lavarow Koth 19:17

Neb yw grassyes orth an voghosogyon a re kendon dhe'n Arloedh, hag ev a re dhodho attal y ober.

Lavarow Koth 6:16

Yma hwegh tra a gas an Arloedh, seyth yw tra gasadow dhodho:

Ekklesiastes 11:3

Mars yw an kommol leun, i a wra diveri aga glaw war an dor, ha mar koedh gwydhenn po dhe'n dhyghowbarth po dhe'n gledhbarth, hi a wra growedha y'n keth le may koedh hi.

Ekklesiastes 11:8

Ytho mar pew den lies blydhen, gwres ev lowenhe ynna oll, mes perthes ev kov a'n dydhyow a dewlder, rag lower vydhons i. Euveredh yw pup-tra a dheu.

Ekklesiastes 12:1

Porth kov a'th Kreador yn dydhyow dha yowynkneth, kyns dos an drog dhydhyow, ha'n blydhynyow may leverydh, ‘Ny'm beus plesour ynna’;

Daniel 4:27

Ytho, A vyghtern, re bo ow husul degemmeradow dhis; daspren dha beghosow gans gwiryonedh, ha'th anewnder dre dhiskwedhes tregeredh dhe'n voghosogyon, rag may fo dha sewenyans martesen hirhes.’

Mika 5:5

Ha'n den ma a vydh kres. Pan dheffo Asshur yn agan tir ha trettya war agan gweres, ni a dhrehav er y bynn seyth bugel hag eth penntern a dus;

Matthew 18:22

Yn-medh Yesu dhodho, ‘Ny lavarav dhis bys yn seyth gweyth, mes bys yn deg ha tri ugenskweyth seythgweyth.

Matthew 5:42

Ro dhe neb a wovynno orthis, ha na wra omdenna dhiworth an den a vynnsa chevisya ahanas.

Luk 17:4

Ha mar pegh ev seythgweyth yn unn jydh er dha bynn ha treylya dhis seythgweyth ow leverel “Edrek a'm beus”, res yw ty dhe ava dhodho.’

Galatianys 6:1

A vreder, mar pe nebonan kechys yn kammweythres, hwi, usi a'n Spyrys, restoryewgh den a'n par na yn spyrys a jentylys. Mir orthis dha honan, ma na vi temptys ynwedh.

Efesianys 5:16

ow kul devnydh a'n termyn, rag bos an dydhyow drog.

Ebrowyon 13:3

Perthewgh kov a'n brisnoryon par dell vewgh prisonys war-barth gansa; ha'n re yw kammdhyghtys, a-ban esowgh hwi ynwedh y'n korf.

1 Samuel 25:8

Govynn orth dha wesyon, hag i a lever dhis. Rakhenna gas ow gwer yowynk dhe gavoes favour y'th wolok; rag ni re dheuth yn dydh feusik. Ro my a'th pys, pypynag a dheffo dhe'th leuv dhe'th wesyon ha dhe'th vab Davydh.” ’