Ekklesiastes 1:9 - An Bibel Kernewek 20234 (Kernewek Kemmyn)

⁹ An pyth re hwarva, an keth henna a hwyrvydh arta; ha'n pyth re beu gwrys, an keth henna a vydh gwrys arta, ha nyns eus travyth nowydh yn-dann an howl.

Ekklesiastes 1:9 Iomraidhean Croise

Ekklesiastes 1:10

Eus neppyth may hyllir leverel a-dro dhodho, ‘Otta, nowydh yw hemma’? Nag eus, seuladhydh ev re beu, pell kyns agan oes ni.

Ekklesiastes 2:12

My a dreylyas dhe wodhvos furneth ha dhe gonvedhes muskokter ha follneth. Mes pandr'a yll gul an den a dheu wosa an myghtern, saw an dra re beu gwrys kyns?

Ekklesiastes 3:15

An pyth re hwarva, an keth henna re beu gwrys kyns; ha'n pyth a hwyrvydh, an keth henna re beu gwrys kyns, rag Duw a hwila an pyth re beu kelys.

Ekklesiastes 6:10

Dhe'n dra a veu kyns, hanow a veu res seulabrys. Y hwodhor pandr'yw mab-den. Ny yll strivya gans den yw kreffa agesso.

Ekklesiastes 7:10

Na lavar, ‘Prag yth o an dydhyow kyns gwell es an dydhyow hedhyw?’ Nyns yw fur govynn henna.

Ysay 43:19

Otta, y hwrav tra nowydh, lemmyn y hwra ev egina: a ny'n gwelowgh? My a wra hyns y'n difeythtir, avonyow y'n gwylvos.

Yeremia 31:22

Pes termyn a hokydh, A vyrgh dhislel? Rag an Arloedh re greatyas tra nowydh y'n nor: Benyn a dhifres gour.

2 Peder 2:1

Mes yth esa fals profoesi yn mysk an bobel kepar dell vydh fals dhyskadoryon yn agas mysk ynwedh, a vynn dri tebelgryjyansow fell, ow nagha hwath an Mester a wrug aga frena, hag ow tri diswrians uskis warnedha i.

Diskwedhyans 21:1

Ha my a welas nev nowydh ha nor nowydh: rag an kynsa nev ha'n kynsa nor re dremensa dhe-ves, ha nyns esa mor namoy.

Diskwedhyans 21:5

Ha neb esa owth esedha war an tron a leveris, ‘Otta, nowydh a wrav pup-tra oll.’ Hag ev a leveris dhymm, ‘Skrif, rag len ha gwir yw an geryow ma.’